ياراكب اللي دوله الصنع يابان
----------------------ارفق بحالك لا تزيد المكينه
جانا مورد ضمن مجموعة الوان
---------------------ابيض رصاصي والادهم يازينه
كامل جماله ولا فيه نقصان
------------------------لاوقف يادوب تسمع وانينه
ولامشى تشبه اسد غضبان
---------------------- زعيم فمكانه والحوله يهينه
حطه على يمناك في كل ميدان
---------------------عند البدو والا الحضر بالمدينه
لاترهبه طلعات ولا نزول وديان
----------------------كل المغانم كاسبه في يمينه
ادعس له البزين بس وعلى شان
----------------------يكتم غباره ثم عقب(ن) يبينه
يقرب ديار اللي له القلب شفقان
------------------خل(ن) على فراقه نفسي حزينه
ياركب اللي علامه جيب نيسان
------------------------خذها نصيحه لاتزيد المكينه
