يانفس قولي جعل بالأمر خيره
بسم الله الرحمن الرحيم
إخواني إدارة وأعضاء ومشرفين أرجو العذر على طول الغياب وأود أن أخبركم إني ماغبت إلا لوجود ظروف خاصه جداً وأحب أن أهديكم هذه القصيدة:
البارحـه جتنـي همومـي طوابيـر
لا أقفت هموم جت هموم مغيره
غارت على قلبي سـوات السواطيـر
لولا سياج الصـدر حالـي خطيـره
ولاجيت ابدلـه وأتصنـع معاذيـر
تهزني عبـره بصـدري كسيـره
لاتحزنيـن وتشتكيـن المقـاديـر
يانفس قولـي جعـل بالأمـر خيـره
مانـي بأنـا الأول ولانـي بالأخيـر
هـذي دواليـب الدهـر مستـديـره
ورزقك على اللي رازق الداب والطير
الواحـد اللـي عالـم بالسريـره
ولاتيسيـن ولـو تطـول المشاويـر
مايفلـح الا مـن يكـمـل مسـيـره
نمشـي بهالدنيـا ورود ومصاديـر
وكل يحسب اللـي بجنبـه عشيـره
وياكـم صديـق وده يقطـك ببـيـر
ويحد لك شلفاه لـو هـي شطيـره
ومالي سوى المعبود والـي التدابيـر
اللي بحكمـه كـل عسـره يسيـره
وإلا العلوم اللـي سـوات المواطيـر
اللي نقلهـا مـن يخرعـه صفيـره
اللـي ماينفـع فيـه لاشـر لاخيـر
وشرواه من تربى بوسـط الحظيـره
قل له ترى الغايب بجنحانـه يطيـر
سمقانكـم ماشكلـت فـي مطـيـره
بس إحمد المولى وجنب عـن البيـر
لاشفت ماجـد جـاك يسقـي بعيـره
أخوكم/
ماجدعوادالسعدي
