ارحموا من في الارض يرحمكم من في السماء

السلام عليكم ورحمة الله وبركاته يا اهل رفحا

انا مدينة بريده ولا اعرف الحدود الشماليه ولاعمري شفته لكن قريت بأحدى المنتديات قصه لـِ عائله محتاجه من رفحا تمنيت انهم عندنا عشان نساعدهم وجتني فكره ابحث بمنتدياتكم وانشره لـ اصحاب الخير وارجو ان تساعدونهم واي معلومة او استفسار اسألون اسأل العضوه اللي كتبت القصه سألته أحدى الاخوات عن موقعهم وقالت تبعد عن رفحا 100كيلو في منطقه تسمى المركوز واترككم مع القصه

اقتباس:

---

المشاركة الأصلية كتبت بواسطة 127061

بنات انا احبكم وربي مثل خواتي واخاف عليكم شوفوا موقفي اليوم وخذوا العظه والعبره
بنات والله الذي لااله الى هو ان الدنيا ضاقت في عيني ضيق لايعلم به غير الواحد الاحد بنات اليوم صار لي موقف وربي كرهت نفسي وكرهت الدنيا وعرفت ان الانسان مايسوى شي وان الانسان مايملى عينه شي كل هالنعمه والخير اللي احنا عايشين فيها ولا شي عاجبنا بنات ترى النعمه زواله و احنا بنعمه وخيره محنا حاسين بهالنعمه يكفي ان كل وحده منا تاكل وتشرب ولها بيت ساكنه ونايمه ومرتاحه فيه ولابسه بنات ترى كل هالخيييييييييير يمكن بلحظه يزول بنات وربي مو نافع الوحده منا الى عملها لا ماركات ولا ميك اب ولافساتين على 4 و5 الاف ولا اثاث من ايكيا ومن افخم الماركات ولاسفرات بأوربا ولاشي
بقولكم الموقف اللي صار لي اليوم وكل اللي ابي منكم ادعاء لهم بظهر الغيب
بنات انا ساكنه بشمال المملكه بحكم عمل زوجي وساكنه مؤقت واليوم كنت طالعه انا وزوجي على الساعه تسعه كنت رايحه لزوجة صديق زوجي تو متعرفه عليها وانا راجعه على الساعه 11 الى اشوف ولد يبنات والله الذي لااله الى هو شكله يقطع القلب واقف عند باب بيتهم قديم مره ويبكي يمكن عمره 4 سنوات ويبكي بكى يقطع القلب اناصحت على زوجي الى يوقف وقف ونزلت تخيلوا بهالبرد اللي يكسر العظم واقف بشارع ولابس لبس صيفي وسخ ومبهذل مسكته وضميته وحاولت اني اتكلم معه بس مافهمت عليه دقيت الباب الى تتطلع علي بنت يمكن عمرها 9سنوات قامت تقولي هذا اخوي قلت وين امك قالت امي ماتت وانا مع جدتي وادخل البيت وربي يابنات فقر ماتتخيلوا كيف البيت وربي شكلهم يحزن دخلت للعجوز الى تشكي لي حالهم اللي يقطع القلب وربي بكيت بكى من شكلها ومن هالفقر وهالبرد اللي هم عايشين فيه وربي جالسين على البلاط ياااااااااااااااااااااااااااااارب فرج همهم ابوهم مسجون وعايشين مع جدتهم العجوز المريضه تخيلوا يابنات قامت تحلف للي انهم عايشين على تجميع علب البيبسي من الزبايل كل صباح هي والبنت صغيره وتبيعها شوفوا كيف واحنا مو عارفين وش احلى هالمطعم ولا هالكافي والا شرايكم بهالبس من جيفنشي ولا هالساعه من ديور ولاهالشنطه من شانيل بنات خافوا ربي بانفسكم وربي كرهت نفسي بنات كل اللي ابي منكم تدعون لهم بظهر الغيب وخذوا العظه والعبره و كل وحده تحمد ربي وتشكره ولايكون همها الدنيا وربي من بعد هالموقف وانا مصدومه كنت بجلس اسمعهم اكثر بس زوجي مارضى تخيلوا وش طلبوا مني طلبوا اكل وربي تقطع قلبي عليهم والله الذي لا اله الى هو ان عايشين بنعمه وخير اللهم لك الحمد والشكر ياااااااااارب
لا إله إلا أنت سبحانك إني كنت من الظالمين
اللهم فرج كربهم و أذهب عنهم همهم
..آمين ..
بنات الله يجزأكم الف خير على الاقل ارفعوا الموضوع بدعوه لهم وربي تكسبوا اجر بدعاء لهم يمكن تكونوا سبب في مساعده و خير لهم

---

الحمد لله النعمة . لفته جميلة يابنت بريدة جزاك الله خير

جزاك الله خير بنت بريده والله لا يحرمك الأجر قولي امين
الله يسعدك
ويذهب عنهم الهم والفقر

لاحول ولاقوة الا بالله


المركوز بلد صغير والمفروض ماتنتقل له عدوى المدنيه بحيث الجار مايدري عن جاره..وين عيال عم زوجها؟؟؟

وبعدين وين الجمعيات الخيريه؟وين امام المسجد؟وين رئيس المركز؟وين جارهم؟وين الباحثين اللي في الضمان الاجتماعي؟

الله يلعنهم كلهم والله ان ذنب هالعجوز في ارقابهم..

أختي الكريمة
الآن سيكون بيننا وبين رئيس الجمعية الخيرية المسؤولة عنهم تواصل
لنتأكد من صحة ما نقلته لكم الأخت

شكرا لك وأسأل الله أن يجعل ما يصلهم في ميزان حسناتك

يبدو أن القصة مُفبركة ...
كيف تعيش العائلة على تجميع علب "البيبسي" في بلدة صغيرة ونائية ؟!
ثم كيف تجرأت بالدخول حوالي الساعة 11 مساءً لوحدها ؟!
ولماذا لم يتدخل زوجها ويمنعها ؟!

أختي ربي ياأجرك على ما نقلتي
لكن عندي أسئلة؟

كلام الاخت مو موضح فيه إنها رفحاء؟؟
ثم إذا كانت برفحاء
أتمنى تعطينا مكانها وأسم العائلة لو بالخاص ؟؟

كان الله بعونهم وفرج كربهم

مشكورين اخواني وخواتي على التفاعل وهذا دليل على طيبتكم

اقتباس:

---

المشاركة الأصلية كتبت بواسطة عروووبة

أختي ربي ياأجرك على ما نقلتي
لكن عندي أسئلة؟

كلام الاخت مو موضح فيه إنها رفحاء؟؟
ثم إذا كانت برفحاء
أتمنى تعطينا مكانها وأسم العائلة لو بالخاص ؟؟

---

سألت العضوه وانا بنتظار رده

اقتباس:

---

المشاركة الأصلية كتبت بواسطة عز الخوي

جزاك الله خير بنت بريده والله لا يحرمك الأجر قولي امين
الله يسعدك
ويذهب عنهم الهم والفقر

---

امييييين واياك

اقتباس:

---

المشاركة الأصلية كتبت بواسطة أبو هيا

لاحول ولاقوة الا بالله


المركوز بلد صغير والمفروض ماتنتقل له عدوى المدنيه بحيث الجار مايدري عن جاره..وين عيال عم زوجها؟؟؟

وبعدين وين الجمعيات الخيريه؟وين امام المسجد؟وين رئيس المركز؟وين جارهم؟وين الباحثين اللي في الضمان الاجتماعي؟

الله يلعنهم كلهم والله ان ذنب هالعجوز في ارقابهم..

---

انا مثلك اتساءل.... استغفر الله التلعين لايجوز

اقتباس:

---

المشاركة الأصلية كتبت بواسطة رفحاوي

يبدو أن القصة مُفبركة ...
كيف تعيش العائلة على تجميع علب "البيبسي" في بلدة صغيرة ونائية ؟!
ثم كيف تجرأت بالدخول حوالي الساعة 11 مساءً لوحدها ؟!
ولماذا لم يتدخل زوجها ويمنعها ؟!

---

الله اعلم لكن حبيت انشر للخير

اقتباس:

---

المشاركة الأصلية كتبت بواسطة بنت بريده

الله اعلم لكن حبيت انشر للخير

---

كلنا نحب نشر الخير ولكن يجب علينا التأكد قبل النقل حتى لا نُشوه سمعة أحد ...