||......بين الناس شفت الغرابيل .... ( معاناة )....||
[align=center]||......بين الناس شفت الغرابيل .... ( معاناة )....||
في أحد الليالي الملاح الخاليه نادرا من الصياح
أقلب جوالي العجيب و أنا ممسكه بعموده أدور على رساله حلوه تليق بمقام بونيـه عكي
و أرسل لها :
ليتني في جيبك ريال مقطوع
أبقى معك ما يقبله أي دكان
و يسدل الليل ستاره
إلا أنني حسيت أن الليل ماهو أسود أشوف في السماء ألوان
و جنبي يعورني و أحس بألم فضيع و جسمي مبقع و أشوف جنبي منشق وطالع منه خيط
يالله الخيره يالله العافيه وش فيني الليله ؟
وألتفت حولي أدور شي لقيت ورقه صغيرة مربعه مكتوب عليها Made in china
أنا أخت أخوي وش ذا أنا ويني فيه ؟ ماخذيت ألا السماء أنفتحت و ألا نازلن منها خمس
ياويل حالي وش ذا الروح اللي ما يطلعها ألا خمسه
أشهد أن لا إله إلا الله
و أنكفت على جنب من الخوف إلا و يحوسون و يحوسون و يبترمون و يطلعون يالله لك الحمد
وأقعد أتمقل بحالي أنا وش بلاني وش هالوجع اللي هادني
و ألتفت على ظهري و أقراء الطامه وش ذا المكتوب ياعرب
مؤسسة النقد ...
أخت العيال _ غديت ريال ؟ :-$
وخلال ما أنا أتعزوا و أنتخي و أصيح بالعربان
ألا ينزلون الخمسه يمسكوني و أرتفع و تنفتح السماء ألا و أجر ذيك الشهقه
هآآآآآآآآآآآآه خلاص روحي طلعت
صادوني مالقوني أمس جوني اليوم
و طراااااااااااااخ على الطاوله
آي ياظهري
و يمسوني مس ويلزقون جنبي ألا ياوالله لك الحمد أسترد عافيتي :shy
وما أونست شي و أغفي على الطاوله من براد العافيه .....
ألا و يلقطني ذاك المجنون و يبرمني يبرمني و أشوف مشاهد الحياة تمشي بســــرعه
سياره - باب -سيكل- لفه -زباله -ورعان- كوره -لفه- سيارة - ورعان - كرتون - طريق -سياره - باب -سيكل- لفه -زباله -ورعان- كوره -لفه- ...
و أخبط ألا أنا بين كراتين جالكسي وغندور
يالله لك الحمد ماعقب الصبر الا الفرج :D
وما أن تباشرت و أنفرجت أساريري ألا وتجي ذيك البنيه الحمرا العاقله وأسمع واحدن يقول
هاك خمسه عطني أربعه عصير
ألا ويخمني هالهندي و يجيب معي واحدن يشبهني و يصقع رجله بظهري
وجع إن شاءالله ماتشوف ظهري يعورني أنزح وراك شوي
قال ما أقدر حاط مغاط لاحووول
المهم و أتعرف على هالريال
وشلونك ؟ طيب ؟ علامك ؟
قال: وش دخلك ما تنطمين الواحد مايرتاح لحاله .
قلت : عوافي عوافي يامال الفرقا تحسب بس أنت لحالك الزهقان أنابعد طفشانه ووجعانه شف جنبي متيبينه
ألا وتغصه العبره قال : أنا آسف ماكنت أقصد بس أنا متضايق من هالخبول
قلت : ليش ؟
علمني وش قصتك ؟
قال أسمعي :أنا كنت عايش بسلام ماعرف غير الدلع و الترتيب ومن صندوق نظيف لصندوق أنظف أطلع بشكل منظم وآلي لين الله قطني بيدين هالخبول في أحد مقاصف هالمدارس ولعبوا فيني وخربوا برستيجي أمانه أمانه شوفي ظهري هذا ظهر ؟
ألا يا والله ظهره ماينشاف مع تحيات عقرب الوادي _ذكريات M+A+S=محبه حتى المووووت
لاحووووووووول
ظهرك ماينشاف حتى جبهتك ماسلمت !!!
ونقعد ذيك الليله بسلام و هدوء وكأن الميانه طاحت لأننا قعدنا نلعب ( موني بولي )
:)
وقلت : أسمع حنا متفرقين متفرقين عاجلا" غير آجل
علشان كذا سولف علي و أنا بأسولف عليك _
فأبغى أعرف وش أصعب موقف مر عليك ؟
قال : أممممم لاتزيدين المواجع مرة من المرات تعرفت على ربع و ربعات !! في صندوق في أحد هالبنوك وصار بيننا ميانه وعيش وملح وخيار وبعضنا أعرس وجاه عيال لين جانا هادم اللذات(الأسهم) وياما تفرقنا و ياما تجمعنا و جونا ناسا" مانعرفهم ثمن راح نصهم وجا بعض ربعنا و تشتتنا الله لايوريك
طيب أنتي _ علميني وش أصعب موقف ؟
قلت : يالطيب أنا حياتي كلها صعبه <<تحزن
مرات أموت من الحر ولاحولي أحد (بيدين خباز )
ومرات يمرسني هالورعان ويدينهم كلها كاكاو وسعابيل ساعتها ودي أنتحررر من القرف !!
ومرات في عز القايله تخيييل في عز القايله يمسكني ويدينه كلها رز ولبن .. قمة العذاب
وماامداني اسولف عليه الا ويلقطونه اللي مايخافون الله
:-$ وأبــــــــــــــــكي وأبكـــــــــــــي :-$
حتى رفع الليل ستاره ..
وأسجد سجود شكر .. على نعمة الإنسانيه .. وأحلف .. أن أخلي .. كل ريال في ظرف لحاله معزز مكرم ..
وارجع لجوالي ... وامسح الرساله وأكتب لها :
:D (( لو أدري ان الصحاري تنقـــــل الأشواق .... كان أنقل لك مع كل جربوع بوسه )) :D
وسامحوني ... وطحياتي..قصوره خانـوووم[/align]
