قصيدة للشاعر القطري المبدع ابن الذيب
[align=center]الفنجال له شرابه[/align]
ياهل النت الجديد اللي ماحن ندريبــــه @@@ دوّروا لي وايرن من نتكم باأقرابـــــــه
كل ماضاق المزاج أروح وأفتح ويبـه @@@ وادخل الإيميل واشوف آخر اللي جابـــه
وإن لقيت المعرفي هلابي ... أهليبــه @@@ وان زهقت اسكر الإيميل بالسبابــــــــه
مرحبا ترحيبة مابعدها ترحيبـــــــــــه @@@ وأنت شعرك ممتع وحنا نتغنابـــــــــــه
انتشابه فالفكر والما والتركيبـــــــــه @@@ والأسامي نفسها وشلون مانتشابــــــه
يمكن الانسان صوره عن بلده إبطيبـه @@@ وانت تعكس في عيوني من قصيدك لابه
بعضهم لاغاب تسأل:اش سبب هالغيبه @@@ وبعضهم لاغاب مايأثر عليك غيابــــــــه
وانته معذّب هجوسك ليش هالتعذيبــه @@@ رحمة الله عمّت أهل البحر وأهل الغابــه
الشعر عند الرجال مقدر وتحريبـــــــه @@@ كنه الفنجال والفنجال له شرابــــــــــــه
دايم مكه هي القبله وطيبه ...طيبـــــه @@@ مادخلني شك في شرع الولي وكتابـــه
كل شي اتقول ودك به أنا ودي بـــه @@@ لو تبيني أغزي امريكاّ على دبابــــــــه
قصيده لشاعر الكبير محمد ابن الذيب
