غربة وتر تبكي سنا نور فجــــــــــري
نغمه حزينه تشتكي ضيم الأيـــــــام
تعزف لحنها من تناهيد صـــــــــدري
يصدح صداها صرخةٍ كلهــــــــــا ألآم
وأشعلت حرفي تالي الليل يســري
يضوي بها عتمة قناديل الأعــــــــوام
فيني جروحٍ تشقي الــــــروح وأدري
أن المحبه ما بها غير الأحــــــــــلام
تعبت أناظر دمعة الشوق تجـــــــري
يبقى أثرها من على خدي وســــام
وتعبت أعاني زايد الهم بـــــــــــدري
أطرد سرابك وأتبع الطيف قـــــــــدام
وأستعذبك هاجس تنامي بفــــكري
فيه ألتقي بك وأشغل الفكر مانــــام
رهنت عمري لك لاشك وأمـــــــــري
تراه بيدك يابعد كل مـــــــــــــــن لام
** قصيده مختاره لكم ***
