اخر قصيده لنزيه

[poem=font="Simplified Arabic,4,deeppink,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نزل سروج الخيل يا مسرج الخيل=قبل السـلام وقبـل رد التحيـه
من علمك كذب الحكي والتهاويل=من لبس الجاني ثياب الضحيـه
ان كنت ضاري للخطا والبهاذيل =انا زعلـت ولا قبلـت الخطيـه
السالفه ماهي سوالـف تعاليـل=السالفه صدمـة خـوي بخويـه
اللي عقد روس الحبال المفاتيـل =رجلٍ حشمتـه وابتلانـي بليـه
ماني شجاع ان قلت ابحط واشيل=ولاني ضعيف ان جبتها مشرهيه
بيني وبين الظلم حكم الرجاجيـل =اما احسموهـا لـي والا عليـه
ان ماانصفوك الطيبين المشاكيـل=ما ينفعك بالضيق راع الفضيـه
الصعب صعب ولا يجي بالتساهيل=ميـز دروب الطيبـه والـرديـه
جنب هدير السيل يا ناطح السيل=ولا تاكل لحوم المخاليـق نيـه
ياطير ابن برمان جر المواويـل=غن الهجيني واتبعـه سامريـه
خل المساري عنك يا ساري الليل=لا تختلق لي من خيالـك قضيـه
انفض شليلك عن كلام المهابيـل =العمر يمشـي والليالـي مطيـه
الموجز اللي جاك قبل التفاصيـل=يقـول باقـي للمعـزه بقـيـه
ان جيت ابفزع بالليال المقابيـل=ما جابني غير الوفاء والحميـه
كل شي بالدنيا يجي فيه تطبيـل=الا.الشعر ماله مكـان وهويـه [/poem]

هذه أخر قصيده لنزيه هو مشترك معنا بأحد المنتديات وحبيت أن أنقلهم لكم

مشكوره اختي

نتمنى عودته قريبا فهو من ركائز هذا المنتدى

لا شكر على واجب أخوي البندق

[align=center]
شكرا بنت أبوها
أبو بندر مبدع دائما وأكثر من رائع
لقد سمعتها منه قبل أيام كانت بروعة ابداعه
أتمنى عودته عاجلا
وأكرر شكري لكِ
[/align]

مشكوره يعطيك العافيه....

[align=center]صح لسانك بنت ابوها
ولسان الاخ العزيز والخلوق / نــزيــه
نتمنى عوده ابو بندر للمنتدى[/align]

وينه ابو بندر ؟؟

والله انه مفقود؟؟!!!

[blink]شكراً بنت ابوها[/blink]
المنتدى وينه فيه نبي ندور على نزيه
والا هالاسم ماهو غريب علي بشبكة الطنايا !! هاه ؟
على كل حال عملتي خير بنقلها ,

ورده لكل من مر القروي ؟

صح لسانك بنت ابوها
ولسان الاخ العزيز والخلوق / نــزيــه
نتمنى عوده ابو بندر للمنتدى