-
اضحك مع البردعي 2
موجز تقرير.. وكالة يقولون الاخبارية لهذا اليوم
الاخبار السياسية:
يقولون ان السعودية اصبحت دولة "عظمى" ... حيث بدأت الوفود السياسية من مختلف دول العالم للتوافد الى السعودية في سبيل كسب "ود" الحكومة السعودية ... استهلت الزيارة من ملك اسبانيا في سبيل "تحييد" الموقف السعودية من الجزر المغربية المحتلة ... كما وصل سابقا الرئيس "شيراك" لشرح قضية "منع الحجاب في الدراس الفرنسية" التي بارمتها اراء بعض وزراء البرامكة.... بينما رفضت الحكومة السعودية استقبال رئيس الحكومة البريطانية بسبب وجود بعض المعارضين للمملكة العربية السعودية.... واختتمت آخر الوفود بوصول الرئيس الصيني الى السعودية مطالبا "اقامة علاقة ودية" بين القطبين "السعودي والصيني".. كما تودد الرئيس الصيني الى الملك عبدالله في عدم التدخل في قضية تايوان.
يقولون ان ولي العهد السعودي توجه الى دول شرق اسيا في سبيل اخماد "الفتنة" بين دول نمور اسيا من جهة , وامبروطورية اليابان من جهة اخرى ..الجدير بالذكر, ان وكالة يقولون دخلت ارجاء اللقاء المثمر لولي العهد السعودي مع قادة دول شرق اسيا .. حيث استهل الامير سلطان حديثة "انتم انهبلتوا؟؟ تبون تتحاربون ... والله ... اني لاطب في بطن أي واحد منكم يزعل اخوه... انتم مهبل... حربكم يضر بالمصالح السعودية... وين نجيب دداسن منه اذا تحاربتم؟؟"... بعدها ظهر الامير سلطان مع قادة دول شرق اسيا للمؤتمر الاعلامي.. حيث نزع الامير ساعته , واعطاها لرئيس الحكومة اليابانية... في اشارة الى عمق العلاقة بين الدولتين.
يقولون , أ ف ق : ان وزير الداخلية السعودية توجه "سرا" الى العراق .... بعدها تم تشكيل اركان السلطة العراقية ... يقال "ان السعودية كانت ترفض تولي الجعفري لرئاسة الحكومة".... الجدير بالذكر , ان الولايات المتحدة تندد بالتدخل السعودي في العراق , وفي دول امريكا الوسطى.
يقولون , واس , كاخ , تف عليك: ان السعودية تهدد بضرب قناة الجزيرة اذا باشرت ببث حديث ورسائل زعيم القاعدة.
صفحة يقولون الاعلامية
يقولون , فاش, جاش وانحاش: تفضل وزير الاعلام السعودي بافتتاح مراكز مجموعة الشرق الاوسط الاعلامية التابعة للشيخ "وليد ال ابراهيم" .... حيث تعهد الشيخ وليد بفتح المزيد من القنوات التي تلبي رغبات المشاهد العربي... جديرا بالذكر ان المجموعة اشتولت على جميع اسهم قنوات "XXL".
يقولون : وجه وزير الاعلام السعودي القنوات السعودية باستضافة الفنانة "صباح" في البرنامج الديني "دين ودنيا".. وقد سبق ان وجه معالي الوزير باستضافة الفنانة اللبنانية "نانسي عجرم" في برنامج "واسألوا اهل الذكر".
صفحة يقولون الاقتصادية
يقولون: ان سوق الاسهم السعودي يتعرض لحملة بيع كبيرة منذ ما يقارب الشهرين ... في هذا الصدد لمح "رئيس هيئة سوق المال" .. ان كميات البيع ناتجة عن رغبة اصاحب السمو الملكي توزيع "الإرث".... فيما رفض صاحب السمو الملكي عبدالعزيز بن فهد اي تعليق حول الموضوع.
يقولون: ان ضرب السوق السعودي ناتج من "غيرة" بعض كبار ولاة الامر من "مكانة الملك عبدالله" بين المواطنين ... وهذا ما دفعهم الى ضرب سوق المال لضرب المكانة التي يحظاها الملك بين المواطنين.
يقولون: ان اسعار البترول ارتفعت الى ارقام خيالية بعد تجاوز برنت لـ "75" دولار للبرميل ... فيما وصلت حجم البترول المصدر من السعودية الى ارقام خيالية ... وهذا يدل على ان رحلات القنص, وعمليات تغيير الركب..ستزداد في الفترة المقبلة .. فيما تؤكد بعض المصادر عزم الحكومة السعودية للاستقرار في ماربيا كليا.
يقوولن : تعاني السعودية من انتشار ظاهرة التسول ... فيما يبرر مدير مصلحة مكافحة التسول "ان ادارة مكافحة التسول تقبض على العديد من المتسولين يوميا .. فيما لم تستطع الادارة التحرك حيال تسول "حكومات دول العالم"... الجدير ذكره ان ظاهرة تسول "رؤساء الحكومات اصبحت ظاهرة بعد ان تجاوز البترول لاسعار الستين دولار.
يقولون: تجمهر العديد من الموطنين امام "الديوان الملكي" مطالبين الملك الغاء قرار زيادة رواتب المواطنين بنسبة "15%".. وفي نفس الوقت يطالبون الملك اعادة "90%" من خسايرهم بسبب سوء ادارة الهيئة لسوق المال ... رفع المتظاهين لافتات مكتوب عليها "الدم للركب".... في اشارة الى لون مؤشر السوق.
صفحة يقولون للفضائح
يقولون, بلاي بوي, لاس فيقاس:
<<<<<<<<<<< تم حجب الاخبار للاخلاق العامة>>>>>>>>
صفحة يقولون الامنية
يقولون, مافاي: ارتفعت نسبة الجريمة في مجمل المدن السعودية ... وقد اصبحت الاخبار التي تتحدث عن "الخطف, السرقة, الاختلاس" اخبار معتادة بين المواطنين.
يقولون: ان وزارة الداخلية رفعت للمقام السامي طلب تغيير مهامها الى "مكافحة الارهاب" .. وطالبت بتغيير مسماها "وزارة نتف الكباب وتقفيط الاعضاء الكتاب"... فيما طالبت باحالة مهام "المرور, والشط, المناطق, المباحث الاداري, الجوازات, الدفاع المدني" الى مجلس الامن الوطني.
يقولون: ان الى طرح "وظيفة" جندي في الحرس الوطني للاكتتاب العام.
يقولون: تشير الاحصائيات ان "المخدرات" تنتشر في السعودية بشكل كبير.. حيث طالب بعض "المدمنين" اقامة جمعيات تعنى بهم .. كما طالب بعض المدمنين " اقامة نوادي خاصة لتوفير احتياجاتهم من المخدرات بدلا من شرائها من المروجين"...فيما اصرت وزارة الصحة الاشراف مباشرة على بيع "الكوكايين , والكولنيا , الهيروين"... فيما رفضت مجلس الغرف السعودية اصرار وزارة الصحة على ذلك .. بسبب ارتفاع الاسعار, وسوء التخزين, وسطوة المسؤولين على المخدرات.
صفحة يقولون للمنوعات
يقولون: لايزال صندوق الفقر عاجز امام صرف رواتب مدير عام الصندوق... وقد تم الرفع للمقام السامي لزيادة المخصصات المالية للصندوق في سبيل تسديد رواتب المواظفين.
يقولون: بعد ان احتشد المواطنين في طوابير سعودية لانتخاب اعضاء المجالس البلدية ... اكتشف المواطنين ان الحكومة "حظرت" نشاط تلك المجالس بسبب انتشار انفلونزا الدجاج.
يقولون: ان مؤشر البراء ........لا زال احمر
يا لهوتي ي ي ي يي ني
http://alsaha2.fares.net/sahat?128@2...0058@.2cc0da38
-
تمخض الجبل العظيم فولد جملة "آع آع آع"...
شرفنا معالي رئيس هيئة سوق المال هذه الليلة بطلته البهية .. حتى ان اغلب المواطنين اعتقد "ان جماز السحيمي" شخصية وهمية .. لا توجد الا في التعاملات الرسمية التي تطل علينا بين الحين والآخر.. وخصوصا فيما يتعلق بقرارات تمديد شاغري المراتب العليا في الدولة...." والله زمان على "بناء على ارادته"
ورغم ان هذه المقابلة هي الوحيدة من نوعها لمعالي رئيس هيئة سوق المال ... الا ان اللقاء كان مثري جدا "لي ولغيري من المواطنين" .. ولكن استوقفتني بعض الملاحظات اود ان تصل معاليه عاجلا غير آجل:
اولا : ترددت جملة "آع آع آع" في حديث معالي رئيس هيئة سوق المال اكثر من "60%" من اجمالي وقت المقابلة .. وهذه مخالفة صريحة لانظمة التداول التي تحدد نسبة التذبذب بـ "10%" فقط.
ثانيا: اجاد معالي رئيس هيئة سوق المال استخدام يديه في الحوار .. وكأنه يعدد مزايا سلعة تجارية .. حركاتك يا معالي الرئيس تذكرني بشريطي باع علي سيارة مصدومة.
ثالثا: يتضح لي من خلال المقابلة ان معالي رئيس هيئة سوق المال لم "يستفد" من تخصصه العلمي, ولم يعمل به نهائيا .. وهذا واضح من عدم تغييره للبليتين اللاذع في راسه ..." اجل المستثمر يتصرف مثل المستثمرين"... لا يا شيخ ؟؟ جايب شي جديد انت؟؟؟ اجل أول كان المستثمر يتصرف مثل "الممرضات ".
رابعا: عرفنا عذر حكومتنا الرشيدة في منع معالي رئيس هيئة سوق المال من مقابلة اعضاء مجلس الشورى , وتوجيهه بعدم الخروج على وسائل الاعلام الا نادرا ... هذا المفروض تحطونه في بير , ويردمونه .. حتى لا تخطفه احدى الدول المتقدمه.. نابغة زمانه
خامسا: يتضح جليا ان معاليكم "يحكي قبل ما يفكر"... وهي من الصفات الادارية المطلوبة لشغل الوظائف الحساسة في دولتنا .. اجل أكبر اسواق العالم هو سوق واشنطن؟؟..
سادسا: كانت زبدة حديث معالي رئيس هيئة سوق المال يتمحور حول "الهيئة مالها شغل في الاسعار.. مالها شغل في الارتفاع .. مالها شغل في الانخفاض".... اجل الله لا يربح العدو, انت وش شغلتكم؟
سابعا: اتضحت الصورة لدى المواطنين حيال "تأخر تحرك الهيئة"... بسبب اللجان المكلفة لكل ملف ... وحلها يا معالي رئيس الهيئة متى تنهتي دراسة هذه اللجان.
ثامنا: يتضح على معاليكم خجله الشديد من الناس.... ليش يا روح ماما ما تكون الحلقة مباشرة وتستقبل اتصالات الناس؟؟؟؟
يقول الاديب الايطالي "بيكاسوا دير بونشي" ان الحيونات الثدية .. تلد ولا تبيض
--------------------------------------------------------------------------------
هذا موضوع كتبته يوم قبع سيرفر الساحة
باكتبه في الموضوع نفسه عشان "التقشف"
بسرعة تجمعوا يالطفارى.. جبت لي ساحر , يفك السحر عن السوق
السوق من كثر ما ينزف .. خفت عليه .. قلت ما بدهاش.. لازم اطمر به على اقرب مستوصف.... وانا خابر مستوصف البستان , وش زينه .. خصوصا بعد ما وظفوا بنات في الاستقبال ... تحس بنشوة وانت داخل عليهم , وشايل السوق كله وهو ينزف بين يديك .. اكيد بيقولون "والله بطل .. شايل السوق وهو ينزف".... وبعدين احطه عند الدكتور واجي ادفع لهم الفلوس.... على طول بعتقدوني "قوي , وكاش".... وانا فاتح زرار صدري, وحاط الشماغ على كتفي... ولابس طاقيتي أم جنيهات... ومسوي زحمة ... كني مهتم ومادري عنهم.
وبالفعل... دخلت المستوصف ... وكان على كتفي السوق... بس الله لا يوفقهن .. كانوا مشغولات البنات مع امة الصمد ... والممرض "اعتقد انه هندي يقول لي: هنا هنا غرفة صديق".... بس والله قهر.. ادخل به على الغرفة والبنات ما شافوني؟؟؟ لا والله .. وانا اللي ارفع السوق فوق .. واهبد به في الارض ... عشان ينتبهون البنات ... وما امداني اسفط به تحت الا والسوق يزعق ذيك الزعقة ... وانا اللي اسمع هالبنات .." وجع ان شاء الله .. ما تخاف الله ... يطيح منك .... ما تنتبه .. اذا انت مو كفوا تشيله وهو ينزف خل غيرك كفو يشيله"... وما دريت الا وحدة "كنها نوير حقت سوق الحمام..... تطمر من الكاونتر .. وتركض يمي"... وانا بصراحة راح فكري بعيد .. وأقوم ألقط عصا المكنسة .. "ما بقى الا هي .. تمد يدها علي"..... بس ظني طلع فشنك .. جت "نوير" وشالت السوق وهي تقول" بسم الله عليك .. جعلها في هالخبل اللي شايلك ولا فيك"..... ماعندي شي اقوله .. طاح وجهي.... قلت يا ولد اقلب العملية "رسمية"... واقوم ازرر ثوبي, والبس شماغي , اطلع سبحتي ... وادخل معهم الغرفة .
الدكتور جعله يسلم اول ما شوف السوق ينزف... على طول .. رفع السماعة وقال "اطلب البوليس.. وسجل عندك , اغتصاب أدى الى قرحة في المعدة".
نزل الدكتور السماعة . وطالع فيني من فوق لتحت .. وقال لي "انت الفاعل؟"..... اي فاعل يا دكتور .. انا مضاف اليه.. انا اللي جايبه
الدكتور: طيب مين الفاعل؟
محاكيكم: والله يا دكتور ما ادري ... انا شفته منطول في الخرابة .. ويوم قربت منه وشفته ينزف.. سمعته يقول " جــ جـ مـــ مـــ ززززززز"...
الدكتور: طيب ... طيب .. البوليس حيإي .. والمستخبي يباااااااان ..
محاكيكم: طيب ما تسعفه يا دكتور ... انت دكتور تقدر توقف الزيف
الدكتور: لا يخويا .. مش يمكن الحالة فيها ايدز ... انت مش شايف بينزف ازاي؟
محاكيكم "ياطول كلمة محاكيكم.. ليتها على البردعي كان اقصر": طيب كذا يموت
الدكتور: ما يموت ..هو من عيلتي؟
انا: لا يا دكتور .. هذا يهمنا امره .. لازم تشوف طريقة توقف النزيف .. لو تلفه بخرقة .. بس يوقف النزيف.
الدكتور: والخرأه ببلاش؟؟؟ انت اللي حتدفع أيمتها؟
أ "وتخب": وش دعوة يا دكتور .. النظام يسمح
الدكتور: لا يا سيدي.. لا يسمح . ولا يمسح ...
ط: والله الغلطان اللي جابه عندكم .. تارك اكبر مستشفيات البـ
الدكتور: بداهيه انت حاسب نفسك قايب داو قونز؟
ض: للاسف , هذا مستوصف اسمه البستان ؟؟ المفروض يسمونه البـ
الدكتور: ما بلاش تاخد وتدي في الكلام .. روح بسرعة بصاحبك ... قتك دهيه ..... سوأ بينزف وعيزينا نسندوهـ
ثالول " حلو اسم ثالول .. على طاري الثواليل ... اكتشفوا لزقة ... تحطها على الثالوله .. وترقد .. واذا اصبحت , تلقاها.... بتنقان ..
المهم .. وانا اللي اطلع من المستوصف.... بصراحة .. وزني ابليس "وزني .. يعني دفعني نفسيا.. مو ثقلي".... وقال لي "انطله على الرصيف ابوه سوق .. وخل غيرك يورط به .. صدقني بيوديك في داهية .. واحتمال يملكونك عليه"
انا بصراحة ما صدقت .. وانا اللي اشيله فوق ناوي اهبد به على الارض.. بس فجاة . طار السوق من فوق يديني.. وانا اللي اطالع فوق مستغرب وين راح ..... وعينك ما تشوف الا النور.... السوق متمدد فوق.. وشايلنيه "ذباااان".. وااااااااااااجدددد ... وهم يطيرون به ... انا بصراحة .. شكيت في الامر.. اول شي ... السوق ألقاه منطول في مخربة .. وهو ينزف.. و الدكتور يشك في حالته انها ايدز... و أخرتها ذباااان شايلينه ..... وانا اللي اطمر للبقالة واجيب لي بف باف .... وارشه على الذبان ... . واجلس ارش .. ارش... والذبان .. شايلينه ... ولا تأثروا ... بس يوم إلتفتت علي ذبانة ... عرفت السبب ... متلثمين ... بشماغ العجلان واخوانه.
انا شدني الفضوووول .. قلت يا ولد ..خلهم يشيلونه .. وانا الحقهم .... وبالفعل ... من شارع لشارع .. ومن زقاق لزقاق .. ومن "عاير لعاير"... ومن فريج لفريج ... ومن سيب لسيب... ومن تريك لتريك .. ومن ستريت الى استريت ... واذا بهم يدلفون الى "العليا ماين استريت".... ويوقفون عند خيمة جنب المملكة.
انا قلت يا ولد .. خلك وراهم ... واهجم على الخيمة ... فجأة اشوف واحد "لاف على رقبته قطو احمر.. وحاط على راسه ريشة فار اندونيسي... وماسك معه جرة من الزبردق ... وامامه دلو من العاج ... وله ثلاث عيون ... ولسانين ... وجبهتين ... وعليه خد .. تقول "مخطط حي اليرموك". كله شوارع .... مشقق وجهه .. شكله راعي مضاربات.
شفت هالرجل جالس معه "مبخرة" خضراء ... والسوق متمدد على الارض... وجلس هالساحر يخربط .. ويتمتم بكلام ... ما ادري وش قصته.... وبعد خمس دقايق .. جلس الساحر على كرسي خشب وقال لي :
خورشيد خاشد
البردعي: خورشيد ؟؟؟ خاشد؟؟ ... وشو هذا
الساحر : هزا جني شيطان .... هو يدخل سوق.. خليه ينزف.. انت ما تشوف؟
البردعي: والله اشوفه ينزف .. بس ما اشوف خورشيد خاشد
الساحر: لا .. خورشيد هازا جوا سوق... هو يدخل سوق , عشان هزا سوق ينزف كتير.. هو بعدين ياكل كتير
البردعي: طيب وش رايك بالمواشي؟
الساحر "معصب": ايش مواشي انا كلام خورشيد جوا انت تقول مواشي؟
البردعي: طيب خورشيد اذا طلع , سوق ما ينزف؟
الساحر: ما ينزف... خلي خورشيد يطلع ... سوق ما ينزف.. ويصير كويس
البردعي: طيب وشلون نطلع خورشيد؟
الساحر: ايووااا .. انت يبغا خورشيد يطلع . لازم يجيب فلوس ... خمسمية ريال "فايف خندرد".
البردعي: شف.. انت طلع خورشيد اول .. وانا بعدين اعطيك فايف خندرد
الساحر: لالا .. لازم فلوس اول .. بعدين خورشيد يطلع
البردعي: والله يا شيخ ساحر "حلوه يا شيخ ساحر".... فلوس هالحين ما فيه ....كلها في سهم المواشي...وش رايك تاخذ عشر اسهم المواشي بدال الخمسمية؟
الساحر: لالا .. حبيبي .. انتا جيب خمسمية ..بسرعة .. اذا يتاخر.. سوق موت
البردعي: لا والله .. تكفى لا يموت .. هذا فيه قرواتنا
الساحر: ايش ثروة كداب.. انت فلوس كله خمسة الف بس... هذا ثروة يا مجنون
البردعي: والله كانت ثروة قبل ما يخطفونه .. ويلعبون به ... كنت على وشك اطلع فورد
الساحر: خلي كلام بعدين .. انت روح جيب فلوس بسرعة
انا طلعت من هالبلية ...... وين اجيب له خمسمية ؟؟؟ والله مصيبة ... ولو تركت السوق.. اخاف يموت ... وابو لوجين ما يقدر يسدد ديونه , ثم يدخل السجن .. ولا نشوف له مواضيع ثانية .. والخفاش الاسود وفتى الادغال .. كلهم يروحون فيها ... وزعرور ... الايام ... والنصاب البربهاري ...كلهم يدخلون السجن .. وبعدين الساحة تفقد رونقها.... طبعا نمر بن عدوان ما فيه امل يسجنونه ... احس انه بيطلع وزير الدفاع القادم لا محالة...
]
-
عموما. انا قلت اروح للوليد بن طلال .. منها ابشره ان السوق داخله جني.. وانه ينزف .. وان شاء الله بيطيب .. ويصير مثل الجحش... وفعلا .. وصلت لقصر الوليد .. وجيت ادخل من عند البوابة .. لقيت وحدة لابسه جنز تقول "وين يا الاخ"...... "ابدخل"...." وين تدخل؟ انت شايفه بندة؟"........" لا الله يسلمس "بدينا في حكي الحواطى اذا تمدنوا .. لازم نأسأس مع الحريم"...
البردعي: انا بدخل للوليد اسلم عليه الله يسلمس
الحرمه : عندك موعد؟
البردعي: لا والله .. بس هو قال لي "متى ما ودك تشرب معي الشاهي , تعال"
الحرمه: ومن قال لك انه يشرب الشاهي؟
البردعي: وجع .. اجل وش يشرب؟
الحرمه: مو شغلك ... واطلع من هنا لا ابلغ عنك الشرطة
البردعي: طيب الله يخليس ... قولي له "امير منفوحة" جاي يبيك في موضوع
الحرمه: آسفة
البردعي: طيب قولي له اني بطل ركوب الخيل ادور واحد يرعاني
الحرمه: برضوه آسفه
البردعي: طيب قولي اني وحدة بنت تبي تسوي مركز استربتيز , وتبغا دعم
الحرمه: طيب اصبر اقوله
وبسرعة .. لقيته واقف قدامي وهو بعصاه .... يطالع فيني .. ويطالع يمين .. ويسار .. وبعدين قال للبوابة " وين البنت اللي تبغا تفتح مركز الفكر المتقدم؟"
الحرمة: هذي
الوليد: اي هذي... هذا رجال
البردعي: لا الله يسامحك.. اي رجال ... انا كنت رجال "الله يلعن الحاجة"... بس اكتشفت ان فيني هرمونات انثوية متبقعة في مناطق جسمي
الوليد: وين
البردعي: وين !!! والله استحي اعلمك ... بس بعدين .. اذا فتحت المركز الحضاري المتقدم ... بتشوف بعينك كل المناطق.. بس انت الله يسلمك رش علي
الوليد: انت تعتقد اني بصدق هالكلام ؟؟ هذا وجه واحد فيه هرمونات انثوية؟؟؟
البردعي: والله يا طويل العمر لولا الحاجة ما كذبت عليك .. انا محتاج خمسمية ريال عشـ ............ تررررررررررررن "جوال الوليد يدق"
الوليد: ألو .. اوووو .. هايييي نورا ..... وير هاف يو بين نورا . اي مس يو تو ماتش
البردعي : انا بعد .. مسها تو ماتش .>>>> لازم الواحد يجامل
الوليد: اوكيه .. اوكيه هني .. تاك مور تايم اند اي ويل سند يو مور مني
البردعي: انا بعد .. سند لي شوي
الوليد: باي.. ببي دارلنق .. اي لاف يو تو
البردعي: حتا انا .. انا لفها لي شوي
الوليد: ايوا .. انت وش تريد
البردعي: والله اريد شوي فلوس.. فيه ساحر ... يقول ان خورشيد دتخل في السوق.. وهو بيطلعه
الوليد: طيب؟
البردعي: وانت قلت في العربية انك بتدعم السوق بخمسة او عشرة مليار
الوليد: طيب
البردعي: انت عطني خمسمية ريال بس.. ومسامحينك في باقي العشرة مليار
الوليد: لالا .. لا يا حلو .. انا قلت بأدعم السوق يوم طلعت القرارات الملكية ... وانا حبيت اطلع في الصورة مع الملك عبدالله ... انت تعرف الاسلوب الدعائي
البردعي: طيب وين المليارات ؟.. وين الشركات المحترمة
الوليد: اي محترمة .. سوقكم كله غير محترم .... جيب لي شركة تديرها بنت
البردعي: وانت ما تعرف الاحترام الا مع البنااااات .. ياخي وحنا يا الشباب؟
الوليد: اقول اطلع برا .... براااااااااااااااا .. يو لوزنق ماي تايم
وضاقت الدنيا فيني ... منين اجيب الخمسمية؟؟
التكملة في الحلقة الجاية
افلقوني اذا شفتوا شي
يا شين المواضيع الطويلة
الله يذكر ذيك الايام .... كان الواحد يجلس على الكرسي ما يقوم الا وهي منفطة من الدمامل
ملاحظة مهمة ... الاخطاء الاملائية علامة محتكرة
[url]http://alsaha2.fares.net/sahat?14@213.DmWtcNoYMzV.1000058@.2cc0d8fd[/url
-
طوط طوط طوط
الخط مشغوووووووووول
