Oo (تضيق ابه الصدور قبور) oO
[align=center]نزيه الشعر,,,
لسوء حظي مااستطعت اقرا قصيدتك وماظهرت عندي
ومدري شالاسباب بس تابعت الردود ولقيت منها بيتين
ولاني ماقريت قصيدتك كامله اعذرني على هالرديه البسيطه
اللي حاولت انها تكون على نفس القافيه والوزن ولو اني شطحت بالفكره لموضوع ثاني
اتمنى انها تحوز على رضاك ولو انها كيبورديه وسريعه
وقبل لاانسى كل عام وانت بخير ومبروك عليك الشهر
عجيبه حالت المفلس..تضيق ابه الصدور قبور
..................// يدندن همه المبكي..ويبكي فيك موالك
نزيه الشعر يوم انه,,, حلا لي قافيه وبحور
.................// وردته صافي المشرب قبل لاشرب هنا دلالك
كتبت بدم قلبي لين صرت اكتب بدون شعور
.................// حروف بلا طعم لو هي بها من الوجد..ماهالك
تقمصت الألم مبطي..تصنعت الفرح مسرور
................// وصنعت احساسي الزائف قصيدٍ ماطرا فبالك
سدى كل الكلام الغث سدى شعر ٍغشاه الزور
................// كِذِب كل الحروف الهيم.. وبيت قلت ماقالك
وترى هالشعر ماعاده فـ طوفان الكلام الطور
................// طمس وجهه شعور الزيف..ونوره مظلم وحالك
عرفت الحين من هو اللي تضيق ابه الصدور قبور!!
...............// شعور ٍ ينزفه قلبك... ولابه قلب يقرالك
الوميض[/align]
