ღ مـ ع ـأدلـة ز م ــن ღ

[align=center]" بسم الله الرحمن الرحيم "

:¦: السلام عليكم و رحمة الله و بركآته :¦:

شلـونكم ، شمسـوين ، شخباركم !!

والله صار لي فترة ما كتبت مواضيع ,, بس جاية و في جعبتي الكثير > :p

بخاطري موضوع واقعي ،، فكرته غير عن اللي فات ..

و بعيداً عن الأستطالة اللي ما أحبذها ،، بخليه على هيئة أجزاء ،، بس ما بتطول وآيد ..

ما نطول في المقدمة .. و ندخل بـ أول جزء ..

|| ـألجـزء ـألأولـ ||

http://alfrasha.maktoob.com/images/s...fwa%20(43).gif

يالله بعلمكم سـألفة :) ..

:

مرة من المرات و أنا قاعدة أتصفح مجلة ، كانت لرجال الأعمال ، و اللي فليساتهم زايدة حبيتين :shy ..

و أنا أتصفح ، و أشوف هذا و ذاك ..، و أشوف وش سوه ذا و هذا وش حط و مدري شنو ..

لفيت على صفحة ..، فيها بنت واحد من التجار و حاطين سالفتها مدري قصتها مدري شنو بالضبط ..، عاد أنا قريت المقدمة و أنصميت على عيوني و خلاص ما كملتها ..

المووهم ،، عاد بخبركم وشوو في المقدمة ..

راحت هذي بنت الـ........ ( الله يستر عليها و علينا ) ،
طبعاً بنت واحد من التجار ، كانت في لندن و شافت ساعة و دقت على أبوها تستأذن تبي تشري الساعة ..

:

و كان رد أبوها الكريم ...

( أشتري الوكالة لو تبي ) !!!

بنت أبوها واعليه ،، كفاية الساعة عليها ما شرت الوكالة بكبرها ،، بس شرت ساعة قيمتها تتراوح من 51 إلى 55 ألف دولار ..

بس !!!

عاد .. أشووه ،، بالمجلة حاطين ،، لا تنصدمون ،، بنات التجار دايماً جذي ..

فقلت لنفسي ،، تك ات ايزي يا بنت ..، و هضمت السالفة بشوائبها ..

و قمت أفكر ..!!!

لو رحت للوالد الله يحفظه و يرعاه و يخليه > قولوا آمين ;) ..

و قلت له يشري لي ساعة ( خلنا نقول ) بـ 25 دينار( 250 ريال سعودي ) ,,

تدرون وش بيقول لي ؟؟؟

:

:

:

وش لج بساعة هذي قيمتها ..!!

:

و الله و صادق ..

وش لي بساعة ذي قيمتها ،، مدام كل الساعات هدفها واحد ،، و هو معرفة الوقت ،، فـ ليش آخذ ساعة بهذي القيمة ..!!

خلنا نقول أختلاف الشكل ، الماركة ، الجودة ، و غيرها و غيرها ....

بس ما يستاهل أنه نآخذ ساعة بذي القيمة ..
بس اللي فليساتهم فايضة من الجيبه ،، غرتهم الدنيا و مناظرها الخلابة ..

ما يعرفون يصرفون الفلس في مكانه الصح ..

ناسين أن اللي بجيبتهم كله نعمة من عند رب العالمين ..

و ما يزيد خير هالنعمة ،، إلا بإستهلاكها في الشي الصح ..

وناسين إن

تقسيم الأسلام للأستهلاك نص على ثلاث مبادئ ..

الضروريات \ الحاجيات \ التحسينيات ..

و لما الواحد منا يجي يحسن على نفسه ،، ما يوصل لحد الأسراف ، التبذير ، الترف ..

فـ لو أخذنا المعيار الصحيح في الشراء ،، كان عرفنا ننفق في حدود الصح اللي حددته لنا الشريعة الأسلامية ..

فـ بالنسبة لي ،، المعيار الصحيح للشراء ..

الجودة + السعر المناسب + الحالة المادية = المعيار الصحيح للشراء ..

خلنا نركز على الحالة المادية ..

يقولك ..

يتحدد مستوى الأستهلاك بالقدرة المالية فلا يكلف الله نفساً إلا وسعها ( لينفق ذو سعة من سعته و من قدر عليه رزقه فلينفق مما أتاه الله ) الطلاق \ آية 7

و نقطقة ثانية \\ لا يجوز للمسلم أن يستهلك ما يملك في المحرم شرعاً بأستغلاله الحد المعقول مثل آنية الذهب ( و ساعتنا أختنا الكريمة ) ..

و آخر نقطة \\ وسطية الأنفاق هي الحد الأمثل للأستهلاك فلا إسراف و لا تقتير ( يا بنى آدم خذوا زينتكم عند كل مسجد و كلوا و اشربوا ولا تسرفوا إنه لا يحب المسرفين قل من حرّم زينة الله التي أخرج لعباده و الطيبات من الرزق ) الأعراف الآيتان 31 - 32 ..

و في الحديث الشريف : ( كلوا و تصدقوا و ألبسوا في غير إسراف ولا مخيلة ) ..

فـ رجعت لقوقعة أفكاري ..

و قمت أفكـر ، و أفكـر ، و أفكـر ..

إذا ساعة بس جذي من دون مناسبة ، و تآخذ لها ساعة كل ذي قيمتها ..!!

عيل مهر زواجها ، و ذهبها ، و كل مصاريف زواجها جم بيأخذ ..!!

ما طلع من نتاج تفكيري غير ....................

( الله يعين اللي بيأخذها ) !!!

:

بس رديت و قلت ما بيآخذها إلا واحد من هالتجار ..

فلا عتب .. و لا قلق ..!!

و قمت أفكر بالوضع الراهن ، لنا إحنا ( شباب هالزمن ) !!

و الله و وآيد طلع من تفكيري ,, لو أقعد من إلحين لباجر الصبح
ما نخلص ..

بس .. يالله .. المرة الجاية نكمـل ..

http://alfrasha.maktoob.com/images/s...fwa%20(43).gif

> شووي و ندخل في المغزى الطلوب :p ..
بس جد و الله المقدمة كتهيئة للدخول في العرض الصحيح :shy ..

أتمنى الفكرة لاقت الأستحسان ..
شكـراً .. لمن سيشرف صفحتي ..

و لنا لقاء ..

ـنـأ al3na ـألعـ[/align]