ابشركــ ...

[poem=font="Simplified Arabic,5,black,normal,normal" bkcolor="transparent" bkimage="backgrounds/4.gif" border="none,4,gray" type=0 line=0 align=center use=ex num="0,black"]

لا ماخبرت احد سكن في الحنايا = إلا انت ياللي كل مافيك مقبول
عشقت من عشقك جميع الطنايا = واصبحت تامر في المعاليق وتطول
طلتك وصرنا فوق رووس الشفايا = نلعب بنجم صار للحب مرسول
واغليت رفحاء والبلا في الخفايا = واغليت رمل يلزم الساق وينول
ياهييه ياللي كل بعضك هدايا = حتى جروحك في حشايا غدت لول
مرات احس ان العتب في الشفايا = يقطف عناقيد العنب عرض وطول
ومرات احس ان الحنايا ظمايا = مثل الظمى يقضي على النفس وتزول
ومرات احس ان ما لعمري بقايا = بعض الشجر نرثيه ماكمل الحول
ياصاحبي شف من جميع الزويا = مابه سوال إلا وتلقا له حلول
حتى الغرير ليا حكى له نويا = كل عن افعاله غدى اليوم مسؤول
من مننا مافي حياته خطايا = من مننا ماصار في يوم مخذول
من مننا ماشوهته الرزيا = من مننا من ذنبه الشين مغسول
حنا كذا رغم اختلاف السجايا = جروحنا تغلب على الطبع ياحول
متى يجي يوم تموت الوشايا = اللي غدت سيف على الزيف مسلول
شف في عيوني عشق كل الصبايا = واشوف في عينك من السحر مفعول
وان ماقدرت انشد جميع البرايا = وانشد ثرى فحاء مع نجد وتقول
وابشرك صرت الغلا في الحنايا = ياللي من اقدامك ليا الراس مقبول[/poem]
[align=center]
ملاحظه :
عشان ماهظم حقوق الشاعره انا غيرت بعض المفردات هي بالاصل حايل
بس انا حطيتها رفحاء من كثر غلاها على قلبي

وسلااااااااااااااااااامتكم [/align]

صح لسانك هبوووووووووووووووووووب

صح بدنك هاجس

نورت الصفحه بتواجدك

صح لسانك ولسان الشاعر

[align=center]صح لسانك ولسان الشاعر[/align]

صح لساانك حجي هبوب



سالفتك سالفه مع رفحاء :-/

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
شف في عيوني عشق كـل الصبايـا=واشوف في عينك من السحر مفعول
وان ماقدرت انشـد جميـع البرايـا=وانشد ثرى رفحاء مع نــــــجــــــد وتقـول
وابشرك صرت الغلا فـي الحنايـا=ياللي من اقدامك ليا الـراس مقبـول
[/poem]
[align=center]يعطيك العافيه [/align]
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
لا ماخبرت احد سكن فـي الحنايـا=إلا انت ياللي كـل مافيـك مقبـول
عشقت من عشقـك جميـع الطنايـا=واصبحت تامر في المعاليق وتطـول [/poem]

صح لسانك ...
قصيده جميله ...

بس وانا اقرأ القصيده لقيت بعض الاخطاء الكيبورديه
(الزويا.. نويا .. الرزيا ) باالشطر الاول من بعض الابيات

على مااعتقد المفروض تكون ..( الزوايا ..نوايا .. الرزايا )

مشكوووره

قصيده رائعه من اجمل ماقرأت


.
.
.
انا لاحظت نفس ملاحظة عبير الورد,,..( بس ملاحظتي جت متأخره )

واكيد الاخطاء الكيبورديه وارده في كتابة القصائد وغيرها ولكنها لم تؤثر على جمال القصيده

مشكور على الاختيار الموفق