اصبح ضياع البنت بسبـاب جـوال#البنت ضاعـت والأهـل ضيعوهـا #وين المراجل ما بقى
هذا بنـات اليـوم برقـع وجـوال
ولاعبايـة كتـف هـم يلبسـوهـا
والراس فوق الراس طرحه مع الشال
حتـى الخصـال الطيبـة افقدوهـا
يوم البنات اللي غـدٍ سبـت اهمـال
ويـوم السبايـب اهلهـا هملـوهـا
الأم نامـت والابـو صـار تمثـال
والبنت راحت ويـن مـا يسألوهـا
بالليل تسهر بيـن هاتـف وجـوال
والا علـى دش الفلـس سهـروهـا
اقفاي هي ما بين الاسـواق واقبـال
بلا غـرض راحـت ولا انشدوهـا
اللبس تلبس كل مـا يطـرب البـال
وفلوس لو تنقـص عليهـا عطوهـا
من شافها باللبس يـا ساتـر الحـال
يسبهـا ويسـب مــن خلفـوهـا
كومة لحم وعيون والرمـش قتـال
ويلا مشت كـل الشبـاب اتبعوهـا
هم ما دروا لـون البراقـع بتنشـال
ونشوف وش تحت البراقـع خفوهـا
يرتاح من صابه من اسبابهـا هبـال
ويشوف والله مـن عيونـه هووهـا
وين البنات اللي بهم تضرب امثـال
ليت السلـوم الطيبـة مـا تركوهـا
البنت زين البنت لا زانـت الحـال
ما هـو بلبـس ولا علـوم خذوهـا
وين المراجل ما بقى غيره ارجـال
ليـت الشـوارب واللحـى حلقوهـا
اللي على عاره رضي الـذل ينقـال
ليـت الكرامـة ليتهـم يرفعـوهـا
ما عاد ينفـع قـول فيهـا ولا قـال
لا الأم والله ولا الأبــو انفعـوهـا
اصبح ضياع البنت بسبـاب جـوال
البنت ضاعـت والأهـل ضيعوهـا
ــــــــــــــــــــــــــــــــــــــــــــــــ
أسمحولي يابنات بس بصراحة هذا إلي أشوفه في الأسواق..
بس مو كلكم بعض منكم..
