الافتخار بالاجداد

بسم الله الرحمن الرحيم
في وقتنا الحالي كلمن يفتخر بسمه ويفتتخر بهله وقبيلته انا افتخر بسمي وبقبيلتي وفتخر بجدي الشيخ عقاب العجل
ابي اروي عليكم معركه حدثت بين شمر وبومتيوت في العراق سنة 1946
وكانت بقيادة الشيخ عقاب ابن عجل اخوهيا وبفضل الله انتصروا شمر مع العلم ان البومتيوت مدعومه من الحكومه وذالك يدل على شجاعة شمر
وهناك ثلاث قصائد على هذه المعركه
اول قصيده للشاعر محمد الحمادي الجعفري الشمري يقول فيها

يالله اني طالبك وانت الرجيبه نستعينك بالفرج للمقبلاتي
الخنيسي قبلنا كلن يهيبه مايطبه واحدن يبي الحياتي
طبو اللي كل ابوهم من صليبه فعل اهلهم من بالسنين الماضياتي
طبو الصفران مع مجنب شعيبه واليمن يبرالهم هرجن ثباتي
والخليبص مايحملون الغليبه وردوهن فوق حيلن مكرماتي
والهيافا جمعهن كلمن دريبه ماتثنوا عن جموع موقفاتي
ذيب ياللي بالخلانوحي طنيبه العشاء بخنيس وعيون البناتي
كم صبين طافحن مغويه طيبه مايحسب للمنايا والحياتي
ليتكن يالبيض في راس الجذيبه تنظرن بعيوكن هوش العصاتي
ذابحين تسع ميه مع صويبه يبحل الدكتور من كثر الدواتي
والفخر لعقاب زيزوم الحريبه عند شمر يعترف مثل الزناتي





وهاذي القصيده الثانيه لشاعر بطيحان الحنيان
يقول فيها




الخنيسي صاربه تقل صهار مثل سرناج الهوا لج ياكافي
مايفيدن المتاريس وجحاره خالطوهم بلقا كل مزهافي
جوك شمر تنتخي كنه اسعاره دايرين اقضا وخذو حقهم وافي
يوم مطر اللوز ابن يلتهب ناره ماهابو يوم الفشق كنها سنافي
مثل ابو طريبيش بالعمر ماصار كم صبين طاح والخيل زلافي
نسل جار الله على الكود صباره ايسوهن يوم الانذال وقافي
كنهم عقبان تعجبك بطياره عشهم نايف على راس ميهافي
وابونواف انتخا فوق سياره مثل حرن ماكره راس مشرافي
قال غيرو عن الاله تدباره يعترف قدم الغلامين مزهافي
وابو عافت بيرقه كنه الشاره كل من شافه غدا يرجف ارجافي
جاب زهيد الطنايامن اشواره من وقع بنواحهم ضاع مانشافي
جمع الاصفر درعموهم وسنجاره مافكرهم للهداريس واطرافي
اذبحوهم وامرجوهم بابو الشاره ركضتن تالقا بها الخلج عطافي
اذبحوهم واخرجوهم عن ادياره مابقت غير العرازيل وقافي
نعم بالعصلان للعظم كساره شمعت المضهور لاجت بسلافي
هم عامود البيت لاصار ماصار خيلهم عند اللوازيم تنشافي
والسيافا والصوايح لهم داره كل ماجو قريتن ضوها طافي
انتخو صبحي بعد مابها كاره من سبايبهم وقع كل قريافي
والمثلث من قديمن بهم شاره فرحت المضلوم لاجوه مايخافي
زبن راعي الهلب لاقصرن اشباره خيلهم عرجن ورا الهلب صفافي
لو ماجتنا مسلحات وغمنداره يسحبونه لين سنجار وقافي
اسئل الشيبان والعجز وصغاره من خبر هذه ومثلها مايشافي

والنعم والله بجدك وبشمر كلهم

وصح لسانك

والنعم بجدك لاهو قصور بالباقي

هديل صح بدنك

عجائب رفحاء ماعليك زود يالغالي ويعطيك العافيه

ونعم بالاجواد جميعاً

تسلم اخوي رائد... ولاهنت

والنعم والله بالعجل

وكل بطون شمر اللي ذكرت واللي ماذكرت بالقصيدتين

لكن اخوي نبي بعض التوضيح للاسماء اللي ذكرت مثل

ابو نواف وابو عافت زبن ؟

ايضا ..الصفران ؟ الخليبص <<من الجدي؟؟؟
السيافا والعصلا ن والصوايح ؟

[align=center]ونعم والله فيك وفي جدك الشيخ / عقاب

ولك حق تفتخر[/align]