قال لي القروي .... (ممنوع دخول القروي)
[align=center]
الأخوة الذين يبحثون عن الفائدة العلمية لن يجدوها واحب ان ارشدهم بأن الباب اول الصفحة يسار ...
مشرفنا القروي هاليومين متنرفز مدري وش عنده ؟!!
يمكن ابلشن به حريمه ...
المهم ابي اعلمك بسالفة بس لا يدري ...
مثل ما تعرفون انا مرح واجتماعي ...
كنت جالس مع اثنين من خوياي الخاصين ...
دخل علينا واحد ابن حلال ...
ما اذكر بالضبط وش كنا نسولف ...
المهم ابن الحلال قال لي القروي (يعني اني قروي والقصد تهزيء) ...
مع ان الكلمة عادية وما اتحسس منه لكن مسكت معي اشرشحه خاصة وان ابن حلال (خبيل) ...
قلت : وش قلت ؟!!
قال: القروي ...
قلت : من تقصد ؟!!
قال بنوع من الارتباك ومسوي نفسه واثق: انت ...
هو قاله او ما قاله واستلمه ...
قلت
احترم نفسك
انت من انت تقول ؟!!
انت شايف نفسك
خوياي استغربوا نرفزتي وساكتين يراقبون ...
الرجال حس بالاحراج وبعد ما طولته عليه راح الاحراج وقال : انت ولد مدينة ؟!!
قلت : لا
قال: اجل انت قروي ... ليش زعلان ؟!!
قلت : ماني قروي
قال: اجل وش انت ؟!!
قلت: بدوي
وكرّوه ضحكة خوياي والرجال باه مرة يبحر بهم وهم يضحكون ومرة يبحر بي وانا ساكت ...
[/align]
