يلعن ابو دار بها الذيب ينهار ** ولا الحصيني نالبه ماتمنّا
..
قصيده شامخه للشاعر // فاضل بن عواد الشمري
قالها قبل قرابة الـ 20 سنه
وبسبب هذه القصيده تم إعفائه من خدمته في الجيش الكويتي
وبعدها رحل الى ديار شمر في الجزيره
يقول الثابتي : -
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
تعذرتنا الدار وأيضاً أهل الـدار=واليوم عزمنا الرحيـل لوطنـا
يلعن ابو دارٍ بها الذيب ينهـار=ولا الحصينـي نالبـه ماتمنـا
حنا خلقنا الله صناديد وأحـرار=وشلون نقبل عيشة الذل حنا ؟
لا والذي عالم خفيات الاسـرار=من عاش بالذل ما حسبناه منـا
حنا صحيح بكل ديـره لنـا دار=لاشك زومـات الطنايـا دعنـا
ماكل دارٍ به مواكـر للاحـرار=والوقت الاقشر حدنا وامتحنـا
يم ديرةٍ ذقنا بها كـل الامـرار=يامـا تصبرنـا ويامـا حملنـا
لاشك رغم اللي على حالنا صار=نبقـى نـزوم ابعزنـا ماطنـا
حنا هل النخوه وحنا هل الجار=ومن صكته ميلات بقعـا زبنـا
حنا هل التاريخ وايضا هل الكار=يشهد لنا بالمجد ماضـي زمنـا
كم واحد من ضربنا للحـد زار=وكم واحد في نومته مـا تهنـا
تهابنا من فعلنا كـل الاقطـار=واكبر دليل ان الـدول شردنـا
من صارت الدنيا والايام تنـدار=ذيب وغنم ما تجتمع في زمنـا
قلته وانا حر من احرار سنجار=وربعي هل الجدعا الياسئل عنا
ثوابت ياللي بنا جاهـلٍ غـار=عند الثريـا والكواكـب سكنـا[/poem]
