-
فخر واعتزاز
قصيدة الشاعر / حلو فرحان المروب (فخر واعتزاز)
قال المروب والمروب تخيٌر
يختار من جزل التماثيل مازان
اليابغيت القيل ماني متحٌير
أفتح من ابواب المثل عشر بيبان
أفخر ولاني بالمفاخر معيرٌ
ياصرت من ربع(ن) لهم بالوغى شان
يما وقع بنحورنا كم خيرٌ
إبساعة(ن) والجو عج(ن) ودخان
ستر العذارى وأمهات الحويرٌ
كل(ن) يقول النعم ونقيل صفران
يكفي ندا راع المليحا النهيرٌ
مقدام دكلات السبايا بألاكوان
قلته وأنا ماني بشمر صغيرٌ
بالله لاتنسون هدة جليدان
يمشي على العدوان مشي المسيرٌ
صاحي ولكنه تقل عمل سكران
له موقف(ن) قدام ذروات نيرٌ
يكفيه يرثونه صناديد برزان
تم الكلام المختصر والقصيرٌ
أحلى من الفنجال عند إبن قبلان
-
صح لسان الشاعر ولسانك مديرنا العزيز ونعم بالمراوبه وبجميع القبايل
-
صح لسانك على الابيات الرائعه لاعدمناك
-
ابو محمد الزوبعي
حياك
لاهنت شاكرا ومقدرا مرورك يالغالي
-
فزاع
هلا فيك
نورت بوجودك
مع شكري وتقديري لمرورك
-
صح لسااانك وللسان شاااعرناا حلو