اليكم هذه القصيده الغزليه والتي جعلت فيها لكل حرف من حروف الهجاء بيتا يتغزل به
الــف امـيـرة ذوق بابـسـط مـعـانـي
يلقـا بهـا شـعـري قوافـيـه وبـحـور
والـبــا بـهــاءٍ مكتسـيـهـا غـشـانـي
يجعل فؤادي بين الاحـزان مسـرور
والـتــا تـهـانـي للـتـهـانـي تـهـانــي
كـن السعـاده مالقـت غيرهـا قصـور
والـثـا ثغـرهـا خلـفـه احـلـى ثمـانـي
كنـه ســواره وسطـهـا عـقـد بـلـور
والـجـيـم جـفــنٍ لاتسـلـهـم ثـوانــي
كـنـه ظــلامٍ منبـعـث داخـلــه نـــور
والحا حياهـا ماعطـي شخـص ثانـي
ماهـي كماللـي تلعـب الـدور والـدور
والـخــا خـجـولـه لاتـغــزل لـسـانـي
تذهل قصيدي والمشاعر على الفور
والــــدا دلالٍ لاأمـــــر او نـهــانــي
امشـي بطوعـه كننـي فيـه مسحـور
والـــذا ذكــاهــا بالـمـحـبـه يـبـانــي
لاجيت اناجـي دمعتـي تبـدي الشـور
والــرا رقـيـقـه لاحـكــت بـالأمـانـي
في جوف ليلٍ سامرينه علـى حبـور
والـــزاي زولٍ لاتمـخـطـر وجـانــي
اذكـر مهابـة قـاضـيٍ يحـكـم انـحـور
والسيـن سـاهـي رمشـهـا لادعـانـي
ينزل سـلام ويرتفـع يطلـب حضـور
والشـيـن شـعــرٍ لاتـســدل هـوانــي
كنه ظـلام ضـاع لـي وسطـه شعـور
والـصـاد صــوتٍ ماتكـلـف حـنـانـي
ربي عطاه الحسن كامل بـلا قصـور
والضاد ضامـر خصرهـا هـو بلانـي
كالمزهريـه وسطهـا حيـك مضـمـور
والطـاء طهـرٍ عاشتـه مــن زمـانـي
ماعلموهـا الوالديـن احـرف الــزور
والـظــا ظـرافــة حكـيـهـا مايـعـانـي
تنميـق حكـيٍ بالقوامـيـس مسـطـور
والعـيـن عـيـنٍ مـثــل در الجـمـانـي
مكنونـةٍ بالقـاع مـن دونهـا ابـحـور
والغيـن غصـن البـان منهـا شكانـي
مـن بعدهـا بيـن الغـزل مالـه اذكـور
والـفــا فــــؤادٍ مـاتـمــرد وخــانــي
يعـرف بأنـي عاشقـه عــدة ادهــور
والقـاف قـطـره بالمحـاجـر سكـانـي
تذهـل عيونـي دمعـةٍ مالـهـا ظـهـور
والـكــاف كـــفٍ لالمـسـتـه دفــانــي
دفء المشالح بالعقارب تجي (مور)
والــلام لــون الـخــد وردٍ عـطـانـي
ياكـيـف امـيـز خــدٍ ابّـاقــة زهـــور
والـمـيـم مـبـسـم لاتـكـلــم خــذانــي
يـم القصايـد مبـحـرٍ مـركـب عـبـور
والـنـون نـبـره تشتهيـهـا الاذانـــي
كـل القصايـد لاحكـت تمسـك الــدور
والـهـا هـديـه مــن رفـيـع المكـانـي
انا احمد اللـي حطهـا داخلـي سـرور
والـــواو وافـــر حـبـهـا لاحــوانــي
كالغيـث يسقـي مجدبـاتٍ بهـا ادبـور
والـيــا يـمـيـنٍ لالمـسـنـي هــذانــي
شاعـر قصيـده ينتهـي نظـم ونـثـور
