::. أنا يوم أني في الجاهليه .::
[align=center]حقيقة مادعاني لكتابة هذا الموضوع
هو أن هنالك شخصان من شيبان الإقلاع:^ .. دخلت عليهم في مكان ما:) وقلت لهم
حيا الله الشيبان كلهم موجودين هنا ..
في هذه اللحظه . بدأوا في " الذب " في علي وقال لي أحدهم ..
أنت أعتقد أنك قد عاصرت عهد نوح وقال الآخر أعتقد أنه قد جلس مع فرعون
فأنا ومن هذا المنطلق سوف أطرح لكم قصتي مع العصر الذي أنا قد عشت فيه .
وأنا جئت هنا لأفند تلك الشائعات وأقول لهم أني لم أكن من ذلك العصر القديم .
ولكن عصري هو . <<<<<< ماتحسون انه كنه داخل الجاده
المراد
مره كنت أتمشى على رجولي جنب جبال السروات الا وأقابل أبو خشه مفلوقه أبو جهل
قال لي أين أنت طول هذه المده . قلتله والله اني كنت منشغل ومثلك عارف هالأيام الواحد مايقدر يحك رأسه من
من سوق الأسهم ( طبعا كان سوق أسهمنا عبارة عن خشبة كبيره مرسوم فيها سهم والشركات مرسومه
صور توضيحيه تبين انها الشركه الفلانيه . يعني مثلا سهم البعارين كان مرسوم صورة بعير
وكان الشخص الهامور يجي يرمي حصاة على هالخشبه والسهم الي تطخه يكون مهدد بالإرتفاع أو الهبوط .
يعني إذا جت على أول الرسمه ارتفع .. ولو جت على آخر الرسمه نزل سعر السهم )
المهم قال لي أبو جهل لقد فاتك نص عمرك ليلة البارح
قلت ليه وش الي صاير .
قال لقد جاءنا أبو لهب وهو عاطبن أم أمها . وبدأ يهذري بكلام غير مفهوم .
ولقد زرفته أيما زرفه ..
سألته كيف ..
قال بينما هو يحتسي كأسا من النبيذ قلت له يا أبا لهب اني دجيت من الأسهم وقد اشتريت مليون سهم من أسهم النار والبارحة انخفض سعرها
لأن أبو الدلامه الدلخ قد رمى الحجر على نهاية صورة النار
وبعد ذلك قال لي أبو لهب .. أأمرني يا بعد تسبيدتي ماذا تريد
هل تكفيك 500 رأس من الإبل . قلت له لا بل أريد ألف رأس منها
وقد أعطاني اياها بدون تردد ..
أنا فكرت بالموضوع وقلت والله مالها الا أني أخلي أبو لهب يسكر وألعب عليه مثل مالعب عليه أبو جهل .
رحت شريت عرق من عجوز كانت تبيعه بــ رأس غنمه
وأروح لبيت أبو لهب وأقلط عنده وأنا واياه سواليف لين شفت اننا طقينا الميانه
قلتله فيه شيء حلو أبيك تجربه ..
قال لي ماذا شرابه <=== على وزن وش حشيشه
رديت عليه أقول الي على راسه بطحا يتحسس عليها :lol انلخم الضعيف وقال
أعطني من هذا النبيذ .
شربته لين انه سكر حتى الثماله
وقلتله انا دجيت وأبي منك دراهم الله لايهينك <=== مافيه أسلوب أبد
قال وماذا شايفني هل أنا بلوي زماني قلت لا يبن الحلال بس يقولون انك تساعد المحتاج
هو استحى يوم قلتله كذا
وقال هنالك شخص من أصحابي يقدم برنامجا اسمه من سيربح المليون رأس حاشي :lol
واسمه مسيلمه قرداحي ..
اذهب واشترك في المسابقه وأنا سوف أساعدك .
طلعت من عنده وأنا مبسوط وأروح أسأل عن مكان البرنامج قالولي انه ببيت خرابه قدام شوي
رحت طقيت الباب ويفتح لي مسيلمه قرداحي قال ماذا تريد
قلت أبي أشارك بمسابقتكم
قال حسنا حسنا .. تعال واجلس ها هنا وأشر بيده على قطعه من شجره حايف أمها على شكل كرسي
جلست وبدا يسألني .. وأنا أجاوب .
يوم جاء سؤال المليون
قال لي مستعد يا أحسن
قلت ايه
قال ماهو وجه الشبه بين أبو جهل وأبو لهب ..
أنا ماعرفت الجواب صراحة . ومابقى عندي فرصه الا الاتصال بصديق
وكنت موصل كاس وخيط بيني وبين أبو لهب عشان الإتصال
قلتله السؤال يقول وش وجه الشبه بين أبو جهل وأبو لهب .
ضحك أبو لهب ضحكتهم المعرومه .. نيآهآهآهآهآهآ
كم أنت مغفل .. ألا تعلم أنا من أي قبيله سأستنذل عليك إذا ولن أخبرك بالجواب
قلتله يبووو .. فجأه أسمع طررررطق .. سكر الكأس بوجهي { يعني رماه على التراب الي عنده }
ماعرفت أنا للجواب ويقوم أبو قرداحي يمحطني بنعلته الله يكرمكم الي كانت مصنوعة من شجر الأثل .
طبعا هالنوع كان غالي ومحد يشريه الا اللبنانيين المتطورين هذاك الوقت
طلعت من بيته الخرابه وأنا أشوت الحصى اللي قدامي
فجأه أسمع صوت ناعم بصرخ ..
وأثر وحده من الحصى طقت ببنت كانت منسحده بالطريق
قالت عمى ماتشوف ..
{ أنا انبسطت قلت والله فله حصلت أحد يتكلم بلهجتي }
قلت لها والله مانتبهت ولا كان والله ماتطقك ولا حصاة ..
قالت وش فيك مهموم وشايل الدنيا على راسك ..
قلت لها السالفه من طق طق لسلام عليكم .
قالت تعال عند أبوي وان شاء الله انه بيساعدك .
طبعا هي تمشي قدامي عشان توديني لبيتهم
المهم وحنى نمشي . طبعا أنا منزل راسي من الهموم
شوي وأسمع صوت خرفشه ..
أناظر قدام وأشوف وادي يحده جبلين مافيهم ولاحصاة
تقول كثبان رملي .. أول مره صراحه أشوف وادي بين رمل أبيض
والوادي هذا في نهايته فيه بير عميق
أنا يوم شفت الوضع كذا مدري وش الي جاني <=== ماعمره شاف وديان ولا آبار
وأقوم أديور قلت أخاف اني أغرق بالبير والا يجيني شيء وأنا ماعمري جربت السباحه
أسمعها تناديني وأنا مشكل لها وأقول لا لا ماودي ماودي
قالت بكيفك أجل ,, أنا برجع لمكاني الي كنت متسدحتن فيه وانت توكل على الله
رحت أنا في دربي وأحصل لوحه مرسوم عليها بنت كنها ترقه .
قلت مابدهاااش هذا مرقص خل ندخله ونشوف وش فيه .
دخلت وأشوف العجب العجاب ..
حصلت أبو لهب ماسك له وحده ولازقن فيها تقول شجرتين توأم
وأشوف الي اسمه أبو جهل ماسك الميكروفون ويغني
لا واحد ولا ميه . ولا ألف وتلتميه ولا ولا مليوووون
طبعا فرقة الموسيقى كان معها حصى تطقها مع بعض وتطلع أصوات عشان يزبط اللحن
قلت تمااااااام
الشباب مأجرين ..
وأروح برى وأشوف بعير أبو لهب ملبق قدام الباب
وأرجع لهم وآخذ معي قاروره مصنوعه من الألماس وأخبيها بجيبي .
وأنصى أبو لهب وأقول له هلا والله وينك وين أيام .
فجأه انفك الإلتصاق الي بينه وبين البنت الي معه وهالمره بدون مايفك الإلتصاق د . الربيعه
قال أهلا بك . ما أمداه يكمل كلامه الا والقاروره في رأسه والدم تناثر على أرجاء المرقص
ويجي أبو جهل بيفزع وأدخل اصبعي بعينه لين انعمى وبدا مايشوف .
وأسمع تصفيق من البنات الي بالمرقص .. وألوح بيدي الكريمه ;;)
وأطلع للبعير الي موقف برى { طبعا البعير كان مغبر لأنه جديد ,, وكاااله }
وآخذه وأتمشى فيه في أرجاء الديره ..
قلت الا ورى ما أمر من عند ذيك البنت المنسدحه الي تتشمس بالقيظ وأشوف وش صار عليها ..
ومنها أشوف كان البير الي هناك طفحت منه المويه والا لا
رحت وحصلتها ميته ومكتوب جنبها بلوحة خشب .. الخااائنة
رجعت بشوف الوضع وش صار عليه في المرقص وأشوف بعارين الإسعاف والمطافي كلها موجوده ..
وأول ماشافوني بلغوا شرطتهم ..
الشرطه بدت تلحقني ببعارينها بس البعير الي كان معي كان نشيط .. لأنه وارد اليابان :lol
وهم بعارينهم كوريه ..
ماقدروا يجيبوني لكنهم سووا ذهينين وحطوا تفتيش قدام .. وصفوا عسبان نخل بالطريق
عشان تبط البعير ويوقف .. بس أشوى البعير ماخانني .. وكمل طريقه .
ومشيت فيه لين وصلت ديرتي الحمد لله بأمان
وأشوف الوضع متغير مباني وحركات .
والناس بدوا يشترون النبيذ من العجوز هذيك بأوراق مدري وشلون هي قايله .. عرفت بالأخير ان اسمها فلوس بدال ماكان برأس غنمه :D
دريت ان الوضع تغير واني بديت عصر جديد
وصارت الأسهم مثل أول ينلعب فيها لعب ,, وفيها نصب . لكن بطريقه متطوره ومحترفه أكثر :)
وصارت بدال هالبنت الي كانت منسدحه بالطريق . صار فيه مدري شسمه
والبعارين تغيرت .. وصارت تنشرى للهياط بس
وكل شيء تغير .. حتى طلع لنا بعد واحد اسمه جورج قرداحي
والدخان صار متطور أكثر وفيه أنواع كثيره من بعد ماكانوا يجيبون ورقة من شجرة ويحطون فيها
بذور نباتات ويشبونها ..
حتى صار فيه بعد منتديات وحركات . أما في ذاك الوقت كان الواحد يكتب موضوعه على الصخر في الجبل .
ويبي له ساعه عشان يكتب الرد .
ويمر كل يوم ويشوف الي ردوا عليه
طبعا ماكان فيه شيء اسمه شركة اتصالات تستغل الوضع وتزرف ..
كان الوضع FREE يعني اكتب مثل ماتبي وببلاش:D
_______
يعني الحين قلتلكم العصر الي أنا عشت فيه وهو بعيــد إلى حد ما من الي العصور الي قلتوا اني عايشها
عاد هالشايبين ذولا أتوقع واحد منهم من العصر الحجري ..
والثاني من العصر الي مافيه <<<< يعني قديم :lol [/align]
