صحصح يا نايم

لكم بعد طول غياب


.


صحصح يا نايم مانفع كثرة النوم
وعينن تكحلها كحلها عماها
.
باين جملنا لأعرض الجيش موسوم
ولا كل من رام الطويله رقاها
.
ياشيخ زين ان كانه يطيح ويقوم
غيره ليا بيطح تعزاء رجاها
.
عسير رزقك كان ماهو بمقسوم
عطشان وغيومي تشح بسماها
.
احيان اتعرى وانا لابس هدوم
لجل ستر ناس ن كسرها حياها
.
الجوع والتذكار والليل والبوم
ذلي سكاكين الحياة ودهاها
.
يا نور عيني لاتزيديني الوم
غلاك عشعش بالضلوع وملاها
.
من قبل اعرفك كنت تايه ومنجوم
وعيني بعد عشرتك دلت جداها
.
انتي اخذتي من العشق مفطوم
وانتي رويتي مهجتي من هواها
.
ماني وانا نايف غلا غيرك اسوم
ياطهر من انفاس الحياة وشداها
.
معزتك عندي عدد غير مقسوم
تربيع ضربه (فايها) واشتكاها
.
السيل لا شمل روى جوف لملوم
وانا رويت قلوبها من شذاها
.
بلقيس لو عرشك ورى قيصر الروم
ساس اليمن ساسه ومده مداها
.
الله يا وقت ن ملا جفني وشوم
زمان راح بذكريات ن حواها
.
ختم على صبر المعنى له اختوم
عج الضنك رمله حفى ما محاها
.
يا هنوه سكينك عمى طس مثلوم
مابيك كانك صاحبي في رخاها
.
لي بالشدايد قوم تطحن رحى قوم
لانته ولا ربعك تجي مستواها
.
(اكرخ) مثل غيرك علينا ويجي يوم
تعرف ثعابين الهرم من عصاها
.
الكام يفضح كان قربلك الزوم
والنار تزفر جمرها من لظاها
.
ماسوم في سوق ن كثر وسطه السوم
واعرف مخدة فكرتي من غطاها
.
قال المثل مبطي قبل رفعة الشوم
لا قام حظك باعلك واشتراها
.
نايف الذعذاع

صح لسانك وعلا شانك
وعودا حميدا شاعرنا
في انتظار جديدك .. لاهنت

صح لسانك وعلا شانك
وبانتضار جديدك

يعطيك العافيه

صح لسانك نايف...
ننتظر أبداعك...

صح لسااانك


اخووووي نايف


ولاهنت

يا سلام عليك يا نايف .. !

صح لسانك ..

صح لسانك
يعطيك العافيه