لاتخلي احد من الهكر يضحك عليك
لاتخلي احد من الهكر يضحك عليك
1_ دائما وابدا لاتخاف من الهكر لان الخوف معناه الهلاك
2_ اقوى واكبر واشطر هكر في العالم مايقدر يخترق جهازك الا بغلطه منك راح تقول شلون ؟؟
أ- مثلا عن طريق برنامج MSN hotmail يبعث لك فايل وانت تستقبله بهذي الحاله يخترق جهازك
ب_عن طريق برنامج المحادثه Mirc يقوم بارسال موقع فيه الكوكيز يحتوي على ملفات باتش
عشان يقوم بالتجسس على جهازك وكثير لما تدخل على Mirc تلقى ان في اشخاص يوجهون لك مواقع ويقولون لك زور الموقع هذا فيه فلم خلاعي لفلانه او علانه او انه يقول لك جديد صور الممثله الفلانيه او يقول لك موقع خاص بالمسجات او ارسال المسجات او اي دعايه مغريه يخليك تدخل الموقع واول ماتدخل يزرع الكوكيز في جهازك طبعا في هذي الحاله ايضا لاتخاف ماراح يقدر يسوي لك شي بس الي يقدر يسويه انه يزرع لك الكوكيز عشان بالمستقبل اذا تعرفت عليه يبعث لك ملف او صوره على الايميل او المسنجر يقول لك صوره او اغنيه او اي شي ويكون هذا الملف فيه سيرفر بهذي الحاله راح يخترق جهازك اول ماتفتح الملف او الصوره او الاغنيه الي باعثها لك طبعا اذا كان عندك برنامج الانتي فايروس ومسوي له تحديث دائما راح تطلع لك رساله اول مايبعث لك الملف تقول لك ان هذا الملف فيه مشكله فلا تستقبله او احيانا مايقدر برنامج الانتي فايروس انه يخبرك بالي في الملف بس عادة اي ملف تستقبله افحصه بالانتي فايروس احسن لك طبعا وبلا شك ان هناك طرق كثيره للهكر ان يقوم باختراق جهازك لكن بالاول والاخير لازم انك انت تعطيه الاوكي مثل مايقولون يعني من غير موافقتك ماراح يقدر يسوي لك شي
جـ_ عن طريق برنامج المسنجر Hotmail او مسنجر Yahoo او اي مسنجر اخر راح يبعث لك ملف وانت تستقبله فيتم الاختراق وحتى لو بعث لك وخلاص تشوف ان رساله طلعت لك يقول لك ان في احد يسوي لك في الجهاز عمليه غير شرعيه لاتخاف في حل انك تتخلص منه اقطع الاتصال بالانترنت او اطفي الجهاز وسوي له اعادة تشغيل وقول له (( اعلى مافي خيلك اركبه )) بعدين في برامج كثيره حلوه للحمايه من الهكر والتخلص من ملفات الباتش والملفات الزائده حاول انك تنزلها من المواقع الاجنبيه لانها اؤمن من المواقع العربيه
3_ مواقع الهكر العربيه : هذي بحد ذاتها مشكله كبيره طبعا مثل هذي المواقع الي يقول لك ان عنده وعنده ويسوي ويخرب ويدمر ويخوفك ويزرع الرعب في قلبك طبعا لاتهتم له بس خلك حذر منه راح تسألني ليش ؟؟ انا اقول لك إخذ الحيطه والحذر واجب عليك لان اغلب مواقع الهكر العربيه يقول لك تحميل البرنامج الفلاني دائما وابدا لاتحمل اي برنامج من مواقع الهكر العربيه او حتى الاجنبيه لانهم دايما هذي البرامج يكون فيها مشاكل مثل انه يحط لك فايروس في البرنامج او انه يحط لك سيرفر ويسوي لك مشكله فبدل ماتستفيد يظرك ويستفيد اهو بروحه
4_ دعايه في بعض مواقع الهكر العربيه : تشوف في بعض المواقع الهكر العربيه ان هناك اعلان يقول لك ان الزعيم الفلاني او الزعيم العلاني اخترق الموقع هذا وهذاك ويوريك انه اهو وبس والباقي خس طبعا هذا كله طنشه ولاتخاف منه راح تسأل ليش اطنشه ؟؟؟ انا اقول لك لان تشوف انه حاط لك الموقع هذا تم اختراقه من قبل زعيم رابطه الهكر العربي او الزعيم او اي لقب قول له روح العب غيرها ياشاطر تلقاه ان اهو مسوي الموقع هذا ومادري شنو ومسوي له دعايه في الشات لمدة معينه وبعدين يحط لك اعلان في الموقع ويسكره بخلفيه او صوره او اي شي يحطه ويقول لك تم اختراق الموقع من قبل الهكر الفلاني وهو بالحقيقه مايعرف شي ولا مخترق ولا هم يحزنون هو كل الي مسويه ان سوى دعايه للموقع وبعد فتره حط للموقع خلفيه ومادري وش كتب عليها انه اخترقه طبعا هذي خرابيط وكلام فاضي بس يبي يبين للناس انه يخترق ويسوي ولو تلاحظ عزيزي القارئ ان كل المواقع الي يحطها لك بانه اخترقها ليست الا مواقع شخصيه مجانيه انت جرب طرش له ايميل وقول له ياحبيب قلبي انا مستعد اعطيك المبلغ الي تبيه بس بشرط ابيك تخترق لي الموقع الفلاني موقع عام يعني على سبيل المثال www.yahoo.com طبعا اهني بهذي الحاله راح يصير وجهه اصفر وتتغير الوانه ويقعد يطلع لك مليون عذر وعذر بس عشان يضيع السالفه
5_ تحميل البرامج من مواقع الهكر العربيه : شوف ياحبيب قلبي اي موقع عربي يقول نزل من عندي واخذ من عندي طبعا هذا نصاب وكل شغله نصب واحتيال بس عشان يوريك ان موقعه دائما في القمه وبدال ما يحط لك برنامج اختراق يحط لك فيه اما سيرفر او فايروس او ان البرنامج يكون Demo يعني برنامج نسخه تجريبيه فقط لاغير
6_ خدع في كل المواقع العربيه وخاصه مواقع الهكر:
أ_ تشوف ان في المواقع العربيه الخاصه بالهكر بالغالب انك ماتقدر تستعمل زر الفأره الايمن ليش ؟؟؟ انا اقول لك ليش لانه ناسخ كود جافا وحاطه لك ويقول لك اول ماتضغط بزر الفأره الايمن تطلع لك رساله مثلا على سبيل المثال ((إلعب هنا يا شاطر)) او اي كلمه يحطها لك طبعا قول له يابابا على مين انت تلعبها شوف وش تسوي عشان تتغلب عليه اضغط بزر الفأره الايمن ومن لوحة المفاتيح على المفتاح Esc وراح بهذي الطريقه تتخلص من مشكله زر الفأره الايمن
ب_يقول لك مثلا (( لاتضغط هنا )) او (( لاتمر من هني )) او اي شي ثاني واول ماتحط الفأره او تعديه على المكان راح تطلع لك رساله (( هاه انا وش قلت لك )) ومن الكلام هذا وراح تطلع لك من بعد هذي الرساله على الاقل عشرين او ثلاثين رساله وبالاخر يفتح لك برنامج المراسله Out Look ومكتوب فيه الايميل لصاحب الموقع مع كلمة انا اسف او انا اعتذر او اي شي ثاني من رسايل الاعتذار بس
جـ_ وفي بعض الاحيان تلقى مكتوب لك اكشف عن ملف C في جهازك طبعا هذا ايضا جافا ولو تلاحظون ان موقع الـ Hotmail يستخدم هذي الجافا بالمسنجر لما ينلغي لك الايميل او ماتشيكه لمدى شهر او ان واحد يفجر لك الايميل طبعا كل هذي الحركات جافا في جافا لا اكثر ولا اقل وهي حركه حلوه عشان الناس تخاف من صاحب الموقع ويعتقدون انه هكر قوي وشاطر
___________________________
يتبع
http://www.lovecard4u.com/pic/nature_004.jpg
