تكفى ياجماز ! اخوك معتاز ! خسرت قروشي ومازلت راز !
تكفى ترى تكفى تهز الرجاجيل ولولا حمار المحفظة ماقلت تكفى !
اخوي جماز مافي معرفة بيننا لكن ابي امون عليك ! تكفى لاتزعل الهوامير !
شفت يوم زعلوا الهوامير وش سووا !
طيحوا حظ السوق وتعلقت انا ومجموعة السملق ! وهم ناموا واعينهم قريره !
تكفى علشاني رضهم ! وش يبون 5% طيب الغيها علشاني كان لي خاطر عندك !
تكفى يابو سحمه انخاك
انخاك ولا انخى الذيب
لاتخاوي كل هامور رفاس
وان ماحصل ياذيب خلك خلاوي !
وش يضرك لو اخذت لك جاهه ورحت للهوامير وانت تعرف انهم متجمعين باستراحة السهم الاحمر !
تكفى بلغهم سلامي وقل لهم ان اخوكم متعلق من رجلينه بس لو ترجعون يومين تلحلحون السوق واوعدكم ماعوده خلاص توبه ارز روحي !
تكفى راس مالي تعبت وكديت وانا اجمعه ! كان يسولف لي واسمعه ! وكل مابغى البقال امنعه ! تعبت وانا اجمعه !
لفيته بقماش من حرير ! (صحيح اني بعير ) وعطيته الهامور عشان يبلعه ! تعبت وانا اجمعه !
سلم على هاموري ومن معه !وقله اخوك على قريشاته سالت أدمعه !
ياخوي تعبت وانا اجمعه !
اغراني الهامور واعطاني باليمين ! واخذ مني ضعفه بالشمال ! واتبعني النعال ...ياخوك مالي تعبت وانا اجمعه !
كان يسولف لي واسمعه ! واذا بغى البقال امنعه .......
جماز تكفى نخيتك رض الرياجيل وحب لي على خشومهم ! وقلهم بكرى نبي نسبة فووووووووووووووووق
اه يانسبه فوق !
كنت اعطي توصيات وكانوا يسموني فدعق رفحاء !
واليوم متخوزق ومسكر الجوال ! حرام هالمساكين اللي شرت عليهم !
تكفى ياجماز
انخاك .....تكفى ....
