اما تجنب هالهبال وتترك البعد وتتوب,,,والا بتبشر بالهبال اللي ماهوب اهبالها
هذه قصيدة رائعه للشاعر........حامد زيد
اتمنى تعجبكم
واعيني اللي كل ما ذعذع من الغـــــــربي هبـــــوب
يحلا لها لون الغروب اللي يــــــــذوب قبالهــــــــــــا
وياويل حالي كل مايحـــــــلا لها لون الغــــــــروب
تطري لي الريم اللعوب وســــــــالفة ترحــــــــــالها
وياجرِِّ قلبي كل ماتطري لي الريم اللعـــــــــــــوب
حرمت أمد ايدي على حاجه وأنا ماأقـــــــوى لها
من سافرت ريم الغلا صدّيت عن كل الـــــــــــدروب
ماهو قصورٍ بالعــــــــذارى ، بس ذيك لحــــــالها
من فارقتني ماخطف قلبي من الحور محَــــــبوب
ولا لقيت الجادل اللي تستحق أحيـــــــــــــــــا لها
لأن القلوب إن ماوفَت لأحبابها ماهي قــــــــلوب
والعشره اللي ماترد الروح ما نسعــــى لــــــــها
أما الوفاء اللي يستر الرجال من كل العيـــــــوب
والا الجفاء اللي يستر عيوب العرب فرجـــــــالها
ماأقسى من فراق الجنوب إلا فراق أهل الجنوب
ويلي على اللي كل ماتزعل تشد رحــــــــــــالها
اللي مذيَرها العتب .. لا شبَت بصــــدري شــبوب
عيَيت أراضيها وهي عيت تطوّل بالهـــــــــــــــا
كانت معي مثل النصيب يحدّني من كل صــــوب
كانت دروبي من متاهات الضلل .. لظلالــــــــها
كانت هروبي لاشعرت أني بحاجة للهــــــروب
كانت سماي اللي ليا ضاقت عليّ ألجـــا .. لها
ليه اتحّداني وأنا في كل الأحوال مغلـــــــوب؟
ليه احرمتني من قهر عذالي وعذالـــــــــــــــها
ليه اتجاهلني وانا ماني جبـــــــان ولا كـذوب
ليه ارخصت دمعي وأنا اللي ما بكــيت إلا لها
ماترحم اللي له سنه كنّه على النار محــــطوب
ماهزها دمع الفقيد اللي بكته اطــــــــــــلالها
ماخافت تهدم السنين اللي بنتنا طوب طـــــوب
مافكرت تشفق على حالي وترحم حــــــــالها
قولوا لها لو ماتذوب أنا بخلــــــــــــيها تذوب
قولوا لها لو ماعنت لي مســــــــــتعد اعنالها
اليا ادمحت لي هالخطا بدمح لها كل الذنوب
وإن جابت الحسنه معي تبشر بعشر أمثالها
افرش لها صدري وطن واجمع من ضلوعي شعوب
وارقى لها مكـــــــــــانة محدٍ قدر يرقـــــــى لها
إن كانّي مخطي فأنا ماني خليّ من العيوب
الذنب يغفر والبشـــــر تجزا بقدر اعمــــــالها
البعد قاسي والفراق يضيّق الصدر الرحـــــوب
وأنا تعبت أدوّر الحـــــــــيله وارد احـــــتالها
قولوا لها ترجع ترى ماني على البعد مغصوب
وإلا ترى نذرٍ عليّ أنه ماهوب اشوالـــــــــــها
أما تجنب هالهبـــــال وتترك البعد وتتــــــوب
وإلا بتبشر بالهبال اللي ماهوب اهـــــــبالها
كافي زعل ترى الظروف مقفّله من كل صوب
وأنا حملت من الهموم أنواعها وأشكـــــالها
يكفيني إني كل ماهبت على صدري هبــوب
تحنّ عيني للجنـــــــوب وتلتفت بلحـــــــــالها
والمشكله إني كل ما حنّت عيوني للجـــنوب
تطري لي الريم اللعوب وسالفة ترحــــــــالها
تحيتي
صمت مغتربه
