الــنـوم راس اللـوم بـان الــردى بـــه [ مـريـبــط الـعـدوانــي ]
[align=center]
الشيخ مريبد العدواني هو عقيد قومه ومن كبار رجال البجايدة وله قصايد ومغازي واجدة وهذا بعض من قصايده وسوالفه ، وهو من رجال عنزة اللي حفروا اسمه بالذهب في التاريخ..
نسبه : مريبد بن العدواني من المقدم من قني من البجايدة من المحمد من الطرف من سلقا من العمارات من بشر من عنزة..
وله قصايد واجدة وبعضهن صارت أمثال وهنا بذكر بعض قصايده وللي عنده زودن عليهن يضفهن حتى يصير الموضوع كامل
هذ القصيدة قالها الشيخ مريبد العدواني يذم النوم وكثرته فيقصد :
[poem=font="Simplified Arabic,5,gray,bold,normal" bkcolor="white" bkimage="" border="solid,1,silver" type=0 line=0 align=center use=ex num="0,black"]
الله مـن قلـب تزايـد عذابـه=والعين عيت تقبل النوم وتريـح
يالله طلبتك يا سريـع الاجابـه=تفتح لنا باب الفرج بالمفاتيـح
يالله برزق و انت فتـاح بابـه=ياخالق قوت البـدو والفلاليـح
النوم راس اللوم بان الردى بـه=عين تبا النوماس نومه شلافيـح
الذيب مايرقـد ورزقـه نهابـه=يدور الغرات عنـد المصاليـح
إلى ذكر له نشـر بـدو عدابـه=عقب العشا يوم الأثاني مدابيـح
اللي يبا الطولات يتعب ركابـه=العز بكوار النضا ياهـل الفيـح
الا على اللي كن سايـج حقابـه=سوجة قطـاة وردت للجوابيـح
إلى عدو المرقاب مثـل الذيابـه=وتقابلوا مثل الحـرار المفاليـح
وشافوا جنوب البل تسلل حرابـه=وبغو طعمها عاشقين الطماميـح
وكثرت مناجيهم وصارت طلابه=الله يلوم اللي هروجـه تصافيـح
الله يلـوم اللـي يبـا الانقلابـه=ما ولعه كسب الوجب والتماديـح
وثور صليب الرأي ثم اعتدابـه=ووردوا كما ذود لحوض مشاويح
وراجوا وداجو وودعوا له ضبابه=شقح يتلـى للقعـد بالمساريـح
إلى انتصف مثل الرعد في عقابه=من ايمان عوران العيون الذوابيح
من كل مسلوب يوكـد صوابـه=خجم الفرنجي موميات المطاويح [/poem][/align]
[align=center]مــنـقــولــ مـن مـنـتـديات قــبــيـلـة عــنـزة[/align]
