شال شاله كايد الغيد والليل انجلا = وغردت خضر التباشير للبدر الجديد
غير بدرٍ بالسماء عاش بدرٍ بالملا = حكمة الرحمن والله يدبر مايريد
أشربي ياعين بعد الضماء كل الحلا =البعيد اول قرب والقريب اصبح بعيد
دمعتك ذلحين ماهي بدمعتك اولا = دمعة الفرحه ومافات جعله مايعيد
أفرحي باللي دنا منك واعطاك الولا = جادلٍ بين الغنادير اله وصفٍ فريد
يجتمع في خده الضد والضد زملا =عاش فيه الجمر وهاج في حضن الجليد
وبين رمش العين الاسفل وحاجبها العلا =يتصارع موج عاتي وبحارٍ عنيد
في نزال الموت والكل بالغيض امتلا = واقسم انه عن مواجه خصيمه مايحيد
معركه ماتحتمل لاسلام ولاهلا = في ملامحها حدود الشقي من السعيد
اهـ من صدرٍ بغض الثماري مبتلا= كل ماهزه عبث فز به طفل مريد
واه من حبات لولٍ حبيس الذبلا = شكلت صفين تشرب شهد بيت القصيد
أشهد ان الليله اللي حضر فيها شعلا =واشهد ان السالفه راح فيها أبن مزيد
