قصيدةالشاعر /يوسف رزاق العصيمي في الحلقه الاخير من شاعر المليون
يافكري المشغول للشعر ميعاد
خلك معي ساعات والوقت محدود
انا هنا بين على روس الاشهاد
موجود في الصوره ولاني بموجود
تسري بي الافكار واغيب وانقاد
ورحل عن الواقع ولا ودي اعود
هنا كسبت اعجاب احبه وحساد
وهناك لي موطن وتاريخ وحدود
ماني بناسي صبح بغداد الامجاد
اللي حجب شمسه من الظلم بارود
اربع سنين وحزن بغداد يزداد
ساعاتها والناس وايامها سود
وان كان بتاريخ صوره لبغداد
هذي شورعها عصابات وجنود
فيها العباد اجساد وثيابها الحاد
والموت بالمرصاد والرزق للدود
في مشهد ما يوم ماهو بينعاد
وماساتها من زود في زود في زود
الموت لو يرضي بشاعات الاحقاد
اهواله اهوالٍ تخلي الولد عود
ياخادم البيتين يا ذخر الاسياد
ياالي برايك صامل الراي معقود
ياالحازم العادل ويا الصرم الحاد
يامزبن المضهود يالشامخ الطود
سيرة امجاد قديمات وجداد
يفوح منها زاكي المسك والعود
ولك حكمة ترجم شياطين الاضداد
ولك هيبة يخضع لها كل نمرود
واليا ادلهم الخطب والعزم به باد
لك وقفه يفرح بها كل مضهود
تشفي غليل اكباد وتفتت اكباد
ويحيا بها الحق الذي كان موؤد
ياسيف الامهكان للحق ميلاد
ان ما انولد من سيف ماهو بمولود
قدامك المنظر ثلاثي البعاد
مكشوف للعالم ولا هو بمجحود
على يدك توحيد صف امة الضاد
وانت الأمل لاقالوا الصبر محمود
ياقادة الأمه نبي منكم انجاد
ضاعف علينا وقتنا اغلال وقيود
شعبٍ يعيش الغبن ويذل ويـباد
فقير ومشرد ولاجي ومفقود
تنخاكم اهات الثكالى بالاصفاد
وطريق مجد بلملنات مسدود
تنخاكم الأمال واحفاد الاجداد
اللي لها معكم موجيب وعهود
