قصيدة المرحوم نايف المروب في شخص اتهم الويبار بالخيانه لابن رشيد
[frame="4 80"] بديت باسم الي فرض خمس الاركان ****** الواحد المعبود رب الوجودي
الي خلق سبع السماء دون سيسان ****** وسبع الاراضي باسطه للعبودي
ومن بعد ذكر الي فرض خمس الاركان ****** هاضة قريحة خاطري بالبنودي
نهار لاتخطي ترى الحكي بلسان ****** حطيت ربعي بالخيانه فهودي
ربعي ترى الصفران والفعل برهان ****** انشد ابوك وجد جدك يزودي
ينبيك عن فعلن لنا يوم الاكوان ****** من يوم هي بالسيف مابه فرودي
وبقولك طبع الخيانه لنا شان ****** ماهي خيانه بس فكرك هنودي
هذا الدخيل الي دخل في بليهان ****** وحنا حمينا من دخل للحدودي
نفخر بها ياهوه في كل الازمان ****** وترى الخيانه لو ذبحنى السعودي
زبن على هباس دون فرسان ****** اختار اخو شاهه دون الاسودي
ونجا دخيله ثم اعطاه الامان ****** ثم اردفه ونجاه بشوف العبودي
ولا انت حكيك بس هرجن ونقصان ****** وناس تدري ولا لهرجك نعودي
الناس تدري فعلنا يوم الاوزان ****** والطيب نفخربه وعندي شهوديI[/frame]
