مخلوط ســـــــــــــكر

غرواً سحرني باهي الزين رعبـوب
ما شفت أنا مثله مع كـل الاعـراب
مخلوط سكر والحلا فيـه مسكـوب
ومدموج مـن ورداً وفـلاً وعنـاب
مميـز وطيـب ورائـع وحـبـوب
وخلـوق وحنيـن وفتنـه وجـذاب
ورويـان ونحيـف ورزه ودبـدوب
ومزيون ومحطـم وفلتـه ونهـاب
أليا هرج في هرجته سحر وسلـوب
وعليه مبسم خالـطً سلـم ورهـاب
يغار ردفه من خصر قـد مسلـوب
وعينه تعاند سلهمت رمش وهـداب
والخد مبيـضً وخمـري وملهـوب
مخلوط مع زين الاعراب زين بنجاب
كله على بعضه حـزازات وحـروب
وله سلطةً تفرض على كل الاحزاب
يذوب اللي مـا بعـد فكـر يـذوب
ويلخبط اللي دارسً علم الاعصـاب
يا لعن ابو حيه مشا بي مـع دروب
والله مدري وش نهاية ها لاعجـاب
ان قلت حبوبً فهـو حيـل حبـوب
وان قلت له سيد فهو سيد الاحبـاب
كله حلا مـا فيـه أيـات عـذروب
وعلى الصبايا حاز زينات الالقـاب





ودمتم بكل خير وعافيه

صح لسانك وعلى القوه

ياعيني وش ذا الإبداع واصل إبداعك ولا تحرمنا منه

دمت سعيدا موفقا

مشكوووووووووور .. ولا هنت ..

صح لسانك

ولاهنت

يعطيكم العـــــــــــــــــــــــــــــــــــــــــــافيه

الحمدلله
صح لسانك .