بسم الله الرحمن الرحيم
إخواني واخواتي الاعزاء في هذا المنتدى اول موضع اكتبه وكنت اريد كتابة موضوع آخر فتذكرت رحلتي العام الماضي إلى رفحاء لإفراغ ارض بكتابة العدل وصراحة فرحت لهذا الموضوع لاذكر ماشاهدت برفحاء ومن اهلها
اول شيء المداخل لرفحاء والله روعه بس ياليت طريق الخدمه يشاف له حل لان اشوف ناس تجي مسرعه وتدخل بكل سرعتها للرئسي المفروض إن الخدمه يكون مثل الموقف ولاتزيد السرعه فيه عن 20 او30
والتنظيم والمحلات والمباني والاشجار شيء رائع ثم دخلنا العدل واحب اذكر بعض الاشخاص وبعضهم لااعرف اسمه ولكن يمكن تعرفونه بداية بالشيخ سعود فاضل الشمري الله يكثر من امثاله كأنك داخل بيته من الترحيب والإبتسامه والتواضع والثاني إن مانسيت اسمه خالد يكتب المبايعات الاخ خلانا نسينا إننا جايين من سفر بعيد بالسوالف والضحك ثم جينا الخمعلي ماخلانا نجلس الالحظات ومشينا طبعا هذولا كأنهم مضيفيننا ببيوتهم يوم خلصونا بسرعه لاننا خفنا انه يكون فيه موعد إلى بكرى ثم شافنا واحد مراجع يازين سوالفه وعرف إننا ماحنا من رفحاء ويا الله تخلصنا منه وكان الوالد جالس بالغرفه الاولى شفت ابوي سلم عليه وقال لابوي يارجال انتم طرقيه وما يصير إلاغداكم عندي إعتذر ابوي وشكرناه قلت منه هذا يايبه قال هذا ابن عبيدان وحنا جالسين ننتظر إستلام الصك كان جالس عندنا واحد الحقيقه ماقصر ولاهو اقل من الاول وللاسف مانعرفه ولكنه الاكيد إنه رفحااااااااااااااااااااااااااااااااااوي ودمتم في رعاية الله
