شريت لي جح عسى القوم تشريه
البطيخ او الجح مقته سعود بن جمعان المطيري يوما من الايام وتمنى الفكاك منه بأي طريقه يوم ان قال في قصيده لا تحتاج الى شرح:
شريت لي جح عسى القوم تشريه
ابا اتكسب به واكل راس مالي
قطع امتوني بس اشيله وواطيه
وبالبيت احرسه لا يجونه اعيالي
اربع ليالي بس اجيبه واوديه
وان جيت احده قالوا الناس غالي
ما دري هو انا صدق بالحيل مغليه
والا ان حظي بالسعد ما سعى لي
الله يجيب اللي من الناس يشريه
والا حذفته بالشعيب الموالي
ورزقي على اللي ناشي المزن ينشيه
هوالولي وانا عليه اتكالي
والا الشراء والبيع ماني براعيه
الله يرزقني على قد حالي
http://www.alriyadh.com/2006/09/03/article183664.html
