-
أرفــــــــــع الراس...
والله إني صبور واصبر من الجمل
أظهر الضحك واخفي في ضميري جروح
لا تكالب زماني أرتكي للحمل
مثل ضلع طويل نايفٍ له سفوح
الهبايب تلوفه ما يكل ويمل
ثابت في مكانه والجبل ما يبوح
الرجال الضواري مثل هاك الجبل
عزوة اللي تعزوى من جروحه ينوح
طيبين السجايا ماضيين الفعل
بالصبر والعزيمة كم بنو من صروح
أرفع الراس دايم لو حصل ماحصل
لا تزعزع كيانك خل عندك طموح
اتبع إلي يعزك وأترك إلي يذل
رافق إلي يودك بالمشوره نصوح
من حكالك حكابك مثل قول المثل
ومن ضحكلك ضحكبك لو تشوفه مزوح
المكر والخيانه من صفات الثعل
والحرار الأصيلة يالثريا تلوح
لوصفالك زمانك ما يدوم العسل
الله إلي يدوم وغير وجهه يروح
يالله أغفر ذنوبي عن جميع الزلل
الخطايا كثيرة والله إلي سموح
ناصر بن عبدالله السعيد
(((منقوله من جريدة الجزيره)))
-
-
-
[align=center]
صح لسانك ولسان الشاعر
[/align]
-
صح لسان الشاعر
وسلمت ياعاشق الصحراء
والله دوّرت على احلا بيت ابنسخه ولم اجد بيت يفوق بيت
كلها مترابطه وشموخ تحياتي .
-
أخوي عاشق الصحراء عز يا ملا العز والله إن هذي القصيدة التي تستاهل أن الواحد يقرأها أكثر من مره
-
أعزائـــــــــــــــي:
زين تصفيــــــح
رعبــــــــــــوب
رفحــــــــاوي
القـــــــــروي
ذيب حـــــرض
اشكركـــم علـــى مروركـــم
-
-
