ماعاد نبغـى فـي الرواتـب زيـاده اللي نبيه اليوم تخفيـض الاسعـار

الراس صاير فيـه ورشـة حـداده
..............................قام يتحلل فيـه مسمـار ...مسمـار
قلت الركـاده ميـر ويـن الركـاده
............................كنّي مع الحجاج في رمـي الاجمـار
من عقـب ماجانـا قـرار الزيـاده
..........................من مجلس اهل الجود وافين الاشبار
كـلٍ مـن الفرحـة بيقـدح زنـاده
..........................جبنا القروض نضارب السوق وانهار
وجينا نبي بـس الرجـا والهـواده
..............................والله وكيلك شبّت اسعارنا .. نـاااار
والراتـب الماخـوذ جتـه القـراده
................................ماينزل الا..صافقه مثـل الاعصـار
فاتـورة الهاتـف وعاجـل سـداده
.................................والقرض والكهرب وتسديد الايجـار
والتاجـر المليـان جـاب الوسـاده
......................................يبـي يوصّـل راس مالـه لمليـار
والا المواطن صار..سهل اصطيـاده
....................................جته الهوامير بوسَط غـب الابحـار
واصبح نهار وليـل وسـط العيـاده
..................................مابين طب الراس والقلـب وشهـار
يامـن يوصّـل كلمتـي للقـيـاده
........................................للحاكـم المحبـوب والوالـدالبـار
ماعاد نبغـى فـي الرواتـب زيـاده
.....................................اللي نبيه اليوم تخفيـض الاسعـار

[align=center]الله الله
صح لسانك أخوي راعي غنم
واعتلا شانك وبيض الله وجهك
الحقيقه صوّرت الواقع بحذافيره
بأجمل تصوير بارك الله فيك
تقبل مني كل الود والاحترام
أخوك ........... ابن قشعم[/align]

[align=center]
حياك الله اخوي راعي غنم ...

عوداً حميداً ...

ماعاد نبغـى فـي الرواتـب زيـاده
.....................................اللي نبيه اليوم تخفيـض الاسعـار

صح لسانك ولسان الشاعر ...

قصيدة رائعة ومؤدبة وهادفة ...



[/align]

الحمدلله
قصيده تستحق التثبيت لأنها مثل مقال الرطيان !!!
لك الشكر ياراعي غنم .

[poem=font="Simplified Arabic,7,tomato,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
راعي غنم ماظن ذقت القراده = تبيع منها ماتولوك تجار
الله يعين موظفن حاف ساده = ماله غنم والترقيه مالها اذكار
والمشكله وقت الغداء الرز عاده= والرز ولع ياولد ظمن الاسعار[/poem]

صح لسان ك

ويعفيك ربي


تقبل مروري

اللة اللة عليك راع الغنم
تكلمت بلســــــان الجميع
لاخلا ولاعدم
صح لسانك
وطاب فالك

صح لسانك يالغالي ولاهنت
وبارك الله فيك