وش كسبنا

ليلـةٍ شلتـا هبايبهـا iiصهـيـل
بمهمهية ذيبهـا سـاج iiوطنـبْ
ضيّقت بالي وانا بالـي iiطويـل
وصردتني دمع من عقب الطرب
مافطنت الا وانا عينـي iiتخيـل
مزنةٍ لبروقهـا قلبـي iiانجـذب
هلّت وصبّت وسالـت سلسبيـل
وارتوت منها الركايا iiوالْقِـربْ
وسحت كنّي شمري رويان هيل
قادع ٍ قبـل يترشفهـا iiرطـب
آه ياشعري وانا خطبـي iiجليـل
آه يامحـلا مـدادك لانكـتـب
آه يامشكـاي ياطـب iiالغلـيـل
آه يابعد السكوت ابـو iiالذهـب
آه انا محتار من ويـن السبيـل
أمشي لصنعـاء والنيـة iiحلـب
وش كسبنا غير نكران iiالجميـل
يادروبٍ مابهـا غيـر iiالتعـب
والله إنّي ماطلبـت iiالمستحيـل
ولارجيت الحنظلة تسكب iiقصب
ابتعد معذور ياضافـي iiالجديـل
ماعلى شرواك شرهات iiوعتـب
مايفيد الشوف لاضـاع iiالدليـل
وما يفيد العلـم لاضـاع iiالأدب
يا ضلوعي لاتجريـن iiالعويـل
وياجمر عيني ترفـق iiبالهـدب
ماهقيت الوقت يصفي به iiخليـل
والوفاء نبضه بداخلنـا iiنضـب
عن سراب الحلم عزّمت iiالرحيل
أنقل همومي على ظهرٍ iiحـدب
لكـن وربـي وربّـك يالنخيـل
ماثني الرجلين لو دربي iiلهـب
يا أموت بخنجر الهقـوة iiقتيـل
ياجْني بكفّـي عناقيـد iiالعنـب

---------------------------------------------------------------------------------
منقول-- النابغه الوايلي




________________________