ارجعي لاجل ( رفحاء ) اللي طغى الحزن بسماها ؟؟؟
==== (( الى الوحيدة )) ====
جيــت يسبقنــي ظــلام الشــارع اللـي تسكنيــنه
******** قلــت افاجـئ غـايتـي واضمّـها واكســب رضـاهـا
انتظــرتك تحـت شبّـاكـك لعـلّـك تفتحيــنه
******** وانكشــف نـور الصبــاح ولاروت عيــنـي ضمــاهـا
شفــت بـابك مـن غيـابك تشتكيــلي قفلتيــنه
****** والبيــوت اللـي مـلاهـا الحــزن وش علمــه مــلاهـا
عــانك الله يـالمشــاعـر والفـؤاد الله يعيــنه
******* سـافـرت نبـض الغــرام وخـلّـت حطـامـي وراهــا
ســافـرت كـل الغـلا زهـر (رفحاء) ويـاسميــنه
****** واحــرقـت كل القــلوب اللـي تغـذّى مـن شــذاهـا
هــالنـي ذاك السكـوت اللـي حمـلنـي فـي يــدينـه
********** واخنقتـني عبـرةٍ قشـرا وسـرّانـي عنـاهـا
انكـسـر خـاطـر فـؤادي والعيــون امسـت سجيـنه
********** للـدمــوع وكـلّ دمـعٍ هلّتــه عينـي فــداهـا
قمـت انـادي مثـل طفــلٍ ضــاع يبغـى والـدينــه
****** ضــاقت اسوار البيــوت وضــاق بـالـدنيـا فضــاهـا
رحـت ازايـم حســرتـي والقلـب يوجعــني ونيــنـه
***** صـرت بـالدنيـا وحيـد وصــاحبـت روحــي شقــاهـا
كلّ لحظــات الـزمـن عنــدي تشــابه مـع سنيــنه
******* والشـفاه اللـي تبي الفــرحة كســاهـا مـاكسـاهـا
والشقـا وجهـه عبــوس وقـام يــرفع حــاجبيـنه
******** للّيــالي والسعــادة طــول عمـري فـي حــراهـا
ســافـر الحــزن وتمـادى واتّـخـذ قلبــي سفيــنه
******** والغيــاب امــواج بحـر وسبّـة الـرحلـة هــواهـا
احضنــه طيفـك واضمّــه والمســه وامسـح جبيــنه
****** واسـألـه يـاطيـف ويـش اللـي علـى بعــدي حــداهـا
بشّــروا حائل واهل حائل وذيك المــديـنـه
********** جتهــم اللـي مـاذبحنــي فـالحيـاة الاّ غـلاهـا
جتهــم احــلام القــلوب ودرّة العمـر الثميــنه
******* جتهــم اللـي كـلّ شـيٍ يسكــن احــلامـي معــاهـا
اكتـأب وجـه (رفحاء) اللـي من غيـابـك حــزينــه
********صــابهـا لـون الســواد وخيّـل الحـزن بسمــاهـا
ارجعــي واخـذي حيــاتي واخــذي اللـي تـاخـذينــه
******* يكــفي أنواع العــذاب النفـس جـاهـا مـاكفـاهـا
ارجعــي لعيــون (محبوبك) طـالبـك لاتـذبحيــنه
******* قبـل تنهيـه الهمـوم اللـي لحـق نفسـي مــداهـا
اتـركـي حائل واهلها واتركي ذيك المدينة
**** وارجعي لاجل (رفحاء) اللـي طغـا الحــزن بسمــاهـا
==== مختارة ====
