اسقني من حبك

اسقني من حبك
أبيك تحب أبيـك تحن أبيـك تولــهـ مثل الأول
آبى عينــك تناظرنـي و تـترقب لجيــاتي..!!
أبيك تحس أبيـك تـــرد آبى البعــد ما يطـول
أبيك تشوف حبي لك في قلبي وفي ذاتي..!!
أبيك تلومني لا غبت أبيك تثور أبيـــك تزعـل
وآبى أرضيك بخضوعي ومعك بكل غاياتي..!!
تعال قول لي أنت غلطـان أبيك مني ما تخجــل
تعال بلهفة الشوق تعال اسمع مناجاتي..!!
تعال قول أنا احبــك آبى عروقـي بها تنبـل
أبيك تكون لي الدرب وأبيك اقـرب مســافاتي..!!
تعال اسقيني من حبك ترى جسمي بدى يذبل
تعال وشوف كثر الهم بدى يظهر بنظراتي..!!
تعال اشكي لك همومي خلاص أرجوك لا ترحل
أنا محتاج لوجودك يجمع باقي شـــتاتي..!!
أبيك النور أبيك الشمس أبيك الليل أبيك الظل
أبيك أنت لي الدنيا وتكون أخر محطاتي..!!
وإذا تأخرت بجياتي مابيك تنطر أبيك تســـال
ومهما غبت عن عينك أبيك تخاف و تحاتي..!!
و إذا ماتت الفرحة وخـــان الوقت و تبـــدل
آبى أيدك تلازمني و تمسح كل دمعاتي..!!
و إذا تحت التراب جسمي بيبقى حبي و يظل
معاك دنياي أنا فيها ومن دونك نهاياتي..!!
أبيك تبكي علي موتي وآبى حزنك علي يطول
وأبيك تذكرني و تذكـــر يا روحي كل رغبـــاتي ..!!
***
قصيدة أعجبتني فنقلتها لكم

مشكوة ابيات في قمة الروعة والجمال لا عدمناك

ابيات جميله صح لسان شاعرها
واسمحي لي بنقلها لهمس القوافي

ابيات جميله شكرا ع النقل