اصـبــر وعـنـد الله تــصـاريــف الأحـوال (ابو زويد السنجاري)
[align=center]قصيدة قالها الشاعر ابوزويد خلف الرخيص السنجاري الشمري ...من شعراء شمر وقيلت قبل حوالي مئة عام
قصيدة فيها من الحكمة والمعرفة والفراسة الشيء الكثير( الله يرحمه برحمته)
[poem=font="Traditional Arabic,7,black,bold,normal" bkcolor="transparent" bkimage="http://www.alriyadh.com/2005/04/11/img/114009.jpg" border="solid,2,royalblue" type=0 line=0 align=center use=ex num="0,black"]
قالوا تسيّر قلت مامن فضا بال =وقتٍ على المخلوق مابه وناسه
قم سوّ ياراعَ المعاميل فنجال = كثّر بهار الهيل يغدي عماسه
هذا زمانٍ مقبلٍ منه أنا ذال = ناسٍ كلت ناسٍ بخبث ونجاسه
قامت بصاع المنكر الناس تكتال =وقامت تباع الجوهرة بالنحاسه
وأشوف ( أسُودٍ ) خشّعٍ حَيل وذلال = وقتٍ به الحصني يدوّر فراسه
ولبّاسة الجُوخ الحَمَر وأدهم الشال =قامت تغوّلهم عيال البساسه
وراعَ الجحَش يشره على جدع خيّال = متحيزمٍ مابين درعٍ وطاسه
ماينتعدل حمـل بقعـا ليـا مـال= منيـن ماعدلتهـا مـا تـواسـه
يالابس الطوقين والخُوص وهلال =اللي على المتنين يزهي لباسه
أصبر وعند الله تصاريف الاحوال =والقصر مرجاعه على بنى ساسه[/poem][/align]
