ومضه عراقية/تمنيتك

الاخوة والاخوات
الومضة تعني في الشعر الشعبي العراقي مقطع شعري صغير وعادتا لايتعدى ٢٠
بيت من الشعر الغزلي العفيف......
عسى ان تعجبكم واذا هناك شئ غير وضح سوف اكون سعيد باعطاء معانية........



تمنيتك
...........

تمنيتك ا ضني ابشوفتك ارتاح
يا ماي المطر عطشان إلك عمري
وأنا صحرا جبيرة و خاليه من الواح
وسموم العواذل ما تهز صبري
حجر يدمي اليسري والنبت مالاح
اعلى حد الشوف بس رمل القهر يذري
لفيت وصحت حيا والكلب هم صاح
ولكيتك شرجي تذي وبيه ما تدري
تمنيتك ورد وبروضتك فلاح
وتظل اعروك هرشك نابته بصدري
وظل خيمة محبه لعطرك الفواح
أداريك ابترافة ولايذ ابكتري
لجن فزيت لنه بس دمع ونواح
وضحكات الشماتة ونارهن حدري
اطفي ابماي صبري والجروح صياح
يسح دمي اعلى صدري هموم من يجري
تمنيتك وطن ويلوكله المرواح
وتعفي عن ذنوبي وتقبل بعذري
لان كلبه رحيم وجفه مو سفاح
إذا مجبل بوجهي ومدبر بظهري
صلب كلش صلب بضلوعه عجلة أرماح
يدور لي شفاعة ويغفر ألغدري
لجن ما حسبيتك تكسر المفتاح
تطردني ابليل وتسعى الهجري
تذبحني انتباهه بسمك الذباح
وتضيع معالم اسمي من كبري
تمنيتك خسارة ما اريد أرباح
تمنيتك اعذيبي الكعدة العصري
تمنيتك وهيه الأمنيات أرياح
وتمزك الحقيقة ثوبها الوبري
وخسرت العمر ها طاح هذا وراح
محصولي عصاتي ومنحني ظهري


كافل الشمري/من العراق


جبيرة = كبيرة
شرجي = الريح التي تهب من الجنوب الى الشمال وعكس مجرى النهر
المرواح = يستخدم في تذرية الحنطةوالشعير
العصري = هي الساعة قبل الغروب

اقتباس:

---

تمنيتك خسارة ما اريد أرباح

---

هذا الشطر هو بوابة للحب العذري الغير محدود .. وما يسمى الحب الغير مشروط المطلق ..

يا سلام ..

صح لسانك يا إبن العراق .. إبن العظمة والعز ..

حيك الله اخي اتمنى ايعجب الاخرين
لان من شرب ماء الفرت لابد يكون شاعرا او متذوقا للشعر
تحياتي لك والاخوة كافة

صح لسانك
أخونا كافل

بارك الله فيك

الف شكر لك اختي على مرورك الكريم

اوووووووووووووووووووووووووووووووووووووووووووووووف
وين ما نروح العراقيين ورانا ورانا
ان شاء الله ماتكون مفخخ خخخخخخخخ
ارجوك اخي الغالي
من بعد اذن اخواني واخواتي الاعضاء
يوجد هناك الكثير من المنتديات والمواقع العراقية لعرض التراث العراقي العظيم !!
هذا ليس بالمكان المناسب
ما يكفينا القنوات الفظائية كل ما نفتح على محطة يطلعلنا العراق
ارجوكم العراق تسبب لي بالكثير من الاسى والحزن
باختصار دمر حياتي يعني حرام اعيش يوم بعيد عن ذكر العراق
لا اله الا الله
اسف مع احترامي للجميع

ههههههههههههههههههههههههههههههههههه
طفشته
الله اكبــــــــــــــــــــــــــــــــــــــر النصــــــــــــــــــــــــــــــــــــــر لنــــــــــــــــــــــــــــــــــــــا
http://www.google.com/images?q=tbn:Y...in8eTeP0U2D6U=