قصيده من عمارة المملكه

هذه قصيده متواضعه قلتها في المملكه (السوق) , اوصف فيها حال الشباب هناك وهي موجهه لعمنلي
في رفحاء.


أبدالكم شعري على قاف مرموق **** والشطر الآخر على قاف براق

انشدلكم شعرن نطقنيه منــطـوق **** ومدري كذا فجأه على خاطري راق

ياعمي اصبح عاشق اليوم مطفوق **** لين النظر دلى على الماش ينساق

يرمي الشبك كله على شاطي السوق **** ويجمع شبكه ويبتعد كله فراق

اسباب ريمن عجزت كل مخلوق **** تمشي تهكع بالحسن كله اخلاق

الحلا واسع والفساتين به ضوق **** تمشي تنثر من حلاها بالاسواق

قطعة ذهول مصممه في فن في ذوق **** السامري السرمدي بالحسن سراق

لاذاقت المصلي ولا سمعت بمرقوق **** لعيونها تصنع ثمينات الاطباق

الله على جنس البشر حطها فوق **** حسنه على حسن العرب كلهن فاق

في مشيته جارح وحلت له سبوق **** يمشي دويبه ويتولم للاطلاق

او مشي مهره وعدت لمسبوق **** الكبر يحكيبه على مدت الساق

لانـــي بعاشق ولاصرت معشوق **** واستغفر الله كانني ثرت عشاق

اصبح وامسِي على طاري الشوق **** يم هلي وربعي تجاذبني الاشواق

من عصر نسرى ويسرى وياعوق **** لياعصر عيسى ومريم واسحاق

والحب جاري لكن يدور في طوق **** ومن عادتي امشي على كل الاطواق

وســـــــــــــــــــــــــــلامتكم.............

وانت سالم صح لسانك مليون

قصيدة رائعة جداً


ويكفي منها هذا البيت



يرمي الشبك كله على شاطي السوق **** ويجمع شبكه ويبتعد كله فراق

[align=center][poem=font="Simplified Arabic,5,darkblue,normal,normal" bkcolor="transparent" bkimage="" border="solid,1,silver" type=0 line=0 align=center use=ex num="0,black"]
اصبح وامسِي على طاري الشوق = يم هلي وربعي تجاذبني الاشواق[/poem]

اي والله
صح لسانك تلسكوب[/align]

صحححححححححححححححححححححح

لساانك حجي تلسكوووووووووووووووووب




أسلم أسلم

لا تحرمنا من جديددددددددددددددددك

لانـــي بعاشق ولاصرت معشوق **** واستغفر الله كانني ثرت عشاق

صح لسااااااااااانك ولاهنت تلسكوب