تقرير مركز الدراسات والتحريات الهرطمانيه

السلالالالالالالالالالالالالالالالالالالا م
انتم تقولون هرطمان ماهو طبيعي اليومين
وبعظكم يعتقد اني ما افهم شئ
وبعضكم هو مايفهم قصدي
وانا مشغول البال في مركز الدراسات والتحريات الهرطمانيه لأنه فيه وقت ترشيحات وخايف من الأحزاب المعارضة ;) لاني يمكن ما اقدر اتعامل مع الريس الجديد وقاعد ادعم ريسنا القديم (على قولة اهل الكويت مفتاح انتخابي) :D

نرجع لموضوعنا المهم والي يحتريه بعضكم وتحملوا يمكن اغثكم

الاخت مرجوجه بعد عودتها نزلت موضوع السلالالالالالالالالالالالام
وتعتذر عن تاخرها بسبب الدراسه
فرد عليها واحد يقول
(يا هلا ولا تنسين الدراسة تريها اهم من كل شي الا الزواج.)
واذا احتجتوا تتأكدون هذا الرابط
http://www.rafha.com/vb/showthread.php?threadid=1418
بعدها فيه ردود وفيها ادلة بس باختصر
بعدها ايام نزلت المرجوجة ايضا موضوع الاشكال وهذا الرابط لو بغيتوا بس ماله داعي
http://www.rafha.com/vb/showthread.php?threadid=1437



تابعوا باقي شوي تحملوني

رديت انا ردين الثاني كانت رساله تحذيريه للمرجوجة يمكن ما فهمت اللغة الهرطمانيه حين وضعنا الشكل في المركز وطلع ...... .....
كنت اقصدها هي ماهو انا (الان انتهينا من المرجوجه ) ولاحظوا كيف رد على اخوي عاسف الجن (يغار يعني)
وكنت اقول وقتها انا مالي شغل باحد المهم المنتدى تمام ومستانس مع الاخوان
بعدها نزل اخوي الاعرابي موضوع (عجبا كيف يسلم هذا) وهذا الرابط
http://www.rafha.com/vb/showthread.php?threadid=1338
ودار نقاش فيه نقد لجانب من المنتدى وتوالت الردود بصوره تذكرنا بموضوع عزام عن القاضي وكيف احد الاشخاص اكثر الردود فيما لايتعلق بالموضوع وطبعا هذي فرصة لكل شخص ونيته :confused:
الاخ حديد سليم القلب يرد ويقول مابيني وبينك شي وهو صادق من جهته
بعدها طلبت من الاخ حديد ورجوته ان لايرد وياليته طاعني اولا لأني انحرجت من حديد ما عبرني
والثانيه انه اعطى الفرصة لغيره وكانت الكورة بملعبه

تابعوا اخر شي :D

تحملوا:mad:

يومها قلت لكنت نايم وجهة نظر
بعدها نزلت موضوع (وداعا لهذا المنتدى قولوا انقلع) وهذا الرابط
http://www.rafha.com/vb/showthread.php?threadid=1460
ما احد يتوقع السالفة وشي
قلت بعدها لو كلكم تقولون اطلع ما اطلع المستاذي يرحل

تدرون ليش
.

.

لني حسيت ان الاخ كنت نايم قاعد يسير بنفس خطوات مصلوخ صاحبكم القديم
ومصلوخ عند هالحد وقف و واثار مشاكل
فاذا كان كنت نايم هو مصلوخ لازم يطلع لأنها احترقت كل أوراقه

وهذا الي صار فعلا وهذا رابط وداعه ونقده
http://www.rafha.com/vb/showthread.php?threadid=1463

طبعا الان بعد ما انتقد المنتدى مالي شغل من أول ما تدخلت ايام مصلوخ
بس ان أكون أنا سبب لنقد هذا المنتدى الجميل واهله الرائعين
علي وعلى أعدائي
الان فهمتوا عرفتوا اني فعلا ما افهم
هذا ردي يا همام
وصراحة كنت نايم لو قلت هذا الكلام لكن يؤسفني وداعك
والله والله والله اتمنى ما تروح او تعود لنا باسم جديد
الاخ مصلوخ ان كان لك راي عادي بس في ادب الحوار واحترام القارئ
وان كان غير ذلك ما ارد على كلام
وان كان موعد في اي مكان مستعد للمقابله والرسائل تحدد المكان والزمان

اتمنى ما اكون غثيتكم بالكلام الطويل بس اهم شي ما تقولون هرطمان ماهو طبيعي اليومين

شكرا لكم جميعا

مع تحيات مركز الدراسات والتحريات الهرطمانية


:typ :typ :typ :typ :typ

بالله وش رايكم بالمركز

لا حول ولا قوه الا بالله:no
والله احس انك يا هرطماااااان وانت تكتب الموضوع بقمه الانفعال يعني من قلب من قلب :cI


كلامك على العين وعلى الراس وفعلا معاك كل الحق فيه(I:

بس مدري انا زعلتك بشي مشان تناديني مع الاعضاء بموضوعك السابق :think:

حسيت انك تدور حرش:ang



بس تضلك هرطومي حبيب الكل:^ :^

اخوي هرطمان ...

والله العظيم اني ما كنت ناوي اشارك بالمنتدى وكنت ناوي احط اسمك من اللي اعجبوني بس لاحظت عليك تلميحات وكلام استعراضي و ماخذ راحتك وصراحة الوايلي افضل منك.

وش فيها اذا كنت مصلوخ او غيره ؟؟!! وش لاحظت غلط بمشاركاتي ؟؟!! لاني قلت رايي بصراحة بالمنتدى قمت تفلسف ؟؟!!

على فكرة وش قصدك نتواعد ؟؟!! ودي تفسر لي قصدك عشان ما اظلمك واحسب انك تقصد مواعد الطلعة ايام الابتدائي وهالكلام ما يقوله الا الجهال واشباههم.

هرطمان ... يالغالي اوزن كلامك قبل ما تقوله وفرق بين الناس .

وسلامتك.

هلا والله اخوي كنت نايم
صراحة اعجبتني لانك لاتزال تناديني اخوي وهذا من طيبك
ولا تحسب اني لو كتبت عنك معناه اني ضد شخصك ابدا ابدا
انا ضد الخطا بس وبس اما كل صواب انا مع راعيه من كان
وانت ما تدري اني احمل لك احترم كبير ( خاصة خارج المنتدى )
لكن انا مستغرب من طريقتك مع اهل هالمنتدى ليش وش مسوين لك
كل ما اتمناه انه ما يكون الدافع حسد (حتى ما تصيبني صدمة ) وتبقى عندي ذلك الشخص الي احترمه .

اما انك ما اخترتني من الي اعجبوك فالحمد لله حتى ما يصيبني غرور و يزيد استعراضي
واكثر من الاستعراض بقولي ما افهم (هذا الاستعراض):confused:
انا بنفسي اعرفك زين واعرف انك افضل مني اسلوب (لو حبيت تكتب) لكن ما اعرف وش مانعك ؟؟؟؟؟؟؟؟؟
بس بالحوارات انت تعرف زين اني من احسن الناس فيها (لو حبيت انا هالمرة)
اما ان الوايلي افضل مني كلامك صحيح بس من اي ناحيه شف بقول
هو يكتب بالشعر دايم وانا ما اكتب بالشعر (كيف سويت المقارنه )
ما فيه وجه للمقارنه اسمح لي اصلا ما عمري نقلت موضوع حتى تتعرف على ذوقي
ومع هذا ترى ناس واجد واجد واجد احسن مني واحد منهم الوايلي باعترافي انا ماهو بمقارنتك الي ما تخضع لاي معايير
اخر شي بالنسبه لتواعد انا وجهتها لمصلوخ ( وقصدي لو كتبت بعبارات مصلوخ) اما كنت نايم فحياك الله انت تدعوا للنقاش وهذا باب النقاش والحوار مفتوح .
ولو بغيت اواعدك انت ما دامك تقولي الغالي بواعدك على قهوة بالمشب آسف بالكوفي شب :D
اما ايام الهوشات والابتائي بالطلعه ترى احتفظ لك معها ذكريات ماهي زينه :D

اخيرا حبيبي الف شكر لانك لم تعترض على شئ واكتفيت بالاستفسار عن قصدي بالمواعد

والحقيقه تقال ان الخطا ماهو عيب دايم لكن العيب تكرار الخطا
وانا عرف جوهرك وظميرك الحي لكن لا ازال استغرب
فيه منتديات قمة الوقاحة مع ذلك ماشاركنا وحاولنا نغير الخطا المتفق عليه
وهالمنتدى الحلو طريقه صح وفي بدايته وتطالب باغلاقه
ترى ما فتحوا الجماعة المنتدى شف البدايه مؤقت مؤقت مؤقت
وفيه اكثر من سبع الاف مشاركة واكثر من عشرين الف زاير من غير الهتميل الي كل الناس تكلموا عنها وفيه ناس طيبين وشف موضوع الدب في التقنيه السب سفن وكيف متعب نفسه وحاط عليها منتديات رفحا وقريت لها دعوات في بعض الايميلات كيف تسعى الناس لخدمة الاخرين وتضحي كم وكم وكم (اول يوم دخولك كيف كان يعلمك الدب تحط الصورة يا ماجستير هندسة كمبيوتر)
هذا وعمر المنتدى اقل من اربع اشهر
وحبيب البي اقول لك كلمة بجد وصراحة
لو تدخل معنا وتكتب باسلوبك الي اخبره(اقلدك شف)
لكنت ساعدت في دفع عجلة المنتدى في الطريق الصحيح الى حيث الشروق هناك حيث تزقزق العصافير ويتقاطر الندى وتعانقنا نسمة الصباح تخالطها رائحة الازهار وعبق الخزامى
بدل ان تلقي في طريقها الحجارة لتتعثر فتتأخر... أو تنقلب فتتدحدر ؟؟؟
(انتهى التقليد)
راجع نفسك واتمنى انك تكون مشرف علينا هنا لو تيقظ الظمير الي لا يزال نايم

:confused:
:confused:
:confused:

كلمة هرطمانيه ( الشمس لابد ان نعترف بوجودها اذ انا لو تجاهلنا وجودها وظللنا نسمر ابصارنا تجاهها ونسأل من حولنا أين هي؟؟؟
سنفقد ابصارنا دون ان نشعر )

وتحياتي لكم جميعا
يمكن اخطيت لكن ما تعمدت الخطا

السلالالالالالالالالالالالام....
ايش صار.....؟؟؟؟؟؟؟
انا دخلت أمس السبت الظهر
وجيت الحين الاحد العصر
لقيت الدنيا قالبه..؟؟؟
عموما....... بس من اللي استوعبته ... وحطوا ببالكم انا ما أستوعب بسرعه.......:rolleyes:..
الزبده من اللي استوعبته أقول لكم.....

ماااااااااا عليناااااااااااااااا

اخوي الغالي / هرطمان ( اضفت الغالي لان صار بيننا عيش وملح وصرنا معارف على قولك) :^ :^.....

ياخوك ما كنت اخاف ايام المدرسة بالعكس انا اللي كنت اتوعد بالطلعة للمعلومية بس عشان تعرف انك ما عرفت منهو كنت نايم.

ما قلت ان معي ماجستير حاسب الي ... قلت اني اني ادرس ماجستير اتصالات وفيه فرق بين اللي معه ماجستير وبين اللي اخذ الماجستير ... وفيه فرق بين الحاسب الاي والاتصالات.

في الحقيقة والواقع ... احيانا انبسط من كلامك وفجاة تقلب وماقدرت اعرف لكلامك لا راس ولا رجلين :^ :^ لكن استشفيت ( لا تفوتك استشفيت :^ ) انك مغل للاسف.

اخوي الغالي / هرطمان ... ما ودي امط السالفة والغرض كله الفايدة والوناسة واذا ما حصل ولا وحدة منهن نتخلف الله ونقول :

يرزقني اللي يا عطا مهو بخيل ....... يعطي العطايا ما يريد اثمانها

الهرطمان الغالي ... قلت اسلوبي احيانا احسن من اسلوبك واحيانا العكس ... وانا اقول اسلوبك احلى واسلوبي تحت امرك كانك تبيه ما يسوى اثرك مع القاع.

اخوي ... اخر واحد ممكن يحسد محاكيك ... وبعدين وش احسد عليه؟؟!!

الزبدة يا هرطوم ... مع اني ما اخطيت على احد ومع كذا تعذرت وعارف انكم زعلانين لاني قلت رايي اللي ما كان على هواكم. وترى ما اجامل لان راي الانسان لازم يقوله بصراحة وامانة وان شاء الله ما اكون قلت رايي بغير الامانة .

عموما ... اذا احد اخطيت عليه اتعذر له . واقصد بالخطا اني قلت غلط بحق احد مو قصدي اني ما جاملته.

وسلامتك اخوي هرطمان وسلامة جميع المسلمين.

هلا بالغالي اول وتالي وترى ماني مستغربها منك
بالنسبه لقضية الطلعة اعتقد ما فيه داعي لها لاني احس ان هذا قد يكون اخر رد فما رايح ادش في الفرعيات
اما انك تنبسط من كلامي وفجاه اقلب فالسبب انه يتجاذبني طرفان الاول تقديري لشخصك والثاني وقوفي ضد طريقتك
فالي يغلب ياثر على اسلوبي
اما حاسب واتصالات ما اخفيك الحقيقه ان من قرات دقته بالي فات ما يمكن يخطي بهذي لكن لو حبيت تصدق وانت حـرّ اني تعمدت هذا
والسبب اني حبيتك تنام قرير العين وغير واثق اني اعرفك او لا
وتمنيتك توقف عن الكتابه
اما الاسلوب انا ماقلت العكس انا اقول انت افضل مني بس اذا انت حبيت تكتب باسلوبك الي اعرفه وقلت عن الحوار والنقاش انك تعرف اني من احسن الناس لو انا حبيت انا قش
اما ان اسلوبك ما يسوى اثري مع القاع
فماهي غريبه عليك ان تكرم خاصة لمن عرفك انت اكبر واكبر في عيني من ما تتصور
وما كان ودي ولا زلت اتندم واتردد في كل رد لكن العذر يمكن من ضعف النفس وقلة التوفيق بس يوم قريت كلام همام وهو يقول حتى ما احد يقول ان المنتدى ما عليه رقابه قلت الظاهر ان همام عارف كل شي
اما انك اخر واحد يحسد فهذا الي اعرفه عنك وانا والله مستغرب يا بعد روحي انت اكبر من كذا
وعلشان كذا انا قلت سابقا بالحرف الواحد ((كل ما اتمناه انه ما يكون الدافع حسد (حتى ما تصيبني صدمة ) وتبقى عندي ذلك الشخص الي احترمه ))
يعني انا اعرفك ما انت راعي حسد وانت عندي ثقه ومصدقك انك ما تقصد الحسد
ويمكنني ان اغادر وانا مرتاح البال
مرتاح البال
لانك لاتزال ذلك الشخص الذي اقف له وقفة احترام قديمه
اما بيت الشعر لا تعليق
سابقى اراك في اجمل الصور وسارفعك عن كل ما لا يليق بك
فلا تفتش دعني ابقى اراك كما انت الغالي
وخيرا اعتقد ما احد زعل حتى المشرفين كان ردهم عليك احسن ما يكون وايدوك في نقد الحوار وتركوا فرصة للي له طرف بالموضوع

سلام واتمنى ترجع لي
واذا حبيت تصدقني ما كتبت وانا ابغي مدح مادح او ذم ذام من كان
ولا لي اي هدف او قصد الا ما ابديته في هذا الموضوع اما غير ذلك فلا
لاني غير معروف عندهم انا اهم شي اجلس في جلسه اكون مرتاح فيها
وماخذ المنتدى فايده ووناسه
لا احد يعرفك فتجامله ولا احد يعرفك ويجاملك
تتعامل مع الناس ويتعاملون معك حسب اخلاقك وتوفيق الله

اخوي كنت نايم ابي اطلب منك طلب وارجوك ارجوك ارجوك ما تردني
وهو
انك تشيل كلمة مغل (مغل ) من راسك لانها بصراحة عورت قلبي وتاثرت منها كثير يعني لو قلت اي شئ يمكن ما يهمني لاكن هذي
اقسم بالله اني تضايقت منها وهزتني كثيرا
واحسن الظن بي
وعلى فكرة ان عرفتك او ما عرفتك لك على وعد ان هرطمان ما يمكن يقول لاحد مهما كان الثمن والا ترى ماني رجال وتحرم علي القهوة بين الرجال وانا مالي علاقة مع اي شخص من المنتدى

لن اقول وداعا ولكن الى اللقاء يالغالي
ـــــــــــــــــــــــــــــــــــــــــــــ

يمكن اخطيت لكن ما تعمدت الخطا

اخوي الغالي / هرطمان ...

توني خلصت مذاكرة ودخلت للنت عشان شيين ... اولهم ( لا تسالني وش الثاني:^ :^ ) اني اشوف ردك .

بالنسبة للمشرف ... شال موضوعي وبعدين رجعه وعلق عليه ويقول انه رجعه من باب الحرية وسكره ... مدري ليه ما خلانن ارد على استفساراته ؟؟!! يمكن هذي حرية الصراحة مدري !!!

عموما اخوي لا تاثر ولا شي ابي اسحب كلمة مغل واعتبرها زلة كي بورد .

لكن لي سؤال اتمنى تجاوب عليه ... تعرفن من انا ؟؟ اكتب اسمي هنا واذا كان صحيح وعد اني ما ارد على احد بالمنتدى ولا تردد تكتب اسمي ترى ما تفرق عندي .

هرطوم ... ياخوك ترى الدنيا مولية وما باقي الا العلم الغانم ( واضيف العلم الشين بعد يبقى ) وخلنا نتونس تالي عمارنا بدل الملاسن والملاجج .... وعندي لك راي زين قل تم ....

الراي اننا نتزوج اربع ونطرب ارواحنا ( جمع روح مهو جمع مروحة ) ونخلف صبيان وبني ونعيش بسبات وبنات . قل تم.

هرطمان ... اخوي الغالي لا ترد علي عشان مارد عليك . سكر الموضوع صك الله بيبان جهنم بوجهك ووجيه المسلمين.

هرطوم سلم لي على رفحاء مدينة الضباب ...

الله على اللي يطرب القلب ممشاه ... من عندنا ياصل لرفحاء بساعة
ما لي غرض يا ناس يوم اتمناه ... ما غير ودي بشوف الجماعة
يا زين مجلسهم ما به مناجاة ... ولا دوروا على بعضهم طماعة

مجالسهم مجالس رجال اذا تكلم واحد الباقين يسمعون مهو مثل مجالس بعض الديار اللي تلقى كل ثنين يسولفون لحالهم تقل سوالف بنات مخينز ( وفي رواية اخرى مخنيق بالقاف ).

يالله ماطول على نفسى وعليك . مع الف سلامة .

الأخ / كنت نايم
السلام عليكم ورحمة الله وبركاته وبعد
علم الله أن اغلاق الموضوع ليس من أجلك أنت . ولذلك قلت لك عن طريق الرسائل الخاصة .
وأنا لا أزال أتقبل أي نقد أو اقتراح وأرحب به
وأنا محسن الظن بأهدافك وكم تمنيت وصول رسالتك الخاصة في مسألة العنصرية .لأنك ربما ترى ما يخفى علي . فأستفيد منك . وطبعنا كبشر تخفى علينا أمور كثيرة والمؤمن مرآة أخيه .
واعلم وفقني الله وأياك أن سبب الاغلاق : حتى لا تدخل في مصادمات مع الاعضاء .
أو تأخذ أحدهم العاطفة فيبالغ في الرد . أنا أريد أن يبقى الموضوع في حجمه الطبيعي . وهذا ما يتمناه كل طالب للحق .
وأنت اقترحت ونحن نحاول أن نحقق ما نستطيع من أجل الرقي في المنتدى .
وبالعكس أنا قلت وأكرر تروح وتجي سالما غانما إن شاء الله .
ولا نستغني عن اقتراحاتك .

الأخ / هرطمان : ما طلبه منك أخوك وجيه جدا . توقف .

ونهايه جميله لحوار طويل . نتمنى ان لا نتفارق الا وقد صفيت نفوسنا .
والمهم أن تسمح قلوبنا .
(والدنيا ما تسوى) .
غفر الله لنا ولكم .

ولا ننسى أن الايمان بيوم القيامة هو أحد أركان الايمان السته .