لو الجمل تشهد الأبرة بمخراجه
[all1=339999]حياه ربي ياابو محمد مـن زعاجـه
عزالله انه علـى الاشنـاب تتطمّـر
من ياخذ العلم لـو يبطـي بمنهاجـه
لا يرجع الا بعـد ماتتعـب الضمّـر
الشعر مثل المطـر لشـق فجاجـه
ماهمه الغيـم لـو يبكـي ويتهمّـر
ياجاك شعري تلاطم للسماء امواجـه
خله على الكيـف يتخـدر ويتخمّـر
ملعون ساس القصيد وساس من راجه
كانه عصاني وجالـك نـي ماقمّـر
من يمدح الدلو لولا طيـب هدّاجـه
من نار قحطان تشعب نارها شمّـر
اذ ّكر النـاس دام النـاس سجاجـه
من يعلن القول ماهو مثل من ضمّـر
ماتذكرون المهـادي والـذي واجـه
من حشمة الجار ياكبر الـذي عمّـر
في قصةٍ ماحـلا نظمـه ومنتاجـه
مثل النخل ياوقـف شامـخ وياتمّـر
ياسيرة الماس ماهي سيـرة العاجـه
يانفحـة العـود ياتشريفـة المرمـر
انتم هل الخيل ساس العـز ورتاجـه
من ساس بيته قوي ماخـاف يتدمّـر
من مشرق الدين والاسراء ومعراجه
وقحطان تاريخهـم يامـر ويتامّـر
اللي مشوا درب اصعب منه بطناجه
مازحزحتهم ثنايا الموت لـو حمّـر
لو الجمل تشهـد الابـرة بمخراجـه
ما اسّود وجه الكرم فيهم ولا سمـر
مالي بمدح العرب قصد ولا حاجـه
ماغير شفت الدلال الصفـر بالكمّـر
وابعد من الزيف والتطبيل وازعاجه
في نجر قحطان دقت هيلهـا شمّـر
الشاعر / منيف المهيلـب الشمـري [/all1]
