مروج مخدرات .. في مدرسة ثانوية !!

[align=center]




http://www.4img.com/ar/up/07/01/31/7...1dac6c2c75.gif


http://www.4img.com/ar/up/07/01/31/1...54063c07e2.gif


المشكلة عرضتها علي صديقتي ..

عندها أخوين في الثانوي واحد في ثالث والثاني في أول

اللي في ثالث بطبعه كتوم ومايحب يتكلم بس اللي في أول يخوووور كل شي ..

فمره جالس يسولف معاها عن المدرسة ..

المشكله ..

صديق أخوها الي في ثالث طايح بورطه ..

الولد كان أيام الموسط دااااشر وبايعها بقشر بصل ..وكل شي سواااه


والحين في الثانوي ما التزم بس عقل وصار يدور على مصلحته وترك الشلل والخرابيط ..

المصيبه انه يعرف مروج مخدرات في المدرسة ويهدده

طلب منه يروج معه ولا بيفتح كل الملفات و الفضايح القديمة .. وفوق هذا قاله انه بيحط الحبوب بين كتب الولد عشان يمسكونه متلبس ..!!

الولد ما يبي يتورط بقضية مثل الترويج ولا يبي أحد يعرف عن سوابقه اللي في المتوسط وبعد مايبي يكيدون له ويلبسون تهمه ..

و حيااااته فوووق تحت .. والمروج طالع له بكل مكان عشان يذكره ..

الولد اللي في أول مو عارف وش يسوي ؟؟؟
لأنه عادة في مدارس العيال ان الواحد لما يجي يبلغ عن أي مخالفه خصوصا إذا مخالفة كبيرة .. ياخذونهم اثنينهم ويعاقبونهم
اللي بلغ والمبلغ عنه ..

واللي في ثالث أتوقع انه من الشباب الي يبون يحلونها بدون لا يتدخل أحد .. ما أدري

***

أنا ما قدرت أرد .. والبنت قبلي ما عرفت كيف ترد على أخوها .. وأكيد ما يصير نقعد ساكتين


http://www.4img.com/ar/up/07/01/31/1...54063c07e2.gif



صراحة صعب علي الموضوع ..

فيه أحد يرضى لمسلم زيه الشي هذا ؟؟؟

فيه أحد ما تهمه مصلحة وطنه ولا مصلحة أبناء وطنه... وللدرجة هذي ؟؟؟؟

يضيع الشباب ويضيع البلد عااااادي إذا المسألة فيها الفلوس ؟؟؟؟؟

أتعاون وأحط يدي بيد من يبي الدمار لأرضي ويهون علي ؟؟؟؟؟

تخيلوا بس لو فيه واحد مثل المروج هذا في كل مدينة .. وش بيصير ؟!!

http://www.4img.com/ar/up/07/01/31/1...54063c07e2.gif


الله يحمينا ويحفظنا ممن أراد بنا أي سوء ..

اللي عنده رأي .. لا يبخل ويشور علينا [/align]

صاروا عصابة مافيا ماصاروا طلاب ثانوي هذولا

لكن ..

بكل صراحه .. سالفه مالها سنع .. ولاهي راضيه تدخل مخي

واحس انها مثل سوالف تريترا ..


وبعدين .. فيه واحد بالجبيل اعرفه .. شغال مصلح اجتماعي خلي اخو البنت بكلمه

الله يصلحنا ويصلح ابنائنا


لك الشكر اختي

لاحول ولاقوة الا بالله

ليه مايروح لشرطه ويبلغ...........او اي مركز مختص بهالسوالف

الله يستر


مع انه احس في السالفه شوي سينما

[align=center]امواج .. ما علمتينا هو والده متوفّي او على قيد الحياه ؟

اذا والده حيّ اقترح يصارح ابوه بكل شي .. واكيد راح يضع حدّ للتصرفات المروج ..

وأذا ابوه متوفّي .. اقترح يصارح احد من اقاربه اللي فيهم خير ومن اهل الدين واكيد راح يستر عليه

ويفكه من شر المروج ...الله يحمي شباب المسلمين من شرور مروجي المخدرات .. [/align]

السالفه سالفة إبتزاز والإبتزاز من المشاكل اللي تبيلها حل فوري وجذري.وإلا أستمر إلى مالانهايه .
وعلى الضحيه أن يلجأ لأحد أقاربه الموثوقين المتميزين بالحكمه إذا كان والده غير موجود وفورا بدون أي تأخير.

[align=center]أعتذر لتأخري في الرد بس لظروف الامتحانات

والله علمي علمكم .. وعلى قول نجم .. صاروا مافيا

ونقلتها لكم مثل ما وصلتني ..

إذا ما اقتنعتوا فيها .. ما تقدرون تقولون انها قضية مو موجودة و ان مافيه مروجين في المدارس ..

أنا ما أعرف عن الولد شي إلا هالكلام .. ولا أدري إذا حي أبوه أو لأ ..

--------------------

أنا أؤمن أن كل انسان لا يأخذ قناعاته واحساسه بكل قضية بنفس سهولة اقتناعه إذا جربها
فكر فقط ..

انت الآن قدام جهازك .. في أمن وأمان .. مرتاح نفسيا ..
متطمن على الأقل على أولادك وأهلك ..

ماذا يعني هذا ؟؟؟

يعني انك لو تكلمت وأرعدت وأبرقت في أي موضوع ماراح يكون بنفس إيمان وإحساس من عايشه

مثلا .. هل لما تتكلمون عن العراق أو فلسطين وانتم هنا نفس احساس العراقي والفلسطيني لما يتكلمون ..

ما عندك أخ أو ولد عنده نفس المشكلة السابقة .. سهل عليك تقول مو صحيح ..

حتى أنا عدم اقتناعي بالمشكلة نوعا ما يمكن خلاني أكتبها بالصورة هذي .. وأي كلام .. لمجرد أني تعاطفت مع الولد

وما صدقت ان فيه ناس من نوعية معينة يؤزهم الشيطان أزاً ..


----------------------

نجم

ليث

هديل

flower

برستيج

الشريهي


شكرا لتشريفكم الموضوع.. [/align]

[align=center]والله ما ادري كيف طريقه تفكيرك

يعني لازم اكون مكان الولد على شان اقتنع بوجود المشكله ؟!

يا امواج انتي كتبتي القصه .. وطلبتي حلول

بعض الأعضاء سخر من الموضوع وبعض الاعضاء أقترح عليك حلول منطقيه ..

انا سويت اللي علّى وعطيتك بعض الحلول اللي ارى انها مناسبه وابعاد المشكله ..

شكرا ..[/align]

يؤؤؤؤؤؤؤؤ ..

أنا ما قلت انت .. ولا بقول أحد .. وعادي ما صار شي ..

بس اللي ذكرته حقيقة - على الأقل بالنسبة لي -

كلنا نؤمن بقضايانا ..

وبنفس الوقت نختلف عليها ..

وميرسي خالص لمرورك ..

الله يكفينا شرهم

بسم الله الرحمن الرحيم السلام عليكم ورحمه الله وبركاتة

اختي الكريمه امواج الشرقيه في البدايه ترددت كثيرافي الردولاكن شدني للرد طريقه طرحك للقصه ومدى تاثرك فيها وانك تعين ماتكتبين بدليل انك استشهدتي بما يحدث في العراق وفلسطين في احد ردودك على احد اخواني ولا اود ان اطيل عليك وارجع للموضوع لكي لا يساء الظن وكلي اسف للاطاله في الرد ولاكن لاسباب الا وهي بانك لا تستطيع ان تحكم على شخص او على موضوع في حكم او رد اللا وان تكون مطلع على كل التفاصيل فهناك مقوله شهيره لعمر بن عبدالعزيز يقول فيها اذا اتاك رجل وعينه معلقه فانتظر خصمه حتى ياتي يمكن عيناه الثنتين معلقه فمن هذه المقوله نستنتج العداله وهذاليس بموضوعنا وكذالك نستنتج انك لاتستطيع ان تحكم على شخص او على شئ اللابعد الاطلاع التام ومعرفه كل التفاصيل التي تدور حول الموضوع نرجع للقصه التي ذكرتها صديقتك اختي امواج نحن لانعرف صديقتك ولانعرف شئ عنها ولااقول اللا الله يحفظها ولااشكك فيها ولاكن من باب احذر تسلم ممكن ان القصه التي ذكرت لاوجود لها ولاكن ممكن من ورى القصه هاذي هدف مثلا استغلال طيبه قلبك وتاثرك بالموضوع ويجي بعدها كلمي فلان اوسلطان لكي تخففي عنه اوتساعديه فانت ذكيه ولبقه وعندك اسلوب ومن هالكلام المعسول لانه ياامواج كثير بنات راحوا ضحايا افلام مثل هذه الحكايات هذه نقطه اما النقطه الثانيه اعجبتني ردود بعض اخواني مع انها عفويه وبدائيه مثل تريترا لاكنها جميله بما تحمله من برائه واتمنى ان لايساء فهمي من اخواني واكن لهم كل التقدير والاحترام مع ان لكل فعل ردة فعل كما ان لكل شئ ثمن حتى الصراحه لهاثمن وعلى قولة اخوانا السوريين على راسي اخواني اما بالنسبه للقصه اذا كانت فعلا حصلت فانها تعتبر بمثابة نكته للضروف بعض الناس وانا لااعني بان نضحك على القصه اوعدم احساس بهذاالشخص ولاكن هناك حلول كثيره باستطعته ان يفعلها مثلا ان يخبر ولي امره اوولي امر الطرف الثاني او يخبرالمرشدالطلابي والحلول كثيره انا اقصدكم وكم وكم واه واه واه من ضروف بعض الناس ابعدنا وحمانا وحماكم الله عنها من قصر وايتام ومن فقراء ومن نساء مستضعفات لاحول لهن ولاقوه يبعن اعراضهن للحاجه ولجنون هذا العالم المجنون واحب ان احذرك امواج واحذر جميع بنات حوا بان طيبه القلب الزائده تسع وتسعون بالمئه تؤدي بصاحبها للضياع وبالذات بحكم انك امراه فغلطتك ليست بعشره بل بمليون وفي الختام اقول لكم باني لااتكلم من فراغ او كتاب او مجلة بل اتكلم من اشياء ان شاء الله ماتطلون عليها لراحه قلوبك وعقولكم ولاكن لااقول اللاقدر الله وماشاء فعل وايضا ولله في خلقه شؤؤن

لاتيقضين الجرح ياسود الايام خليني احياغربتي ولتياعي مثل العمى يحلى له الكون لانام ولامن صحى يلقى الحقيقه ضياعي اخوك ! حلم العمى !