السلام عليكم ورحمة الله وبركاته
هذه قصيدة (الشاص) للشاعر / مفرح الشلاقي
اقتباس:
الله عليه الشاص الالفين واربع=شاص جديد ماوطى تربة القاع
يادست له بالبنص خطر يتقطع=لو ماتنوشه كود بأطراف الاصباع -
حزة غياب الشمس خطه ليا شع=لمعة حماره تجهرك كنها اشعاع
وليا وقف من فوق رجم وفرع= حر ليا منه دعيته لك انصاع
حر عل جزل الفعايل مطبع =حر وانا سميته شمام جزاع
سواقه المطنوخ ماهو مصرقع= راكد كما ليل به الناس هجاع
نفسه عن الحقران غصب ترفع = ماهو من اللي لامشى يغضب القاع
ورع صغير وطبعه امحق مدلع=ابلش هله يشرون له جيب وشراع
من شان لامنه على الجيب رفع = غرته تنزل طولها حروة الباع
ياكثرهم ملبوسهم جنز وقبع= لو تنصح الواحد تكبر ولا طاع
ويفز خرعه لا لمح له مطوع = في جيب هيئة يطلق الرجل باسراع
خايف على قصته تحلق وتنزع= يدرا خواطر شلة كلها صياع
ولامنه اقبل قلت له كش مع وع= وليا مشى يا بنت تمشي بتمياع
يا شافه المقرود تله وقرشع = وليا تغنوج تفتفت كل الارباع
هذا زمان يابو مقبل يخرع= نسل الحمايل بدلت عقلها اقباع
اخوكم الجعفري الشمري / حـــــــــــــــــــــــائــــــــــــــــــل
