أيـــامـ التســدحـ قدامـ القناة الأولــى ...

[align=center][align=center]شبااااب وبنااات منتدى رفحــاء ....بعد السلاام والتحية ...


اليوم موضوعنا فيه نوع من استرجااع اياام الطفولة البريـئة >> لا حيييل بريئة هههههههه


المهم بدي من كل عضو أنه يذكر احسن فلم كرتوني شاافه في اياام الطفولــة..مع التعليق عليه


وأيضا ً ابيخ فلم كرتوني تحسف انه شاافه في مرحلة الطفولــة .. >>حلوة ابيخ ههههههه


بالعربي ابيك تقولي عن اياام التسدح قداام القنااة الاولــى ,, من أول ما تقعد الفجر ,, وتفتح التلفزيوون ,, وتلقى الشااشة توشوش ,, ثمن يبدأ السلاام الملكي ,, وخوذواا من صيحاات وترديد معاااه , ثم تلااوة للشيخ الحذيفي ومعاااه إلين نختم مع بعض
بقولة " صدق الله العظيم "

واذا بدت افلام الكرتووون أرووح فيها ,,وافتح هالخشه وما اسكرها
الا اذا قطعوا علي الفيلم وقالووووا موجز لاهم الانباء يرفعون ضغطي ,, هذا موجزهم يطول وشلون اخبارهم الساعة 12 >هههههههه


يالله نبدأ بأحسن وأفضل فلم شفتوه عبر مسيرتكم المبااركة أياام الطفولة ,, وأسوأ فلم شفته كذلك ..



وعلشااان احمسكم واجسركم رااح ابدأ أول وااحد ...

أولا ً / احسن فلم شفتــه هو :


** جزيرة الكنز **

""خمسة عشر رجلا ماتوا من اجل صندووووق""
الله على أيامك يا جون سيلفر يا قرصان البحار السبعة ..



**الكابتن ماجد**
مدري وشلون يتشقلب في الهوا كم دقيقه وبعدها يسدد الهدف
ويطيح عالارض ومايجيه شي ماشاء الله<<== ماشاء الله مصدق هههههههه
والا حركة التوأم منير وأنور
ولا آآآه معذب قلوب البنات بــسـّـام ,, حلني وهو مطلع كتفه تقول دااخله مصاارعة مو كرة قدم ,,ههههههههه



**عدنان ولينا **

عدنان من اول حلقه ماغير لبسه شين ووصخ
واخر حلقه تكشخ وجااااااااااب العيد
والا صديقه عبسي أبو شوشه حمرا هذا عاد عاااالم ثااااني
أنا بصراحه أقدّر شخصيته خصوصا لاقام يحفر بخشمه
وعلام الشرير ياكرهي له هو وجهه المربع


ثانيا ً / أما أسوأ فم كرتوني رفع ضغطي فهو :

**بشار (نحول)**

هذا اللي جابلي الضغط وانا صغير
وجـــع 10000 حلقه وهو يدووووور امه
المشكلة على كبر عيونه امه تمر من جنبه ومايشوفها
وانا عاد من زود التحمس اصااااااارخ
واقوله: امـــك يا الغبي التــفــت
وهو مسّوي لي سنع وفازعن لي مع هالصراصير والدبابير ...


**هايدي **

وليييييييييييييييييييييييييي
هايدي اللي تحب الخرفا111ن >> بس هالنقطة أنا ويااهاا نتفق عليهااا ههههههههههه
يا هي ترفع ضغطي هي وبيتر وكلير <<== المشلوله ابشركم مشت
وجدها الشديد <<== والله يا عليه صوت يخرررررع مرررررره
ولا تهون جدة بيتر العجوز المنتهيه والعنزه وايتي ..
ولا بيتر اللي تقل طلي مضيع ولااااايفه ,, بااااايه ما يدري وش السالفة >>لا انت اللي تدري ههههههه


يالله هذا أنا حمستكم يالله نبي تفاااعل ,, مالكم عذر كلكم مريتوووا بمرحلة الطفولة يالله سمعوناا [/align]..[/align]

مرحبا يالمدلل:

ابي ابدأ بأسوأ فلم شفته ومتندمه قد شعر راسي على شوفته:

1-سالي ............يلعن ابو الحزن كله مأسي بس اخر حلقه

والله اذكر اني كنت ابكي ببعض حلقات من الظلم على سالي

يوم كبرت اقول وش اللي حادني عليه؟؟؟والمفروض اهلنا مايخلونا نشوف هالبلاوي ........((ردمتعقده))

2-ثاني اسوأ فلم...........الكابتن ماجد ..........مسلسل كرتوني غبي حلقه كامله على هدف واحد احسه مضيعه للوقت

بس كنت اشوفه عشان ياسين خوي الكابتن ماجد ......(((مطيحه معه كان فارس احلامي في يوم من الايام))

3_الرجل الحديدي ...........ووووووعععع يحوم الكبد




الافلام اللي احبها ..........هايدي

يوم تركب فوق الغيمه وانا مصدقه

فلونا ...........ابداع ودي اشوفها الحين لو تحصل



موضوعك رائع ..............ونستنا الله يونسك

[align=center]
أحسن فلم عدنان ولينة
جزيرة الكنز ( عندي فيديو بالمستودع لهن كم سنه ههههههه ) وتجد فيها حان الآن موعد أذان صلاة حسب التوقيت المحلي ...
فلونه تعجبني طريقة والدها في حل المشكلات والصراع من أجل البقاء وهذا هدف جيد

الأفلام التي لا تعجبني
سنان
[/align]

[align=center]هههههههههههههههههههههههههههههههههههههههههههههههههه هههههههههههههههههههههههههههه


**الكابتن ماجد**
مدري وشلون يتشقلب في الهوا كم دقيقه وبعدها يسدد الهدف
ويطيح عالارض ومايجيه شي ماشاء الله<<== ماشاء الله مصدق هههههههه
والا حركة التوأم منير وأنور
ولا آآآه معذب قلوب البنات بــسـّـام ,, حلني وهو مطلع كتفه تقول دااخله مصاارعة مو كرة قدم ,,ههههههههه


اعجبني موضوع منير وانور

بس ماقاهرني الا انك تقعد تنتضر هجمت الكبتن ماجد ثلاث حلقات وماوصل القول


ولا كبتن بسام يجك هاجم بالكوره يجونه الدفاع ويطيرهم ومصدقين

ورميت اكيلا ياحسافة الحماس بس هههههههههههههههههههههه


بس ايام حلوه طبعن هذا اجمل شي شفته هو الكبتن ماجد

رامي الصياد الصغير انسجم معه

وكبتن رابح


سلفر خمسة عشر رجلا ماتو من اجل صندوق


هايدي حلو


عدنا ولينا على كيفك



اما سالي ياليل الليل تابعته بس مالي خلق علية هي ودمعتة وعيونه اللي على الهزاز


تروح يمين وشمال يابكت



اما اذا سرت منسجم ومتوسدين مخده ومتحاشرين عليها واحد يدف الثاني


كل(ن) يقول يمااااااااااااااااااااا انا جبت المخده ومتسدحين ورجولنا على الطاوله


عباراة الأم ياملا السلال يملا الماحي ياملا الغاضور انواع الشتايم لجيتونا والله لحمي الملعقة

واتسويكم اذا ماسكتو


وذا صرت منسجم وجاك ابوك وقال نزل الاغراض من السيارة وقلت يبه اصبر لاما ينتهي


على طول قم ياملا الماحي قم نزل الاغراض وتروح وتنزل الأغراض وتجي زعلان وتناظر لأبوك


بطرف عين يعني شفني زعلان وذا قال وش فيك ياوليدي على طول بكيت


ويجيك يترضاك ويبوسك وياخذك للسوبر ماركت المنديل بمحلهم القديم اللي اللحين

محل جوالات ويشريلك كيك امريكانا ابو رالين اوووووف وين راسك وعصير وكرتون


بفك ابو ربع والله عدك ملكت الكون الله يازمان اول قصه صارت علي واحنا نتابع سالي


يعل ماسالي كنا متسدحين انا واخواني حاطين مخده ورجولنا على طاولة التلفزيون

وانتابع جا ابوي قال نزلو المقاضي انا ابي امشي بسرعة رحنا ركض ونزلنا المقاضي


وراح ابوي مافيه الا احنا اربعه وصغار اكبرهم انا كان عمري وقتها تسع سنوات

المقاضي كانت فواكه منها رمان جاب اخوي الصغير عمره اربع سنين رمانه

وقعد يعرشها وبعدين ظرب فيها الجدار وضربت فوق افياش الكهرب اللي شابك

فيها التلفزيون ونزلة مويت الرمان على الفيش واللتمس التلفزيون وقامو يايحون اخواني

وانا اكبرهم التلفزيون قريب من الباب والشرار يتطاير منه ويتطاير على الباب انحشرنا في

زاويت الغرفة يوم شفت انه يدخن وريحت الشواط فاحت خفة والشرار وانا احظنهم كلهم

وامشيهم وملقي ضهري للتلفزيون وطلعتهم وهربنا لبيت خوالي اللي قريب منا تقريبا مئتان متر


وحنا بنص الطريق شفت ابوي وجيته اركض وسرت قدامه واشرتله وهو فالسياره قلت يبه احترق التفزيون

قال خليته قلت ايه خفت منه قلت بلشت فيهم وطلعتهم وهجيت وراح ابوي مسرع بالسياره ورحنا مشي

وراه ويجناه الا والتلفزيون بالحمام ابوي مشغل علي اللي ويرشه يقول لقيته مواع التلفزيون وشال السلك

شال التلفزيون وراح يركض فيه بيطفية من بعدها امي ماتخلينا لحالنا بالبيت ودمتم انشاله ماكون طولته بس


هههههههههههههه الله يذكرك بالشهاده ياابن روما ذكرتني باجمل لحضات حياتي في هذا الأحساس


تذكرت قصيدة فيصل اليامي وبكتبها

ياليت ان الزمان يرجع ورى واليالي تدور .........ويرجع وقتنا الأول وننعم في بساطتنا

زمان اول احس انه زمان فيه صدق شعور............نحب ونخلص النيه وتجمعنا محبتنا


زمن مافيه لاغيبه ولا حتى نفاق وزور ..............ياليته بس يرجع ونسترجع طفولتنا


صغار وقلوبنا بيضاء ونعيش بعالم محظور.......ولا نعرف ابد اغراب ماغير عيال حارتنا


صجيج صغار بالتفكير لكن ماعلينا قصور........نخطط نكسر اللعبه وتسعدنا شقاوتنا


نروح المدرسه بدري ونضحك داخل الطابور...... نحاول نزعج العالم بروحتنا وجيتنا


وعشان نأخر الحصه نخبي علبت الطبشور....... نشاغب بس بالأخر تميزنا برائتنا


نحب الضحك والهيصه نحب انط فوق السور .... نفرفش ليه منفرفش مدام الضحك عادتنا


ولاكن دارت الأيام وبان الخافي المستور ........ وصار الهم متعلي على قمت سعادتنا


كبرنا وصارت الدنيا تصف احزاننا بالدور........ وتهدينا الألم والهم غصب عن عين رغبتنا


تعبنا من بلاوينا احد ضايق واحد مقهور..............وكلن غارق بهمه وفي الأخر تشتتنا


وانا ماقول غير الا ياليت الزمان يدور ...............ويرجع للورا فتره ونعدل وضع عيشتنا


انا الضاهر هليت طبلوني بس والله تفاعلت مع موضوعك ياابن روما المدلل ههههههههه


ودمت بعز اخوك همس شاعر[/align]

[align=center]ههههههههههههههههههههه


الرسوم اللي كنت احبها وابكي اذا شفتها ..(سالي)..و..(مخلص صديق الحيوان)

والرسوم اللي احبها بدون بكاء ههههه (ماوكلي) ..و.. (نيلز) بس الخلقة الاخيره من نليز لي صياح في البيت

والرسوم اللي عقدتني (النعامه والثلعب) زرعوا اليائس فينا هههههههه

وابيخ رسوم على قول ابن روما ههه (الاغزام السبع)

وصح لسانك خيووو همس شاعر .. وماتشوف شر ان شاء الله لوووول

ويعطيك العافيه خيوو ابن روما[/align]

هلا ولله بهديل ,و يالله حيــه ....


تقولين أسوأفلم شفتيه سالي , ولله نفس الشعور ...

جابوا لي الكآآآبة وأنا على صغري ,, خلوني متشائم بالدنياا


من أول الحلقة لآآآآخرهااا بكااء في بكااء .. وكانت تقهرني سالي

إذا هوشتها الانسة المتوحشة آآنسة منشن كانت تكرف سالي وهي

ساكته ومنطمة ..



وبعدين تعاالي وشوا أحسن فلم عندك فلووناا ,, فلونه جابتلي المرض هي وحلقااتهاا

اللي ما تخلص ,, لمني شفت في الشرقااوي بمسلسل العولمة ,, ما قول هذي في ,, بقول

هذي فلوووونااا " لانها هي اللي كانت تقوم بدور فلونااا في الفلم الكرتوني ..ههههههههه



هديل على طاااااري الرجل الحديدي ,, وش راايك بزوروsmug ,, وأنتم يالاعضاااء وش رايكم بزورو ..

اسمع رايكم وبعدين أقول رااايي فيــه ..



يسلمووو هديل على هالموروث الطفولي اللي نثرتيه لنــا ...



دمت بـود ...

جميل جدا موضوعك

<<<<<بس الاخت كبيره من يومها صغيره حتى اذا تنزلت للرسوم اشوفه كم حلقه واهج
<<<<<<<<متابعه غير جيده

بس شفت سالي ومثل ماقلتوا كله كسرة خاطر لذالك ياليت ماشفتها والكابتن ماجد فعلا يعني يضلون سنه علبال مايوصل الهدف

وشفت فلم كرتوني مدري فلونه ولا مدري شسمه اللي تتخيل اختها بدون وجه هذا مسبب لي قلق ومتعقده منه خوفني

وشفت نوعا ما جزيرة الكنز ومعجبني صوت سلفر مع عيونه

ليدي حليو

ونفسي اشوف سوسن

لكن واقعا ............ما اذكر نفسي متولعه فيهم او كله مترززه قدام التلفعيووووون


هذا ودمت بخير

ههههههههه


ابن روما ماخليت لنا شي


مابعد سلفر شي




بشااار كان له تأثير بحياتي >>>واحد حزين

هلا ولله بمشرفنا العزيز هماام ..


تقول عندك سلفر ,, ممكن تسلفن ياااوه لمده يوم بس ابي اشووف

حان وقت صلااة حسب التوقيت المحلي من جد مشتااق لها العباارة ..ههههههههههههه



يسلموو على المرور ...



دمت بـود ...

الحمدلله
ههههههههههههههههاي انا صغير عنهن طلعت على Mbc والمصريه !!!!

هلا ولله بخووي همس شاااعر ..

أولا الحمد لله على سلاامتك وسلااامت اخواانك >> تووك بدري كاان منتظر شوي هههههه

وبنسبة للحمااس كلنا كناا متمسين مرررة ,, بس بالاخير اكتشفت ان هارسووم تعلمك الصبر وضبط النفس خصووصا ً لمن بغى الكابتن مااجد يسدد كورته اللي ما تااصل القوول إلا بعد خمس حلقاات ..وخلال هالحلقاات يعرضوون قصة حيااته على ما باال تااصل الكورة الهدف >>ههههههههههههه


يسلمووو اخووس همس على هالابيااات الحلوووهـ من شاااعر كبير مثل فيصل اليااامي ,, من جد هالشااعر مبدع ياارب يفوووز بشااعر المليووون ,, من جد يستااهل وما هو قصوور بالموجودين ...


الف شكر لك اخووي همس ,, وللله انك ذكرتن بسوالف لو اكتب من هنااا لبكررررى ولله ما راااح تخلص ...