رحــلــة عــذابــي

رحــلــة عــذابــي

بحكي رحلة عذابي في دنيتي , اللي حرمتني فرحتني..
وخذتها مني بسمتي..

اللي غدرت , وما قد وفت.. خذت مني البصر!
عيشتني في قهر..

تحملت وسليت, صبرت ومع هذا ما اهتنيت..
سألتها ليه الألم؟ وتجاهلت! وزادتني بهموم وقست..
وحرمتني فرحتي.. وخذتها مني بسمتي..

وفي مرة ضحكت لي وما غدرت!
قلت أكيد أنها وفت!
دخلت في بحر حبها وحبيت! غرقت وتماديت.. فرحت بحبك يا أغلى بشر.. صرت أنت الفجر..
وغديت لعيوني النظر.. عطيتك فرحتي.. وخذتها بسمتي.. وملكتها دنيتي.. وعطيتني حبك.. سكنت بوسط قلبك..
ودعت أحزاني.. ودفنت أشجاني.. ونسيت كل هم بكاني..
ضميت حبك بقلبي.. وبعدت عن كل عذول.. وفي داخلي احساس قلبي يقول.. خايف من قسوة رحلتي!

وسألت .. معقولة تبقى فرحتي؟ وتزهى شفاتي ببسمتي؟ أو يا ترى .. بتخون ظني دنيتي؟! وتبعدك يا منيتي؟!
بس حبك عطاني أمل.. ملى عليَّ وحدتي.. جرى في دمي ومهجتي.. سكن في قلبي قبل فكري.. ملك وجداني وبددها أحزاني..

وفيت لك وأنت وفيت.. أخلصت لك ومثلي عطيت.. أرخصت لك دمعتي وأهديتك بسمتي..
شاركتك علتك وهونتها مصيبتك.. قربتني لفرحتك.. مثل ما كنت من فرحي قريب.. بعتها دنيتي لأجل تبقى لي حبيب

وفي لحظه.. لقيتك واقف ورى سور..!
كنت واقف وراه مجبور..!
حولك ورود ونور..!
وأنا أناديك.. أصرخ لاتبتعد..! ارجع أبيك! ما سمعت صوتي! وفضلته سكوتي..!

خذتك مني أقدار ونصيب.. بعدتني عن أغلى حبيب.. ضاع مني العمر.. واختفيت يا ضي الفجر..
وأنا أقداري رمتني.. في ظلام بحرها القاسي.. أدفن فيه احساسي! وأكتم فيه أنفاسي..

آه يا رحلتي.. غرقت, ومديت يدي وصرخت.. وبكل قسوة خذتني موجة دنيتي اللي حرمتني فرحتي.. واستكثرتها بسمتي! اللي غدرت وظنيتها وفت..! اللي خانت وما صدقت..!!

في غيبتك عمري أزف..! والنبض في قلبي وقف..! والدم في عروقي نشف..!
سالت مني دمعتي.. وحرقتني وجنتي.. كتمت بصدري شكوتي.. ذوبت قلبي بحسرتي..! وحطمتها مهجتي..!
رجعتني لغربتي.. ليه يا دنيتي؟!

طعنتك اليوم أقسى.. والجرح أكيد أقوى..! كان سكين في قلبي..! كانت الصدمة أقوى مني..!
صدمه تشبه.. موتي!
حرمتني حتى من سكوتي.. ! قلت الموت راحة .. يمكن ينسى فيه قلبي جراحه..

سهرت وعانيت.. تألمت وشكيت..
سألتها يا دنيتي ليه الألم؟ تجاهلت..! وزادتني بهموم وقست..!
تعذبت وشقيت.. صرخت وبكيت.. يا دنيتي كفى! جاوبتني بجفا..وخذتك مني يا منيتي..
ياليت أفقد سمعي وكلمتي..! وتبقى أنت بصحبتي..!
بس القدر أقوى من رغبتي.. شفت ما أقساها دنيتي..؟!

في صغري حرمتني ضي عيني..
وبعد سنين خذتك مني يا ضي قلبي.. وفجر عمري..
عيش بحياتك يا أغلى بشر.. بس أرجوك.. لاتنسى! قلب بعمره لك ضحى! مايوم خان.. وبصدقه عطاك الحنان..
وأنت بادلته الشعور.. لكن من طبعها الدنيا الغدر..!
خذت نور الفجر.. واختمتها بهجر.. وأنا أوعدك ما أخون.. ببقى أحبك على طول.. حتى وأنت بعيد! حبي لك .. يزيد!!
بس يا ترى مع غيري تبقى سعيد..؟! واذا في بعدي راحتك عيش يا حبي في دنيتك..!

بس أسألك بالله .. أبي منك وعد.. يا ضي قلبي اللي انفقد.. يوم فرقتنا دنيتي امسح بيدينك دمعتي..
لا تقسى مثلها دنيتي وارحم شعوري ولهفتي.. تحمل حرقة خفوقي وخاطري.. وانساها مني زلتي..
اذكرني بعد ما نفترق بالخير.. أدري تبيني وأبيك..! لكن .. ما هو بيديك..!!

والله يسمح دربك اللي مشيت.. أما أنا.. ! بواصل دروب العنى..! وبعدك ماراح يبقى لي عمر..!

كنت.. لعيوني النظر! وفي قلبي.. ضي الفجر..!
رحت مني بقهر..! خلاص بكمل رحلتي..! اللي فرضتها دنيتي.. يا ليتها ترحم حالتي..

هذي نهاية قصتي.. مع دنيتي اللي حرمتني فرحتي.. وخذتها مني بسمتي..
واستكثرتها ضحكتي اللي غدرت وماقد وفت.. وزادتني هموم وقست....!