لاخير بانسان رمى ثوب ماضيـه***وبالتاليه يسعى لطمـس الهويّّـه

فتاة .. من إحدى القباائل .. نُعتت بأنها بدوية (( وهذه النظرة السائدة عن كل من يحمل أسم قبيلة بآخر أسمه ))

وكان هذا ردهاا .. ما اقواها من قصيدة ...

[poem=font="Simplified Arabic,5,black,bold,normal" bkcolor="transparent" bkimage="backgrounds/25.gif" border="outset,10,indigo" type=2 line=1 align=center use=sp num="0,black"]
لاخير بانسان رمى ثوب ماضيـه =
وبالتاليه يسعى لطمـس الهويّّـه
للشمس نور يحسب إنّـه يغطيّـه =
ما يدري كفوفـه بنـوره خفّيّـه
وأنا فدا الماضي ليا حل طاريـه =
أنسى الحيـاة المترفـه والشقّيّـه
طبع البداوه عشقي وميّتـه فيـه =
وكلّي فخر لاقالوا إنّـي بدويّـه
إيه ابدويّه آخذ الخيـر وأعطيـه =
وأبادل المعطي جزيـل العطيّـه
إيه ابدويّه وأزرع الطيب وأجنيه =
الطيب زرعي ما زرعت الرديّـه
إيه ابدويّه لـو تزيـد المشاريـه =
ببقى على عهـد البـداوه وفيّّـه
ماألاحق الموضه بسوق المسافيه =
اللي لهن كل يوم روحـه وجيّـه
الله سترني ، ثوبهـم ذاك ماابيـه =
لاصار تطريزه بسلـك الخطيّـه
ماني من اللي أثبت العكس وأنفيه =
وبيني وبين العيب حوض المنيّـه
ومانيب دلّوعه ولا قلت : (أمبيه) =
ولالي على كثر الدلـع مقدريّـه
رزينه وثقلي على الخـفّ أبديّـه =
دام الثقـل زينـه لعقـل البنيّـه
كرامتي نجم سطـع فـي لياليـه =
ولاذلّني مخلوق ما دمـت حيّـه
لنفسي عليّه دين لاشـك أبوفيـه =
ولا دفعت لمقتـل الخـوف ديّـه
وأقول للي جهل الأيـام معميـه =
مولوده ، وعشت ، وبموت ابدويّه[/poem]



لا أعرف أسم الشاااعرة أتمنى تنويرنا به ..

الله يعطيك العافيه دبوب دائم مبدع
في كل قسم عساك للقوه

تحياتي

قصيده جميله اخي دبدوب اشكر لك اثرائنا بها

قصيده رائعه بروعتكـ.......

السلهومي الله يعافيك يالغااالي .. والله لك وحشة ..

النزيه العفوو وأيضاً لك وحشة لا يعلم بها إلا الله ...

روعتي لا تجاوز روعة تواجدكم في الموضووع ..


شكرا للجميع ..