الإبل والكرم
سبحان ربي رفع سبع السموات
سبع السماء والأنعام موسمه ومقرونة
سبحان اللي خلقهن ركاب وحليب ولبن
حليب ولبن وللحاجة إذا احتاجوا يبيعونه
سبحان اللي جعلهن فايدة ونقل لأهل البادية
والحضر والريف على الحاجات يشغلونه يكدونه
عنزة فدعان ابن مهيد مصوتن بالعشا مكرم اللاف
هذا طبعنا أنا وأبوي وجدي على السنة يمشونة
مكرمين الضيف حادين السيف مدخلين الدخيل
مساعدين الضعيف يعزونة على السنة يدلونة
الله وأكبر وراية مرفوعة رسم واشعار
على الجبين وسلاح وذخيرة على الحادي يعينونة
سنة محمد نبينا الهادي المصطفى نذير الخلق
يمشي عليها الناس وبذكر الله يردونه
منزل المطر من السحاب منعش الدنيا والارض
من بعده بفرش أخضر محددة الارض ومزيونة
بروق تسبق رعود وبعدها ينسنس هوى الغربي
يداعب شجر وأزهار كل سنة يتغير لونة
وطير مايعرف التعب حر واشهب ونزر ومرن
على صيد الحبارى وعلى الصيد الثمين الغالي يهدونة
وخيل أصيله مع سلق تطرد صيدك اللي
صيدك اللي من الرحمن محللة ومعلونة
ومع مقيل الشمس توقد النار مع دله
مع دله على الجنب مبهره ومهيله على الجنب مركونه
تشوي صيدك مع خبز جمري
على جمر اللظى الصيد يشوونه
وياماحلى ظلمة العتمة مع قمر ونجوم
واخوان وخلان مع سوالف وذكر الله للتعليل يطولونه
واختامها مسك على النبي محمد نصلي
وكل من جلس بالذكر يذكرونه
