خاص جدا ً,, مواقف طريفة لابن روما (الجزء الأول )
مواقف طريفة (لابن رومـــا المدلل) في مملكتي الحبيبة(الجزء الأول)
مرحبـــا ً شباب كيف الحال ماراح أطول عليكم...مدري من سوء حظي ولا من حسنه أن أكثر المواقف اللي تحصل لي من قبل الأطفـــال ...خوذوا هذا أول المواقف ...هذا الموقف حصل لي في رفحـــــاء العام الماضي ليلــة عيد الفطر , كنت رايح لسووق علشان أشتري حذيان(نعول)[الله يكرمكم ] وأنا من عادتي أجهز نفسي للعيد قبل أربع أيام من حلولة, طبعا ً بغض النظر عن الثوب اللي أفصله قبل العيد بأسبوعين...ما لكم بالطويلة , المهم إني رحت ليلة العيد لسوق القديم اللي بداخل رفـــحاء. علشان النعول وأنا ماشي وبالتحديد من عند العطــار مسفر, لقيت ولد تقريباً عمره( 8 سنوات) , يآخذ من النعول ويتقوسهن (يعني يقيس النعول على رجليه), ويوم مريت من عنده (شوفوا لقافتي) خذيت النعول اللي معه وحطيتهن مكانهن وقلت له( عيب يا بابا لا تعبث بحاجة ماهي لك ),إلا الولد يراعي لي وهو مستغرب !!!!, ويوم بغيت أمشي وأنا ألتفت ورى (أي للخلف) ألا هذا أخوه الله لاتبلى كبر الطوفة ( الجدار) ومعه أخته على ما أظن أو زوجته مدري, المهم ويراعي لي أخو الولد الصغير وهو يكخة من الضحك( أي يضحك بصوت عالي جدا ً) وأنا الله لا يوريكم جسمي برد وما أبالغ لو أقول تجمدت (لدرجة لو تحطن بوسط عمارة محترقة برفحـــاء ما أبالغ لأطفية ببرودة جسمي )..هذا الموقف اللي صارلي (وسمعوني تعليقاتكم).
ترقبوووووا...(الموقف الثاني :ــ ابن روما المدلل وهوشته مع البنغالي في مدينة الرياض وتحديدا ً في حي الروضة)
