عوايدي لوهـي ظروفـي لحوحـه؛؛ للشاعر فواز العلي
انقل لكم هذه القصيدة للشاعر فواز العلي...
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
راحت سنه ما شفت فيها مسـرات=وباقي على قلبـي بقايـا جروحـه
حاولت أدور لـه دواء بالعيـادات=ماهي سوالف زاد فينـي وضوحـه
عزيت يا قلب العنـاء والشقـاوات=ياما من الضيقات كم فحـت فوحـه
والله بانت فـي عيونـي علامـات=تسئل تقول صويحبي ويش نوحـه!؟
سـلام ياقلبـي عليـك السلامـات=سـلام ياقلبـن ولا بـاح بـوحـه
صبرت صبرن وإلجم الصبر بسكات=عوايدي لوهـي ظروفـي لحوحـه
صبرت صبر أيوب حين الملمـات=لو حاجتي بيديـن ناسـن شحوحـه
والصبر له في كل الاحوال نفعـات=يذوقـه اللـي ذاق مـر وملوحـه
يامن لك بخلقـك شؤنـن ودبـرات=تـرد للقلـب المعـنـا فـروحـه
الله لو يرجـع زمانـن لنـا فـات=ونمشي وراء قطعاننا في سروحـه
من قبل لا نسكن قصور وعمـارات=القلب خالي مـن همومـن تلوحـه
يالله يـا فـارج أمـورن صعيبـات=إفرج على جسمن جزت منه روحه
آآآمين[/poem]
منقول.. من منتدى شمر
