__| ســـالفــــة الـشـايـــــب و الــــــوايـــــت!! |__

http://www.7mbc.com/up/upf8/7mbc_104138440.bmp

يسولفون عن شايب نوا يشتري له وايت..عشان الحلال،،


وعزم يجمع له بالدراهم لين صار عنده ثمانين الف ريال،، وتوكل على الله،،


واقبل ذاك اليوم إلا ذيك الناس المجتمعة في ارض فضا،،


واثري جمبهم وايت،، وعجب خوينا هالوايت،،


قال بس خلن اشوف هالوايت عساه للبيع،،


يوم وقف واثري هالجماعة يحرجون:


50 ،، 52 ،، 55 ،،


قال بس شكلهم يحرجون على هالوايت إن شاء الله انه من نصيبي،،


ويخش بالحراج... 56 .. ويزود.. ويزودون .. ويزود..


لين وصلوا 75 .. قام خربها وقال 80 ..


هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!


يناظرونه.. يناظرون بعض.. يوم تغامزوا ونقز له واحد منهم ..


ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..


قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله


وش اسمك؟؟ عطاه اسمه وكتب له الشيك بمليون ريال وصرّف الرجال..


هو ما يدري وش السالفة ..





طيب وش العلم ..!!!!!؟؟!!!!
..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..


ويحسبونه هامور يبي يلطش عليهم المخطط.. قاموا صرفوه بمليون..


وهو طاير من الفرحة.. :lol


http://www.7mbc.com/up/upf8/7mbc_566057052.gif

ههههههههههههههههههههههه
حلوووووووووووووووووووه
امواج الشرقية

ههههههههههههههههههه



وكاد انخرع من المليون

ههههههههههههههههههههههه
شكرا امواج

ابو نايف ..
ليث ..
ذويبان ..

.. عساها دوم ضحكه .. قولوا الله يرزقنا بس ..

امواج الشرقيه
شكرا لك على الطرح
وفقك الله