أطعن يابخت السيوف وبخت طعناتي

[align=center]القلب وش عاد طعناته مـن سيوفـك
أطعن يابخت السيوف وبخت طعناتـي
اللي مثل كبرياك وزاهـي وصوفـك
يبطي عليه الولـه والشـوق ماماتـي
حرام ماينكسر قلبـي وأنـا أشوفـك
إلا ليـا غبـت فكـر بإنكسـاراتـي
مانيب جاهل غلاك وطيب معروفـك
لو هي خذتني عن عيونـك مسافاتـي
أحن لرسالـك وصوتـك ولطيوفـك
ومن الوله تشرح أشواقـي رسالاتـي
لو ينقطع بث جوالـي مـن حروفـك
والله لأقطع مـع الشركـة علاقاتـي
مير إنك أصدق من عيوني على شوفك
وأنا بحكمتك راضي عـن قناعاتـي
يامعذب القلب شفني من حدا ضيوفك
خذها رسالة وفاء وأكبـر طموحاتـي
وش عاد لو هي تشد وتقسي ظروفـك
ماغيّر الوقت مـن خطـة دراساتـي
صحيح خوفي عليك مشابـه لخوفـك
وشرهتك فيه مثل ماهـي وشرهاتـي
لكن محبتك من جوفي علـى جوفـك
ولافيه قلبٍ مثـل شوقـي وحسراتـي
مني تأكد غـلاك وطيـب معروفـك
وإلك الولاء والوفاء وأقبـل تحياتـي
.................................................. ...........

منقووووووووول[/align]

مشكور اخي عزيز ويا ليت تعطر المنتدى من اشعارك انت

الله يعطيك العافية أخوي عزاوي شهد

وأضم صوتي لصوت أبو مشعل

يعطيك العافية

ونضم الصوت دام ابو مشعل يطلب شعرك

تحياتي

صح لسااااااانك عزااووووووووي قصيدة جزلة ..

يا بختهاا


مشكوروو

يعطيك العااااافيه عزاوي ياشهد.. وننتظر ابداعاتك

من عيوني غالين والطلب رخيص بس اصبرو علي شوي

لكن محبتك من جوفي علـى جوفـك
00000000ولافيه قلبٍ مثـل شوقـي وحسراتـي

عزاوي عزالله انها رايقه

الله يعطيك العافيه

ونبي قصايدك

تـــــــــســـــــلم ياخوي (عزاوي)

نقل طيب يعطيك العافيه

الاخ عزاوي
نقل اكثر من رائع واضيف طلب جديد لطلب الاخوان ياليتك وضحت اسم شاعرها
تقبل شكري واحترامي ابو جمال

الله يعافي الجميع وبنسبه عن الشاعر والله ما يذكني اسموه

[align=center]مشكور على نقل كل ماهو جميل وصح لسان قائلها وناقلها .[/align]

صح بدنك ومشكور