السلام عليكم ورحمة الله وبركاته
وش أخباركم يانور الوجود
بدون أي مقدمات أنا أكتب شعر بس أنحرج اقوله للناس وما ادري اذا انا اعرف اكتب ولا لا
ابيكم تردون علي بدون اي مجاملات
وانا لو ماني هاقي خير فيكم كان ماسجلت بالمنتدى
بس اتمنى الصحيح لو ما اعرف قولوها بوجهي عادي
هذي القصيده بعنوان كيف وصلتي لقلبي
أول طريق قلبي صعب ومستحيل الوصول × كيف وصلتي لقلبي بكل هالسهوله
ملـكتي القـلب وراعـيه بالعـرض والطـول × بنيت لك بالقلب عرش وبالروح دوله
ياكامل الزين أنت يامجنن عقول × ترا جنونك خذا براسي لفه وجوله
شفتك ومن ذيك الشوفه وانا مذهول × ليتني جاهل واعيش سن الطفوله
لاحب لاغرام لا اقولك ولا تقول × ولا تشتاقلي ولا اشتاقلك ووله
لو عذبتك معي حق وماني مسؤول × وانتي لو فكرتي بعذابي صرتي مسؤوله
السيف مايطعن وهو ماهو مسلول × والحب لو نصونه تسهل لنا حلوله
حبك بقلبي يكبر ويزيد حولٍ ورا حول × وكل ما ابطى بقلبي زاد يمك ميوله
وهذي قصيده بعنوان يكفي عذاب
دامك تحبني بقولك يكفي عذاب × لو تعذب عذابي تحس نفسك تخونك
لو أوصف لك عذابي تقول كذاب × وتقول اذا كذا كل البشر يحبونك
اتمنى ان حبي ما يروح مثل السراب × وترجعي لي وتمسحين كل طعونك
لا تخليني ادعي ليتني تحت التراب × يمكن تحس وترجع وارجع انا مجنونك
أنا لمحت زولك وارتفعت فوق السحاب × وشلون لو عيني تنعكس بداخل عيونك
وهذي بعنوان كفاك غرور
بقولك ياحياتي كفاك غرور × ماتخيلت الغرور يحتويك وتنساني
من اول ليش تجي تراك منت مجبور × بعد ماتعلقت فيك تتركني وتجفاني
تركتني ياحياتي بس منت معذور × من بعدك بعيش انا حياتي وحداني
ماهمك طول الوقت خاطري المكسور × ولا هميتك وانا احبك من اقصى وجداني
قلبي تعيس ولا شاف عقبك السرور × متى يفرح قلبي لا صوتك لفاني
اتمنى اني ماثقلت عليكم والله وانا اكتبها احس انها مو موزونه بس يكفي انها من القلب
ونصايحكم الله لا يهينكم
